تطعيم السنه الحصبه بسرررررررررررررعه

[enno]

السلام عليكم ورحمة الله وبركاته
ازيكم ياامهات عاملين ايه وحشينى جدااا والله بقالى كتير مخنقتكوش باسئلتى قلت اما اخنقكم منى شويه
انا ابنى تم السنه وعايزه اروح اطعمه الحصبه ان شاء الله بس ظروف البيت فى ضيوف مقيمين عندى اليومين دول فمش عارفه اروح اطعمه لو استنيت اسبوع ولا حاجه فيها حااااااااجه ؟؟؟
انا خايفه من تطعيم الحصبه ده اللى جربته تقولى اعمل فيه ايه واديله ايه للسخونيه لان بقالى كتير متديتلوش حاجه ومش عارفه اديله ايه وكميه اد ايه كام ملى يعنى
بس ردو عليا بسرعه بليييييييييييييز
وكمان ينفع اطعمه الجديرى دلوقتى ولا كان لازم قبل السنه
والجديرى مفيد انا سمعت ان نسبة الوقايه بالتطعيم بردو مش 100%
رايكم بردو نطعمه ولا ايه ؟

[ام سيف2007]

حبيبتى التاخير اسبوع مش كتير اديله سيتال بعد التطعيم على طول مش هيسخن والجديرى مش عارفه ان شاء الله الاخوات يفيدوكى

[queen2020]

تطعيم الحصبة يا اينو حقنة عادية جدا وسهلة وملهاش اثار جانبيه ولا سخونة ولا حاجة-
مش عارفة لو اتاخرتى بس حاولى تخطفى رجلك دى حقنة عادية يعنى مش هيتعبك بالليل ولا اى حاجة
اما موضوع الجدرى انا زيك عاوزة حد يرد علينا عشلان بفكر اديه لاحمد ابنى برضو

[enno]

حبيبتى التاخير اسبوع مش كتير اديله سيتال بعد التطعيم على طول مش هيسخن والجديرى مش عارفه ان شاء الله الاخوات يفيدوكى

شكرا يااختى جزاكى الله كل كل خير طمنتينى على التاخير بس انا قلت استنى شويه علشان اكون مع والدتى كمان علشان لو تعب لا قدر الله
بس اديله سيتال اد ايه لو تعرفى كام مللى؟؟؟؟

تطعيم الحصبة يا اينو حقنة عادية جدا وسهلة وملهاش اثار جانبيه ولا سخونة ولا حاجة-
مش عارفة لو اتاخرتى بس حاولى تخطفى رجلك دى حقنة عادية يعنى مش هيتعبك بالليل ولا اى حاجة
اما موضوع الجدرى انا زيك عاوزة حد يرد علينا عشلان بفكر اديه لاحمد ابنى برضو

طمنتى قلبى ياكوين ياقمر شكرا ليكى
انا اتصلت بمستشفى تبارك قالولى التطعيم بتاع الجديرى ب 230 جنيه للطفل وهو عنده سنه بس لما سالته ان عنده تطعيم حصبه دلوقتى قالى لازم الدكتور اللى يقول معرفش
فهروح اطعمه الحصبه احاول بدرى اكتر حاجه باذن الله وبعد كده الجديرى هاروح اسال فى المستشفى واللى تعرف عنه حاجه ياريت تفيدنى لان بردو واحده صاحبتى الدكتور قالها الجديرى منتشر تطعم بنتها وبنتها لسه مكملتش السنه

[meshmesh_2005]

حاولى تطعميه في اقرب وقت لان احتمال الاصابة بالحصبة في عمر سنة من السهل حدوثه
لذلك روحى قبل ما يحصله لا قدر الله حاجة خصوصا في الجو الرهيب اللي احنا فيه ده الرياح بتنقل كل الامراض

[ام حزم]

حولي متتأخريش حببتي
واما اذا لقدر الله سخن احسن حاجه جربتها للسخونيه (سوليد) جميل جدا والجرعه ملعقه كبيره
انا الدكتور هو اللي واصفهولي لان بنتي الله يشفيها عندها بداية نزله شعبيه وهي عندها 9 شهور
وكانت بتسخن بشكل رهيب وكنت اعطيها لبوس دولفن يا دوبك اربع سعات والاقي بنتي سخنه زي النار وجربت معها سيتال ما عمل شيئ اطلاقا لحد ما اتي الليل وذهبت للطبيب وصفلي (سوليد) والحمد لله كويس جدا الله يشفيها يارب اللهم امين

[enno]

حاولى تطعميه في اقرب وقت لان احتمال الاصابة بالحصبة في عمر سنة من السهل حدوثه
لذلك روحى قبل ما يحصله لا قدر الله حاجة خصوصا في الجو الرهيب اللي احنا فيه ده الرياح بتنقل كل الامراض

