ابنك حركي؟؟؟؟؟؟؟؟ اتجننتى ولا لسه؟؟؟؟؟

[SIRINA]

حاولي تستثمري نشاطه في اشياء مفيدة

[semba155]

انتى عارفه ان الاطفال بتبقى طاقتهم زايده فى السن ده ولازم يخرجها

[lolo2ty]

انا كمان ابنى فظيع كدة من صغره و دماغه ربنا يستر عليها من كتر النط والجري والشألبظات..يعنى دماغه مش معتبرها من بأيت جسمه وكل شويه يخبطها فى حاجة ويعد يعيط وفى الآخر دخلته جمباز عشان حركتة تبقى مدروسة و لما يحب يقع يقع بطريقة فنية ماتئذيهوش.

[om belal]

بوسي الله يخليلك ابنك امييييييييين بوسي يا سيتي ده طبيعي الولد عنده طاقه الدور عليكي انك توجهي الطاقه دي بمعنه يعني يومه كله يكون مشغول في حاجه مفيده و لازم يخرخ الطاقه دي ....يعني لازم يلعب رياضه في اليوم مش اقل من ساعتين لو مشتركه في نادي يبقه خييير و بركه لعبيه رياضه ....و يروح مسجد يحفظ قراءن شويه مش اكثر من ساعه يتفرج علي حاجه بيحبها في التلفزيون و برده ساعه في اليوم يلعب بلاي ستاشن او كومبيوتر و ينام ب نظام و يصحه بمعاد

[bent masr]

شكراً للجميع

أم جورى
هو الصراحة ابنى مش مدمر للدرجة دى....هو بش حركته كتير لكن مش عنيف

سونة سعيد
شكراً لمرورك....أورة ابنى دايما عاملة زى توم و جيرى!!!!!!!!!!

نهى 2009
شكراً لمرورك

كوكى
و الله بنلعب رياضة من عمر 3 سنين و نص!!!!!!!!!!!!!!!!!!
و دلوقتى بيروح سباحة بانتظام,صيف شتا

دودى أم يوسف
ربنا يهديلك أولادك و يحفظهم.....وديهم أى رياضة يحبوها

سارة عبد الله
أهلاً بيكى فى حزب الأمهات المحتاسات!!!!!!!!!!!

سيرينا و سيمبا
شكراً لمروركم

لؤلؤتى
ربنا يحفظلك ابنك....أنا ابنى لعب جمباز سنة كاملة و بعدين نقل على السباحة

أم بلال
ربنا يحفظلك ابنك و شكراً على النصايح

[norway rose]

عزيزتي ا نتبهي لنوعية الاكل الي بياكلها
ممكن انه بياكل كتير سكاكر و هاد بزيد من الحركة
لكن العدوانية شيء اخر..

[ملك المالكى]

اديله اكلات مهدئة شوية

الشوفان مثلا بيقولو بيهدى الاعصاب دخليه فى اكله
بس بصراجة الاجسن تستفيدى من حركتة وتوديه يمارس رياضة
الشقاوة حلوة وعلامة صحية
ودايما ترتبط بالذكاء

[ommammar]

والله يا اختي انا كمان ولادي مجنني من الصوت العالي طول النهار وطبعا مش بيمشوا على الارض مثل البشر والله يمكن من عمر عام وهو دائما فوق الكراس والترابيزات وترابيزة الكمبيوتر من فوق تخيلي كل حاجة عالية يحبوا يتسلقوها حاسة اني قاعدة في جبلية قرود
ولو واقفة في المطبخ كل واحد يجري باقصي سرعة يجيب الكرسي بتاعه ويقفوا جنبي
غير مرحلة ترابيزة المطبخ يفتحوا الادراج ويطلعوا درج درج لحد ما يوصلوا للترابيزة وده في سن عام وعام ونصف دلوقتي هما خمس سنوات و3 وماشاء الله ربنا يبارك فيهم
مش حاسة ان ده غير طبيعي وطبعا موضوع النادي عندي صعب النوادي هنا قليلة وبعيدة وغالية وكل حاجة عيوبها كتير نفس والله واودي ولادي نادي حتي لما يكبروا شوية واحنا محبسوين حبسة سجن مش عارف حعمل معهم ايه صعب جدا قعدتهم في البيت
بالذات الولالالالالالالالالالالالالالالالاد ربنا يبارك فيهم ويحفظهم جميعا ويهديهم وولاد المسلمين جميعا
انا معك في تجمع الامهات المحتسات بس نحمد ربنا على كل شئ نعمة من عند الله ربنا يصبرنا طالما ان الامر في حدود الطبيعي والحمد لله

[المسأنسة بالله]

السلام عليكم جميعا

أبشركم لسه أنا صااامده وبحول الله وقوته مستمره أنا من قوم لسه لسه لسه وطبيعييي اى شي يجي من الاطفال والله المستعان بس انتو خلو ثقتكم بالله كبيره واستعينو به تعالى والله خير حافظ وخير معين ...

