كل ام تعالى حاسبى نفسك؟؟؟؟

[أم جورى]

انا عاملة الموضوع ده لكل أم

عاوزة منكم تفاعل بجد

طبعاً كلنا بنمووووووووووووووت فى ولادنا ونفسنا يكونوا أحسن ناس

بس يا ترى احنا بنعملهم ايه علشان يبقوا كدة؟؟

انا بأه عندى اقتراح

كلنا بنتعصب على الولاد دى حاجة أكيدة

وطبعا طول النهار ندى أوامر اعملى ده وما تعمليش ده

بنت كدة عيب
ادخلى اوضتك
اطفى التليفزيون كفاية كدة صح ولا لأ
والله الواحد احيانا بيخرج عن شعوره ويرجع يندم

هل فكرتم تصاحبوا ولادكم وتشاركوهم العابهم وافكارهم ولو ساعة واحدة كل يوم
وانا مش بتكلم عن فئة عمرية معينة
يلا نبدا من انهاردة
ندى ولادنا ساعة كل يوم مهما كانت مشغولياتنا نقعد نلعب معاهم نرسم نلون نلعب بالمكعبات ندخل معاهم على مواقع اطفال تعليمية

ونيجى هنا فى الموضوع ونكتب كل واحدة عملت ايه مع طفلها وكان شعوره ايه
وكمان لو فى موقف واجهك أو مشكلة ؟أو أى سلوك تربوى تحكيهولنا وتقوليلنا اتصرفتى ازاى
حتى لو انتى غلطانه اكيد أراءنا كلها هتفيدك وهنفيد بعض ونستفيد خبرات

منتظرة تفاعلكم معايا

[kouky5]

انا سعيدة اني برد عليكي اول واحدة
انا عايزة اعرف بس انتي بتجيبي الافكار دي منين ...دايما بتفاجئينا كدة بموضوعات كلها احلي من بعض
بالنسبة لي انا قبل ما اجيب ابني الثاني كنت هادية وكانت علاقتي بابني الكبير زي الاصحاب والامور فضلت ماشية كدة لغاية ما ولدت وجبت ابني الصغير
واجارك الله علي اللي شوفته .....الولد اتاثر نفسيا رغم اني طبقت ك كلام الكتب علشان ما حسسوش بتغيير بس ده امر طبيعي ...الولد اتغير و بقي عنيف تجاه اخوه الصغير وتعبني لغاية النهاردة جداااا...ومش عارفة اعمل ايه ... مع انه لما بيكون اخوه الصغير نايم او بعيد عنه بيبقي ملاك ...وطبعا بقيت عصبية بعد ما كنت هادية من اللي بشوفه طول اليوم ...بفضل ماسكة اعصابي واجي في الاخر انفجر فيهم
واللهي بحاول اقرب منه طول الوقت وربنا يعدي المرحلة دي علي خير

[kokka]

موضوعك جميل لكل الامهات يا ام جورى
انا عندى ولدين وبنت
طبعا الطفل الاول حصل معاه زى ما كوكى قالت
المشكلة مع زيادة الاولاد وكتر الضغوط عليكى اعصابك لازم بتبوظ
وده بياثر فى شخصية الاولاد وبيزيد من عندهم وعصبيتهم وعدوانيتهم كمان
فاعصابك تتعب اكتر ... وهكذا

نفسى اكون هادية وباردة واسيطر على اعصابى وصوتى العالى
ياريت فعلا نساعد بعض ونستفيد كلنا

[hagrama]

موضوع رائع

بصي يا ام جوري انا مش عارفه الافكار دي انتي بتفكري فيها ازاي

ما شاء الله عليكي ربنا يبارك لك في اولادك وتشوفيهم احسن ناس
.......


