سعدوانى ازاى احبب بنتى تسمع القران؟؟؟؟؟؟

[lolo habeby]

السلام عليكم يا بنات
بقالى كتير مدخلتش لظروف بس وحشتونى
عايزة اعرف احبب بنتى ازاى انها تسمع القران وترددة
هى عندها خمس سنوات
بجد مجننانى كل ما احاول اسمعها القران تعيط وتبقى عايزة تشوف كرتون
او تسمع اغانى
مش عارفة احببها ازاى فى سماع القران انا بجد متديقة جدا لما لاقيت رد فعلها انها مش عايزة القران وتقولى انا بحب اسمع اغانى بس
لانها كانت تسمع بودنها بالهند فررى اغانى من على الام بى 3 بس شيلت الاغانى وحطيت مكنها قران بقت زاى المدمنة تدور على اغانى مش عارفة حد يساعدنى ونصيحة لكل ام لسة بنتها صغيرة انها تعودها على القران
ولكم جزيل الشكر

[noony suger]

اختى الكريمة علميها بالتدريج مثلا خصصى ساعة فى الصباح او فى المساء و شغلى القران فى البداية اختاري المقرئين اللى بيقرأوا بصوت حلو لكن مش حزين ( مثل صلاح بو خاطر او السديس او العفاسى)و اعطيها ساعة تتفرج على الرسوم و اى شئ اخر و اعلمى يا اختى انك اذا منعت ابنتك عن شئ عندما تكون خارج المنزل او اثناء غيابك ستعمل ما يحلو لها و ستعلميها الكذب عليك و عدم الصراحة. بكرة بتكبر و تعرف الصح من الخطأ و ابنتك لا تزال صغيرة لا تتوقعى ان تكون شيخة فى هذا العمر و لكن علميها ان هذا حرام او حلال و مع المدة سترسخ الافكار فى ذهنها و لكن لا تجبريها كى لا تكره الامر و تنفر منه .سمعيهاالسور القصيرة فى البداية ( الفاتحة -المعوذتين و الاخلاص منه بتحفظ و منه بتتعود على سماع القران و حاولى ان تعرفى اوقات الاذان فى الحرم المكى و شغلى التلفزيون عليها و اخبريها بان هذه الكعبة و اذا نظرنا اليها ربنا راح يحبنا و يعطينا حاجات حلوة و حسنات كثيرة و انشاء الله مع المدة راح تتغير الى الافضل.

[ام سهيل]

ياحيا الله ام يوسف

شوفي ياغالية انت ابدأي يومك بفتح القران يعني خليها لما تصحى من النوم تصحى وصوت القران مفتوح
ابنتك ماشاء الله تفهم , ابداي احكي لها قصص عن ناس حفظوا القران وكيف ربنا وفقهم في حياتهم
حببيها للقران عن طريق القصص
قولي لها حنعمل جدول ونشوف مين فينا حتحفظ قران اكثر انا ولا انت
حاولي قبل النوم تقراي عليها ايات الرقية بصوتك حتى تتعود انه لازم قبل النوم قران
واول ما نصحى نبدا يومنا بذكر الله حتى ربنا يوفقنا ويحفظنا طول اليوم من الشياطين
حاولي تغيري حياتها افتحي لها وقت العصرية قناة المجد بيجيبوا افلام كرتون حلوة
حاولي تمسحي القنوات الفاضية بتاعة الاطفال زي ام بي سي وسبيستون
والله بتدمر عقول اطفالنا وبتمحي هويتنا الاسلامية .

وان شاء الله ربنا يفرحك فيها ويجعلها من الصالحات.

[lolo habeby]

اشكرك يا نونى انتى وام سهيل بارك الله فيكم بجد شجعتونى على افكار جديدة وانى اطول بالى لانى بجد بزهق بسرعة وبتعصب بس ربنا يسهل ان شاء الله واعمل الخطوات اللى قولتوهالى ان شاء الله ربنا يكرمك يا رب

[*جنة الاماني*]

ربنا يقويكي يالولو يارب
بصي ياستي
زي ماام سهيل قالت خلي القران بالليل والنهار وعوديها علي سماعة دايما وانت معاها
وبعدين قولي لها تعالي نحفظ القران عشان ربنا يبعت لنا هدية حلوة
واوعديها مثلا انها لو حفظت سورة معينة ان ربنا هيبعت لها حاجة حلوة
وحطي جانبها بالليل قبل ماتنام شيكولاتاية او بسكوتة من اللي هي بتحبة

وخليها وهي قالعدة وانت رايحة تصلي قولي لها تاعلي زي مامي اتوضي والبسي الحجاب وصلي مع مامي عشان تبقي شطورة وكمان ربنا يحبك

وكمان جيبي لها البوسترات اللي بتعلم الوضوء والصلاة بتاعة الاطفال دي بتبقي لذيذة وحطيها في حجرتها
وخلي اذا امكن قران دايما طول الليل وهي نايمة هيخليها تتعلق بية اكتر
وطولي بالك عليها ضروووووووووووري
عشان الضرب والزعيق هيعمل معاها نتيجة عكسية
واحكي لها دايما قصص الانبياء بتاعة الاطفال
خليها بدل حدوتة قبل النوم قصة من قصص الانبياء
وعرفيها ان نبينا اسمة محمد وهو بيحب الاطفال
يعني علميها الدين كللللللة من دلوقتي عشان تطلع من نفسها ملتزمة
بس بطريقة الاطفال وبصور الاطفال
ويامااكتر الحاجات دي في المكتبات والمعارض
وربنا يعينك علي تربيتها التربية الصحيحة المسلمة
امين يارب
يارب اكون افدتك

[♥ نبعة الريحان♥]

مثل ما قالو البنات كلامهم صحيح