أماكن الشوبنج لكل مستلزمات الأطفال

[أم جورى]

السلام عليكم يا أحلى أمهات


بما انى بمووووووووووووووت فى الشوبنج فكرت اعمل الموضوع ده

كل واحدة تقولينا على اماكن شراء مستلزمات الأطفال لكل الأعمار

سواء ملابس بيت او خروج او ملابس الحفلات التنكرية أو شوزات أو أى شئ يخص كتاكيتنا الحلويين


وكمان لما المدارس تقرب شوية هنقول للمامى الجديدة فى المدرسة منين تجيب تجهيزات المدرسة

واكيد هنعرف من بعض اماكن حلوة وجديدة



انا عن نفسى بحب أوى our kids
هو غالى شوية بس فيه حاجات متميزة خصوصا الجينزات البنوتاتى

فى كمان فى كايرو مول محل اسمه دانيال دى شاما ريه

فى برضه حاجات حلوة أوى بس للسن الصغير أكتر

وفى منه فرع فى الملحق التجارى لرمسيس هيلتون

هفتكرلكم تانى وارجعلكم

[moheba]

أم جورى
والله موضوع كنت محتجاه جداااااا
لانى معرفش اماكن فى القاهرة وكنت عاوزة اعرف اجيب منين
فياريت الى يكتب اسماء المحلات يكتب هى موجوده فين؟
يعنىour kidsده فين؟؟وكايرو مول فين؟؟
على العموم المحل اليتيم الى اعرفه هو لولى بوب فى عباس العقاد
فى حجات حلوه والاسعار مش عارفه غاليه ولا لا لانى مش جبت من مكان تانى
يعنى الفستان فى حدود 150 البنتكور 108 مش عارفه كدا غالى ولا ايه؟؟
جزاكى الله كل خير وياريت البنات تتفاعل وتسلم ايدك

[الاميرة طماطم]

شوفى يا ام جوجو

انا ليه خطة فى شراء الملابس خصوصا للاطفال ...
طبعا احنا عارفين قد ايه ملابس الاطفال غالية على الفاضى فى مصر وعلشان كدة انا اعرف كام محل للاطفال فى مصر الجديدة بيعملوا تخفيضات كويسة فى اخر الصيف والشتاء يعنى ممكن يوصل لـ 50% وبالتالى بجيب الملابس مقاس اكبر شوية فى التخفيضات واشيلها جديدة للموسم الى بعدة طبعا باعمل حساب الاعياد والذى منه لانكم اكيد عارفين بتبقى الاسعار قد ايه مولعة فى الفترة دى

المحلات دى هى
ريموندس فى ميدان الجامع
ريتش بيبى فى روكسى
وفى محلين جنب ريتش بيبى مش فاكرة اسمهم

[قلب خالد]

حلووو الموضوع

الله يعطيك العافيه

طيب يعني الموضوع خاص بس في محلات الشوبنج في مصر ولا ؟؟؟

[أم جورى]

أم جورى
والله موضوع كنت محتجاه جداااااا
لانى معرفش اماكن فى القاهرة وكنت عاوزة اعرف اجيب منين
فياريت الى يكتب اسماء المحلات يكتب هى موجوده فين؟
يعنىour kidsده فين؟؟وكايرو مول فين؟؟
على العموم المحل اليتيم الى اعرفه هو لولى بوب فى عباس العقاد
فى حجات حلوه والاسعار مش عارفه غاليه ولا لا لانى مش جبت من مكان تانى
يعنى الفستان فى حدود 150 البنتكور 108 مش عارفه كدا غالى ولا ايه؟؟
جزاكى الله كل خير وياريت البنات تتفاعل وتسلم ايدك

بصى هو كدةأسعاره حلوة طبعاً

كايرو مول ده فى شارع الهرم

وour kidsفى الدقى فى المساحة جنب سوبر ماركت مترو

قوليلى باة لولى بوب فين بالظبط فى عباس العقاد وفيه حاجات حلوة ولا ايه
وفى كمان سيف ستورز فى ش الهرم جنب كنتاكى وبيتزا هت

[أم جورى]

حلووو الموضوع

الله يعطيك العافيه

طيب يعني الموضوع خاص بس في محلات الشوبنج في مصر ولا ؟؟؟

لأطبعا احنا هنخليه open علشان الكل يستفاد

[أم جورى]

شوفى يا ام جوجو

انا ليه خطة فى شراء الملابس خصوصا للاطفال ...
طبعا احنا عارفين قد ايه ملابس الاطفال غالية على الفاضى فى مصر وعلشان كدة انا اعرف كام محل للاطفال فى مصر الجديدة بيعملوا تخفيضات كويسة فى اخر الصيف والشتاء يعنى ممكن يوصل لـ 50% وبالتالى بجيب الملابس مقاس اكبر شوية فى التخفيضات واشيلها جديدة للموسم الى بعدة طبعا باعمل حساب الاعياد والذى منه لانكم اكيد عارفين بتبقى الاسعار قد ايه مولعة فى الفترة دى

المحلات دى هى
ريموندس فى ميدان الجامع
ريتش بيبى فى روكسى
وفى محلين جنب ريتش بيبى مش فاكرة اسمهم