طبعا كلامكم جه على الوجيعه انا متهيالي ان العماره كلها بتسمعني وانا بزعق في العيال .... فعلا نفسي اكون هاديه وبااااااااااااارده وصوتي ما يعلاش

هل تفتكروا نقدر نحاول كلنا مع بعض ونتخلص من الزعيق والصوت العالي

[azmiralda000]

و الله انا بحاول العب مع ابنى
و فجاة و احنا بنلعب تلاقيه ضربنى مثلا او مسك اللعب و رماها كلها فى الارض او اى حاجة تقلب الليلة و ازعق له و اقوم و اسيبه
بس برضو ادينى بحاول
و بصراحة مش عايزة افكر انى اجيب طفل تانى لانى بحب ابنى اوى و مش متخيلة انى احب حد تانى غيره
طبعا تفكير عبيط بس فعلا حاسة انى لو خلفت تانى هظلم ياسين

[kouky5]

و الله انا بحاول العب مع ابنى
و فجاة و احنا بنلعب تلاقيه ضربنى مثلا او مسك اللعب و رماها كلها فى الارض او اى حاجة تقلب الليلة و ازعق له و اقوم و اسيبه
بس برضو ادينى بحاول
و بصراحة مش عايزة افكر انى اجيب طفل تانى لانى بحب ابنى اوى و مش متخيلة انى احب حد تانى غيره
طبعا تفكير عبيط بس فعلا حاسة انى لو خلفت تانى هظلم ياسين

تعرفي انا لما ولدت ابني التاني حسيت بذنب كبير ناحية ابني الكبير لما لاقيته اتاثر كدة... بس بصراحة وجود الاخوات بيبقي احسن بعد كدة
انا كنت طول عمري ابنة وحيدة وده كان مجنني وكان نفسي يبقي عندي اخوات
كان نفسي في اخت اخرج معاها واتكلم معاها ..
بعد عمر طويل بعد رحيل الاب والام الاخوات هما اللي بيبقوا واخدين بالهم من بعض وبيشلوا بعض وقت الشدة وكفاية انك تلاقي حد يحبك من غير هدف وتفضفضيله عن مشاكلك

[um_maream]

موضوعك كثير حلو ..... بالنسبة الي بنتي عمرها 3 سنوات و اختها ثماني شهور قبل ما تيجي زينة كانت مريم و ما زالت اهم شيء في حياتي ....... حتى الان بين فترة و الثانية اشتري الها غرض صغير بكلة طوق شعر بلوزة ... اي شيء و مع ذلك في غيرة من اختها لكنها تحبها كثير و تعلب معها و اذا كانت اختها تبكي تحاول تسكتها ترقص امامها او تصفق لها او تلعبها بالعابها .... و بالنسبة الي بشاركها في معظم اوقتها حتى لو كنت بشتغل باي شيء اذا كانت انشودة بادية على طيور الجنة او مقدمة برنامج اطفال من براعم اشاركها الغناء حتي تشعر انني معها بالغم انني اشتغل في البيت .... و احيانا تطلب مني ان تساعدني و اترك لها بعض الامور البسيطة لتعملها ...... و احيانا تبداء فترة العناد ............. و قتها اذا نفذ صبري انرفز عليها و برجع و بعاتبها و بترجع الامور الى طبيعتها .............. و بحاول قد ما بقدر اني اخليها تشاركني في اختها .... و الحمد لله الغيرة موجودة لكن عادية جدا بدون ضرب او اذية ..............

[albes]

كلامك اجى في الوجع بعد ما لنجبت عبلده وعرفت مرضه الهيموفليا وانه بده ديرة بال اكتر من اي طفل تاني اهملت توتو بس سلبدء لو ساعه لانها صغيره عمرها 2ونص الله المستعان والله يجزكي الخير
دعائكم

[lolowation]

بسم الله الرحمن الرحيم

موضوعك مهم ورائع يا ام جوري كعادتك

أنا عن نفسي لا أملك سوى طفل واحد
والعب معاه يوميا

وأقولكم على حاجة أنا دوما لما بروح كارفور أو هايبر 1 بروح جزء الكتب ويشتري كتب مهولة ليه من ماركة
rean and learn

ودي مجموعة متخصصة في التعليم واللعب كمان

وعلى الكمبيوتر عاملة أكاونت ليا ولبودي

يعني فعلا المشاركة مع طفلك في شتى الإهتمامات بيبني ليه شخصية فولاذية


ربنا يوفقنا جميعا

دمتم

[انسانه تحب الله]