نويت بكره ان شاء الله اتصل بمكتب الصحه واشوف المواعيد بتاعة الحصبه واروح باذن الله كلامك صح وان شاء الله ميتعبنيش يومها لان الضيوف اللى عندى دول عباره عن حماااتى فوالله مش باقعد تقريبا لانها ياحرامن كمان عندها شرخ وتعبانه فالموضوع الحمد لله مش باقعد تقريبا علشان كده قلت لما ربنا يشفيها ويعافيها اطعمه علشان لو تعب ابقى قادره اقعد معاه لكن كلامك قلقنى وقلت هاروح بكره او اول معاد للتطعيم باذن الله

حولي متتأخريش حببتي
واما اذا لقدر الله سخن احسن حاجه جربتها للسخونيه (سوليد) جميل جدا والجرعه ملعقه كبيره
انا الدكتور هو اللي واصفهولي لان بنتي الله يشفيها عندها بداية نزله شعبيه وهي عندها 9 شهور
وكانت بتسخن بشكل رهيب وكنت اعطيها لبوس دولفن يا دوبك اربع سعات والاقي بنتي سخنه زي النار وجربت معها سيتال ما عمل شيئ اطلاقا لحد ما اتي الليل وذهبت للطبيب وصفلي (سوليد) والحمد لله كويس جدا الله يشفيها يارب اللهم امين

شكرا ياحبيبتى هاعمل بنصيحتكم فعلا ومش هاتاخر باذن الله
بس معلقه كبيره ده مش كتير عليهم ولا ايه ؟؟؟
ربنا يشفيهم ويعافيهم ويحفظهم من كللل سوء
لو عرفت اى حاجه عن تطعيم الجديرى هاقولكم لانى اول ماهاخلص الحصبه هاعدى باذن الله على المستشفى واسال على الجديرى

[ام حزم]

اه يا اختي انا اسفه سا محيني (السوليد) 3 سم نسيت انا بعطي بنتي الدواء بالسرنجه علشان اعرف انا بعطيها قد ايه بالظبط طبعا بنزع الابره هههههههههههه
هو تطعيم الجدري بيتاخد بره مكتب الصحه ياريت اما تعرفي شيئ عنه تقوليلنا والله يجزيكي خير الجزاء

[enno]

اه يا اختي انا اسفه سا محيني (السوليد) 3 سم نسيت انا بعطي بنتي الدواء بالسرنجه علشان اعرف انا بعطيها قد ايه بالظبط طبعا بنزع الابره هههههههههههه
هو تطعيم الجدري بيتاخد بره مكتب الصحه ياريت اما تعرفي شيئ عنه تقوليلنا والله يجزيكي خير الجزاء

اه قولى كده انا قلت بردو معلقه كبيره دى صعبه اوى
انا بردو باديله بالسرنجه عموما بكره باذن الله هاروح اطعمه الحصبه وربنا يهونها عليه وعليا وسالت على الجديرى بالتليفون الدكتور قالى بيتاخد من عمر 13 شهر لححححححححححد 5 سنين يعنى بيبدا من 13 شهر
قلتله ابنى دلوقتى سنه وهاطعمه الحصبه قالى تستنى الشهر الجاى وتطعميه الجديرى لانه بيبدا من سن 13 شهر وسعره 230 جنيه

[ام حزم]

عملتي ايه يا حبوبه طعمتيه ام ماذا
ويا ترا التطعيم تعبه ولا لاء اصل انا هطعم بنتي بعد شهرين بأذن الله
ويوم التطعيم ده بالنسبالي يوم ما يعلم بيه الا ربنا

[queen2020]

شكرا قوى يا يانو على معلومات تطعيم الجدرى -انا لسة ساعمعة الدكتور ايمه مدحت الزيات فى التلفزيون انهرضة وكان بيتكلم على التطعيمات دى واكد ان تطعيم الجدرى مهم جدا هو والانفلونزا البكتيريه

[enno]

عملتي ايه يا حبوبه طعمتيه ام ماذا
ويا ترا التطعيم تعبه ولا لاء اصل انا هطعم بنتي بعد شهرين بأذن الله
ويوم التطعيم ده بالنسبالي يوم ما يعلم بيه الا ربنا

شكرا ياحبيبتى على سؤالك
انا الحمد لله طعمته والحمد لله الحمد لله كانه مخدش حاجه حتى هناك طمنونى وقالولى متدلوش دوا سخونيه ولا غيره كانه مطعمش وفعلا الحمد لله ربنا يسر وهون اليوم ومكنش فيه حاجه متقلقيش

شكرا قوى يا يانو على معلومات تطعيم الجدرى -انا لسة ساعمعة الدكتور ايمه مدحت الزيات فى التلفزيون انهرضة وكان بيتكلم على التطعيمات دى واكد ان تطعيم الجدرى مهم جدا هو والانفلونزا البكتيريه

العفو ياحبيبتى على ايه
انا ان شاء الله هطعمه الجديرى اخر الشهر ده والانفلونزا البكتيريه كنت سالت الدكتور عليها فى وقتها قالى هى ضروريه لو ناويه تودى ابنك حضانه او يختلط باطفال كتير وهو بيبى كده او قبل سنتين لكن غير كده مش ضرورى ان شاء الله