حلو أوى بس للأسف انا ماليش رجل فى مصر الجديدة خالص

[hagrama]

مدينة نصر

بصي يا moheba
موجود في عباس العقاد luv & care في شارع واخد يمين من عباس العقاد بعد ناشونال
بغداد وقبل شيخ البلد حاجته كويسه اوي

وفي our kids في مدينة نصر في اخر شارع مصطفى النحاس جنب التوحيد والنور اللي بعد الحي الثامن

وفي محل تاني في مصطفى النحاس برضه بس ادام عمارات عثمان اسمه sesame club حلو اوي واسعاره معقوله وعندهم barber shop مخصوص للاطفال

وطبعا بقى في city starts 4th floor في مجموعة محلات كتير للاطفال
luv & care
Daniel de Charmet
دا انا بحب حاجته جدا بصراحه ممتازه ومش غالي اوي و كمان في اخر الموسم بيعمل تخفيضات هائله لحد 70 % ومعظم المحلات هناك بتعمل كده

venti kids
canari jeans دا برضه حاجته حلوه اوي


وفي محلات تانيه كتير بس دول اللي انا فاكراهم
المهم تبعدوا عن Toys r us لانهم بصراحه غاليين جدا جدا جدا


في كمان kids park في اخر مكرم عبيد ادام عمر افندي اسعار اللعب فيه حلوه بس ما شفتش الهدوم فيه عامله ايه

اي اسئله انا في الخدمه

[bent masr]

مش ملاحقه أمشى وراكى يا أم جورى هههههههههههههههههه
our kids ليه فرع فى مدينة نصر,اخر مصطفى النحاس....

[muslium]

حلو اوى الموضوع
يا ريت مجموعة الهرم تكتبلنا شوية محلات كده علشان انا لسه جديده فى الهرم و معرفش حاجه
عن نفسى بحب اركاديا مول فى كام محل حلوين اوى و بيعملوا تخفيضات حلوه كل موسم

[أم جورى]

حلو اوى الموضوع
يا ريت مجموعة الهرم تكتبلنا شوية محلات كده علشان انا لسه جديده فى الهرم و معرفش حاجه
عن نفسى بحب اركاديا مول فى كام محل حلوين اوى و بيعملوا تخفيضات حلوه كل موسم

وكمان جراند مول المعادى فيه محلات حلوة أوى

[moheba]

ام جورى
بصى حبيبتى لولى بوب فى اول عباس العقاد امام كنتاكى من الناحية التانيه والحجات فيه حلوه اوى
تحت لبس البنوتات وفوق الاولاد واللبس مش حتلاقيه فى محلات تانيه لان معظمه مصنوع ل لولى بوب وبس
وشكرا على المحلات الموضوع اصلا جميل جداااااااااااااااااااااا بس يارب يكون فى تفاعل اكتر
hagrama
والله انتى سكر ربنا يبارك فيكى ايه المحلات الكتير دى انا جبت ورقه وقلم واعدت اكتب
وخصوصا انى اعده فى مدينه نصر انتى ادتينى كام محل حلين حنزل اتفرج ان شاء الله
وياريت الى اشترى من محلات وطلع اللبس وحش يقول خلونا نستفيد
وجزاكوا الله كل خير

[أم جورى]

ام جورى
بصى حبيبتى لولى بوب فى اول عباس العقاد امام كنتاكى من الناحية التانيه والحجات فيه حلوه اوى
تحت لبس البنوتات وفوق الاولاد واللبس مش حتلاقيه فى محلات تانيه لان معظمه مصنوع ل لولى بوب وبس
وشكرا على المحلات الموضوع اصلا جميل جداااااااااااااااااااااا بس يارب يكون فى تفاعل اكتر
hagrama
والله انتى سكر ربنا يبارك فيكى ايه المحلات الكتير دى انا جبت ورقه وقلم واعدت اكتب
وخصوصا انى اعده فى مدينه نصر انتى ادتينى كام محل حلين حنزل اتفرج ان شاء الله
وياريت الى اشترى من محلات وطلع اللبس وحش يقول خلونا نستفيد
وجزاكوا الله كل خير

ما تنسيش تقوليلنا الأخبار يا قمر

[أم جورى]

مسلم فى فيصل مفيش محلات لبس حلوة اوى كلها اللى هى بواقى التصدير ممكن تلاقى فيه برضه حاجات حلوة بس مش كتير

فى الهرم هتلاقى كايرو مول فى محل اسمه دانيال فى الدور التانى حلو أوى

وفى فى اول الهرم سيف ستورز بس بصراحة هو غالى على الفاضى ممكن

تلاقى حاجات حلوة بس اسعاره غالية جدا

وفى فى اول فيصل محل اسمه زيرو جنب أولاد رجب حلو برضه جينزات وبديهات و بيجامات حلوة

وبعديه بشوية عند مستشفى تبارك اللى فى أول فيصل محل اسمه رانيا مون

[kouky5]

مبروك يا ام جوري علي الموضوع الرائع الجديد ده ...موضوعاتك كلها مفيد ...ربنا يكرمك