موضوعك كثير حلو ..... بالنسبة الي بنتي عمرها 3 سنوات و اختها ثماني شهور قبل ما تيجي زينة كانت مريم و ما زالت اهم شيء في حياتي ....... حتى الان بين فترة و الثانية اشتري الها غرض صغير بكلة طوق شعر بلوزة ... اي شيء و مع ذلك في غيرة من اختها لكنها تحبها كثير و تعلب معها و اذا كانت اختها تبكي تحاول تسكتها ترقص امامها او تصفق لها او تلعبها بالعابها .... و بالنسبة الي بشاركها في معظم اوقتها حتى لو كنت بشتغل باي شيء اذا كانت انشودة بادية على طيور الجنة او مقدمة برنامج اطفال من براعم اشاركها الغناء حتي تشعر انني معها بالغم انني اشتغل في البيت .... و احيانا تطلب مني ان تساعدني و اترك لها بعض الامور البسيطة لتعملها ...... و احيانا تبداء فترة العناد ............. و قتها اذا نفذ صبري انرفز عليها و برجع و بعاتبها و بترجع الامور الى طبيعتها .............. و بحاول قد ما بقدر اني اخليها تشاركني في اختها .... و الحمد لله الغيرة موجودة لكن عادية جدا بدون ضرب او اذية ..............

انا بنتى الكبيره بقت عناديه جدا وبتقل ادبها على الكل وبالتالى تقريبا كل الوقت معاقبه وبصراحه انا مش عارفه انظم وقتى علشان اتفرغ لها ربنا يعينا

[muslium]

جزاكى الله خيرا يا ام جورى على موضوعك الجميل ربنا يجعله فى ميزان حسناتك ان شاء الله

[kouky5]

كلامك اجى في الوجع بعد ما لنجبت عبلده وعرفت مرضه الهيموفليا وانه بده ديرة بال اكتر من اي طفل تاني اهملت توتو بس سلبدء لو ساعه لانها صغيره عمرها 2ونص الله المستعان والله يجزكي الخير
دعائكم

الف سلامة عليه ...وربنا يشفيه ويعافيه

[انسانه تحب الله]

ربنا يشفيلك ابنك ويعافيه يا رب وتفرحى بيه هو وكل ذريتك

[ام سيف2007]

ام جورى تسلمى على الموضوع الرائع
الصراحة انا عصبية جدا وطبعا طول الوقت بزعق
وده بسبب قلة النوم بس برضه لازم احاول اهدى شوية
بالنسبة للغيرة ابنى مش طايق اخوه ومرة طرف له عينه
ياريت لو حد عنده حل للغيرة يقولنا

[أم جورى]

انا سعيدة اني برد عليكي اول واحدة
انا عايزة اعرف بس انتي بتجيبي الافكار دي منين ...دايما بتفاجئينا كدة بموضوعات كلها احلي من بعض
بالنسبة لي انا قبل ما اجيب ابني الثاني كنت هادية وكانت علاقتي بابني الكبير زي الاصحاب والامور فضلت ماشية كدة لغاية ما ولدت وجبت ابني الصغير
واجارك الله علي اللي شوفته .....الولد اتاثر نفسيا رغم اني طبقت ك كلام الكتب علشان ما حسسوش بتغيير بس ده امر طبيعي ...الولد اتغير و بقي عنيف تجاه اخوه الصغير وتعبني لغاية النهاردة جداااا...ومش عارفة اعمل ايه ... مع انه لما بيكون اخوه الصغير نايم او بعيد عنه بيبقي ملاك ...وطبعا بقيت عصبية بعد ما كنت هادية من اللي بشوفه طول اليوم ...بفضل ماسكة اعصابي واجي في الاخر انفجر فيهم
واللهي بحاول اقرب منه طول الوقت وربنا يعدي المرحلة دي علي خير

ميرسى على ذوقك يا كوكى
من الواضح ان ابنك بيغير جدا من البيبى الجديد بدليل انك بتقولى لما بيبقى نايم بيكون زى الملاك يبقى الحل فى ايديك
يعنى دلعيه اكتر من الأول واهتمى بيه أوى وخصوصا لما يكون البيبى صاحى

خديه على حجرك وبوسيه العبى معاه كل لما تيجيبى للبيبى حاجة هاتيله

انا بعمل كدة مع ابنى دلوقتى