كفاية لحد كدة بامبرز !!!!

[زقزوقة و زقزوق]

السلام عليكم و رحمة الله و بركاته

أنا ابني دلوقتي عنده سنتين و 4 شهور ، متهيألي بقى انه كفاية لحد كدة بامبرز، و لا ايه ؟

لأنه مع قدوم الصيف و زيادة درجة الحرارة ، بيبدأ يحصل التهابات ، و تسلخات في مكان الحفاضة خصوصا انه كبر دلوقتي ، و بيلبس حفاضة من الحجم الكبير

عشان كدة عاوزاكم تقولولي ايه الطرق اللي أقدر أعملها عشان أبدأ أعوده على دخول الحمام من خلال تجاربكم المختلفة

و ياريت كل اللي عنده تجربة في الموضوع ده يقولنا عليها عشان كلنا نستفيد

و جزاكم الله كل خير

[أم جورى]

بصى يا زوزو انتى اتاخرتى اوى فى تعويده حاولى معاه باة واحدة واحدة يعنى معظم النهار يكون مش لابس لكن فى النوم لبسيه

ولو عمل برة البامبرز فهميه ان كدة غلط بس بالراحة
بصراحة انا نسيت

[أودي]

بص يا حبيبتي ... اطمني ممكن في السن الكبير ده يستجيب علطول بس انت انوي ولو قلعتيه متلبسهوش تاني...

* الاسبوع الاولاني او حسب استجابته ... ابدأي بالكلام بس مثلا قوليله يا حبيبي لما نيجي نعمل ببيه نعمل في البوتي مثلا وتجيبيها وتقعديه او في الحمام علطول لالاضافه لمكافآت كل ميدخل لو نجح وتسقيف وبوني وحجات حلوه تكوني مدتهالوش قبل كده . وعلى طول اليوم بالكلام بس نفس الجمله تردديها وعلميه هو اللي يرد بس بشويش خالص ومن غير نرفزه ولا ضرب

* الاسبوع الثاني ... ابدئي قعديه كل ساعتين وهو لابس البمبرز

* الاسبوع الثالث ... قلعي البامبرز الصبح ولبسيه بليل

بس تفضلي على وسائل التشجيع

* الاسبوع الرابع ... قلعيه خالص البامبرز بس انت بقي حطي عنيك في وسط راسك انك كل شويه تقعديه وتسأليه وهو يجاوبك
وممكن انشاء الله ميخدش منك اسبوع اعرف واحده بنتها مغلبتهاش خالص وكانت تقريبا ازيد من عمر ابنك بشويه

ويارب يكون كويس كده وشاطر وبيحب ماما وميبهدلش الدنيا لماما زي ما ابني حبيبي عمل معايا وبعد ما تعود غسلت السجاجيد ووهنجد وهغير الشقه كلها ...................هههههههه

[ghofran2009]

بصى يا زقزوقة...انا ابنى عنده دلوقتى سنتين ونص....ولسه مقلعاه البامبرز من شهر تقريبا ...بصى هما فى السن دة مش بيغلبوا قوى ....
انا هاقولك عملت ايه ...انتىمعلش مضطرة انك تقلعيه البامبرز وتلبسيه كدة حاجة خفيفة...ولازم تبقى عندك غيارات كتير....وكل ساعة او ساعتين كدة تقعديه فى الحمام ولازم يبقى عندك قاعدة صغيرة بتحطيها تحت قاعدة الحمام الاصليه دى قاعدة معروفة وهتلاقيها بسهلة عشان تبقى على اده......وانا رايى تقعديه على طول فى الحمام انتى لسه هاتقعدى على بوتى وبعدين تقعدى فى الحمام انا ابنى ما قاعدش ابدا على البوتى ما كانش بيرضى يقعد عليها كان بيحب يلعب بيها بس .
وهو لازم طبعا هايقعد فترة يعمل على نفسه .لا مفر من كدة بس دة بيبقى مفيد ليه انه بيعرف يعنى ايه بيبى وانتى طبعا لما يعمل كدة تفهميه ان دة كخ وان دة بيتعمل فى الحمام ..
هو بعد كدة هايكسف يعمل على نفسه وهايبقى متضايق ........انا ابنى ما شاء الله اخدنا اسبوعين تقريبا فى الارف دة وبعدين لقيته بيقلى من نفسه
بس على فكرة انا لسه بلبسه باليل لما ينام بامبرز ........هاستنى شويه كدة وبعين ابقى اقلعهوله ..اصل دة موال تانى ابقى اقولك عليه بعدين لا حسن ايدى وجعتنى من الكتابة وارجو انى اكون افتدك.....................