[enno]

السلام عليكم ورحمة الله وبركاته والله موضوع رائع وجه مس الجرح صح
انا ابنى الله يبارك فى عمره شقى ماشاء الله عليه بس انا باحس ان ده طبيعى عايز يطلع طاقه ويكتشف البيت وكل حاجه لو مكنش يطلع طاقته فى الشقاوه والمرواح والمجى والوقوع والخبطات هايطلعها فى ايه بصراحه انا كنت حاسه ان شقاوته دى اكتر من الطبيعى لحد ماسافرنا مع واحده صاحبتى واسرتها وشفت ابنها مش ممكن ابدااااااااااااااااااااا صعب صعب بجد الله يكون فى عونها
هو عنده سنه لسه مكملها ماشاء الله بيمشى كويس مش زى ابنى لسه بيتعلم المشى بس حركه داااااااااااائمه طول الوقت مش بيركز دقيقه والله وبعدين عنيف اوى يعنى حركته دى كلللللها عباره عن تخريب بس او يضرب اى حد ادامه او يخبط فى الحيطه او الباب او يحاول يشيل كرسى من مكانه علشان يحدفه حركات عنيفه اوى اوى ومتواصله كلللها مش عارفه ده طبيعى ولا لا وبعدين حسيت انه مفيش تواصل بينه وبين حد يعنى مثلا انا بحاول اعود ابنى يقول انبو لما يكون عطشان او حتى لما يشوف الميه هو مفيش تفاهم معاه اصلا مفيش وقت يقعد فيه علشان مامته تعلمه حتى الرضاعه فرك فرك كانه بيتسلقها ويطلع عليها برجله
بصراحه انا عايزه افهم ده طبيعى ولا لا لانى قلقت على الولد

[لحن الغربة]

الله يكون بعونك انا عندي بنتين والكبيرة ماشاء الله عليها حركة كثيييييير لدرجة اني خفت تكون مصابة بمرض كثر الحركة طبعا طول اليوم تمشي من كنبة لكنبة او تصف الطاولات الصغيرة والكراسي وتمشي فوقهم واذا دخلت غرفة النوم تشتغل نط ونط على السرير ودايما عصبية ولعبها مزعج جدا والمشكلة انو اختها بدات تقلدهاوطبعا ماتخلص لعب الا والغرفة تكون مقلوبة قلب وانا ما احب اشد عليها اخاف شخصيتها تصير ضعيفة اما بالروضة المعلمة تقولي بنتك هادية جدا وذكية ماشاءالله وكل هذا مايجي شي جنب لعب الاولاد الله يكون بعون ام الاولاد ويهديهم ويصلحهم يارب

[possy26]

بنت مصر والله انا ابنى زى ابنك كدة مجننىىىىىىىىىى وحتى بنتى كمان ومش عارفة اعمل معاة اية دة غير الافتكاسات اللى بيقولهالى كل شوية وانا بقى اتجنن هو بردة شقى لكن مش عنيف انا مرة سمعت دوكتور بيقول هاتى لابنك لعبة جديدة ومثلا لو عمرة5 سنين ينشغل باللعبة 6 دقائق وبعدين يسيبها لو اقل يبقى حركتة كتير اوى ولو اكتر يبقى بردة حركتة بطيئة ولازم تتابعية دة اللى انا سمعتة لكن كلام الدكاترة حاجة والتنفيذ حاجة تانية خالص

[مجنونة فيك]

انا عندي ابني عمرة الحين 3و8اشهر حركي كثير ودايماً يتحرك بس شغلتو وديتة الحضانة مع اخوة بس الحمدالله تغير شوي بس مازال حركي بس اعتقد طبيعي عادي

[چيهان أبو الغيط]

يا جميلات ابنى زيكم ويمكن اكتر وفعلا زى الاخت ما قالت المدرسه اللى تشتكى من طفل ده مشكلتها هى مش مشكلتك انتى هى دورها تشغل كل الاطفال فى المفيد والحركه دليل ذكاء مش حاجه وحشه ابدا بالعكس الطفل الهادى قوى ده اللى مش طبيعى

الحل يا قمرات فى لعب الرياضه بس مش اى رياضه ابنى اشتركت له فى السباحه مش قد كده مع حاله النشاط بتاعته

اشتركت فى الكونج فو و هو عنده تقريبا 4 سنين كان طبعا و لا طرزان فى التمرين و ربنا بيعمل حركات عجيبه
بس مع الوقت عرف يعنى ايه التزام داخل التمرين و يسمع كلام المدربين و صراحه اشوفه احلى من الكارتيه كتير لانه بيلعبهم تمارين لياقه تقريبا لكل عضلات الجسم ويستنفذ طاقه العنف اللى عندهم والاهم انه نوع من العلاج السلوكى لفرط الحركه


ابنى و لاول مره فى تاريخ الشرق الاوسط بعد التمرين بينام الليل على بعضه و ده كان فى حد ذاته انجاز لانه بمجرد ما ننيمه كان يقوم مره و اتنين بالليل الخلاصه عايز حد ينام جنبه عايز اكل اى حجه والسلام

دلوقتى ابنى عمره قرب على التسع سنين وحركته بقت معقوله مش هادى لأ اياكم تحلموا بس الحقيقه احنا عاملين له جدول مهام بحيث اغلب الوقت وراه حاجه يعملها يرتب اوضته يلم لعبه , كتبه كده يعنى بحيث يحس انه له دور وان اللعب مش عمال على بطال

وعلى فكره كمان الكونج فو جميل انه لعبه فى مرحله العمر دى بيخلى جسم الطفل يفرق قوى بتحسى بجسم ابنك مختلف مش تخين بس تقدرى تقولى جسمه رياضى من اولها

ربنا يوفقكم ويبارك فى ابنائنا جميعا

[سمسم ابيض]

كل الاطفال هكذااااااااااااااااااا