الاطفال والاسهال

[سلمى من مصر]

السلام عليكم جميعا

انا كنت عايزة اسالكم وياريت تجاوبونى عشان انا محتارة ابنى عندة عشر شهور وبيسنن وعنده اسهال بس مش بعدد المرات لكن بشكل البراز اعزكم الله يعنى بيكون سائل كده فهل ده اسهال ولا ايه ولو اسهال تفتكروا من الاسنان ياريت تجاوبونى بسرعة عشان لو كدة اوديه للدكتور وخلاص

[سلمى من مصر]

ايه ياجماعة مفيش حد يرد علية ولا ايه

[نسمه ليبيه]

اذا كان الاسهال اكثر من ست مرات وديه للدكتور او البراز فيه ماده مخاطيه
وسلامته الف سلامه
اغلى الرز وعطيه مية الرز فى الرضاعه واكليه موز
وكتى من السوائل عشان ما يحصلوش جفاف لسمح الله

[سلمى من مصر]

انا متشكرة اوى يا نسمه ليبية هو احسن النهاردة الحمد لله بس كنت عايزة اسالك اعطيه مياة الرز يعنى اغلى مياه واحط الرز ولما يستوي شويه اصفيه واخد المياه بس هتكون المياة اتشربت معلش سامحينى اصلى على قدى ف المطبخ وجزاك الله خير

[dondon_6_8]

ما هو يا حبيبتى كل ما الرز يشرب الميه زودى حبه ميه كمان لحد ما هتلاقيها ميه لزجه كده شويه وبعدين صفيها وحطى عليها نقطتين ليمون ومعلقه سكر علشان ابنك يرضى يشربها وربنا يشفيه ويقومه بالسلامه يارب

[بــحـــرالحـنان]

ماعندي فكرة بس حبيت ادخل استفيد منكم

[شيماء33]

ايوه يياختي كلام الاخت نسمه ميه الميه
لو اكتر من ست مرات الاسهال وديه الدكتور وشربيه سواءل كتير وميه عشان مايصير معه جفاف وكمان اعمليله رز وشربيه ميه الرز عشان يلف معدته ويبطل اسهال واعمليله بطاطس مسلوقه وجزر مسلوق
ربنا يخليهولك يارب