[ghofran2009]

اة نسيت اقولك لما ربنا يكرمه كدة ويعمل فى الحمام ........لازم تقعدى تصقفى انتى وباباه وكل اللى فى البيت ولو قدرتى الجيران كمان ..........يعنى تعملى فرح..وتدىه بقى الحاجة اللى بيحبها وتقوليله كل ما تعمل البيبى هنا هاديلك الحاجة دى ......وربنا يعينك يا بنتى الموضوع دة اقرف حاجة فى تربيه العيال .........

[سدراالمنتهى]

الله يعينك ويعني وانا كمان لازم بلش بابني صار عمرو حياتي سنة وتسع شهور

[♥ نبعة الريحان♥]

ما قصرو البنات بس فعلا تاخرتي علية يعني حاولي تعلمي شوي شوي لان عمرة مناسب

[samsara]

انا بدات اعلم بنتي وهي بعمر ابنك

وكنت نازله اجازة على بلدي لانو هنا فامريكا بيتي كلو موكيت والتنضيف كان حيصير صعب عليا
فاستنيت لغاية ما نزلت وانت عارفه بيوتنا كلها بلاط واسهل التنضيف

والله ما بكذب عليكي من تاني يوم بدات تقللي انو في بيبي عشان اوديها الحمام
بس كمان تنسى كتير اياما

بس ما في اسبوع او اتنين وبتلاقيه صار تمام بس بدك تصبري عليه
والله يعينك ويكون معك

انا من هلق شايله هم البيبي الي لسا ما ولد كيف بدي انضفو من البامبرز

[زقزوقة و زقزوق]

جزاكم الله خيرا على كل النصائح المفيدة دي

و أنا ان شاء الله هاجربها مع ابني ، بس أشيل السجاجيد الأول عشان الدنيا ما تتبهدلش

و أدعو لي ان الموضوع ده يتم على خير

آميــــــــــــــــن يارب العالميــــــــــــــــــــــــــن

[روفي حبيبة قلبي]

وانا كمان راح انضم لأختي زقزوقة في حملتها ضد البامبرز لأني انشاءالله حابدأ اعود بنتي مع انها كبيرة عمرهاسنتين وتسعة شهور لكن ما قدرت اعلمها قبل كذا لأني دوبني طالعه من الأربعين اما في فترة حملي كنت كسلانه شويه ومافيه حيل اعودها على الحمام وبالذات في الشهرين الأخيرة بنتي يبغا لها مشروع ربع ساعة على ادخلها الحمام عشان اغير الحفاطة فما بالك التعليم اصعب

لكن الحين فضيت لها وراح ابدا معاها بإذن الله لأنه صعب يكون عندك اثنين يلبسون حفايظ اولا تعب ثانيا مصاريف زايدة

سيري يأخت زقزوقة على بركة الله وانا من ورائك>>>>>>متحمسة مرة

[ملك المالكى]

زقزوقة وروفى
ربنا يعينكم
هو انتو اتاخرتو بس فى المرحلة دى الطفل بيفهم فى الكلام ووبيستجيب اسرع
يعنى ان شاء الله يتعلمو بسرعه

[bent masr]

أهم حاجة يا زقازيقو انك تشجعى ابنك و تخليه هو نفسه متحمس جدا للموضوع و حاسس انه هو نفسه عايز يتعلم.........لأن لو ماعندوش الرغبة دى,يبقى نهارك أبيض ان شاء الله....

[bent masr]

فهميه انه لما يقلع البامبرز هايبقى زى الكبار........
و انه لما يتعلم,هاتجيبيله underwear عليه الأشكال اللى هو بيحبها,هاتلاقى فى محلات الأطفال أو فى كارفور أشكال جميلة أوى

[ام سهيل]

انت لا اتاخرت ولا شي هذا هو الوقت المناسب لكل طفل في التعليم على الحمام
لانه يكون فاهم وواعي ويعرف يعبر عن احتياجاته الخاصة

ابداي وربنا معاك والاخوات مقاصروا وبعدين لاتنسي تحكي لنا عن تجربتك حتى يستفيدوا منها الامهات.

[kouky5]

السلام عليكم يا زقازيقو يا جميلة

بصي انا كنت باخد ابني علي التويلت علي طول وافضل معاه واحكيله في حواديت واجيبله قصص وافضل احكيهاله فبقي يحب يقعد وبقاش يزهق ....بعد كدة لما بقي يعمل في التويلت اخليه يلزق استيكرز ( الفكرة دي كنت قريتها في المنتدي هنا من احدي الاخوات ربنا يبارك فيها )...فبقي كل شوية يطلب يدخل التويلت علشان يلزق استيكرز ودي اكتر حاجة جابت نتيجة معاه....وربنا يعينك