تجربتي مع مريم في نزع الحفاض ودخول الحمام اعزكم الله...شعار تجربة ناجحة_

[ام مريم84]

السلام عليكم ورحمه الله وبركاته

تجربتي مع مريومه في نزع الحفاض و تقعد علي البوتي

هي عندها دلوقتي 3سنين إالا3شهور وطبعا الكلام ده انا

عملته وهي عندها سنه ونص

اولا الحكايه دي عايزه صبر وطوله بااااااااااااااااااااااااااااال

وتمالك اعصاب وهدوء مفتعل

اولا هتشيلو السجاجيد من البيت انا طبعا ملبستش مريم الحفاض

ولبستها شورت بس وطبعا هي عملت حمام اعزكم الله وهي دي

الخطه طبعا هي اندهشت لان اول مره تحس الاحساس ده

وانا حسستها انها عملت حاجه انا مش راضيه عنها يعني زعقت

بس مش اوي لانها في بدايه الامر بس من داخلي عايزه اشد

في شعري هههههه المهم دخلتها الحمام اعزكم الله وورتها البوتي

وجربتها طبعا هي بتحسبها لعبه وشويه عملت تاني

حصل نفس الموقف طول اليوم هي تعمل وانا امسح وكانت

شغلتي الوحيده من غرفتها امسح لغايه الحمام وطبعا في اليل

لبستها الحفاض واليوم الثاني زي الاول بس هي اخدت بالها

وتشاور علي البوتي يعني مره في البوتي وعشره في الارض

اليوم الثالث تعمل عشره في البوتي ومرتين في الارض

وده طبعا انجاز لغايه ماعلمتها متعملش في الحفاض والفجر

اخليها تعمل والحمد لله اقوم الصبح الاقي الحفاض ناشف

وطبعا في الخروج لبسه الحفاض بس منعتها من شرب

الماء في الخروج علشان متطلبش الحمام ومع الوقت

منعت تماما لبس الحفاض حتي في النوم كنت بضع واقي

مرتبه بس الحمد لله مكنتش بتعمل بس احيانآ في الخروج

و ماشاء الله كنا مسفرين وطلبت الحمام قلتلها اعملي

في الحفاض و الاستراحه كانت علي بعد80 كيلو مرضيتش

ابدا وانتظرت الاستراحه ما شاء الله عليها وبكده حسيت اني

نجحت واتخلصت من الحفاض والحمام علي نفسها

طبعا زوجي كان مسرور اني وفرت فلوس الحفاض

لكن مكملتلوش فرحته وقلتلو الفلوس علي حصاله مريوم

حطها في الحصاله ولسان حاله بيقول يا فرحه ماتمت

ههههههههههه معلش طولت عليكو

[زوجة الاشقر]

اكيد ام عاقلة بجميع تصرفاتك رائع انا زي بنتي قطعتها من بدية السنة الاولى والحمد للة طلعت شاطرة

[نونةالمجنونة]

ماشاءالله برافو عليكي
انا اولادي حيتمو السنتين بعد 3شهور وبصراحة متخوفة كتير من الموضوع لسا ماجربت اقطعها تماما للآن ومستنية بس ارجع من السفر بالصيف بيكونو صارو سنتين وحابدأ بجدية عاد

دعواتكم

[ملك المالكى]

ماشاءالله
ربنا يخليهالك
مع ان كتي دكاترة بيقولو متبدايش قبل سنتين
بس انا مقتنعه ان لازم البداية تبقى قبل كدة

[ام مريم84]

زوجه الاشقر , نونه المجنونه , ملك المالكي ,شكرآ يا قمرات علي مروركم الطيب

[أم نور الدين1]

الأستاز بتاعى عندة سنتين وشهر وبيعرف يروح التواليت وبيتكلم بس هو عند وانا طوياة البال على مين هيسيبة هيسيبة ادعو لى بالانتصار

[z84]

جزاك الله الف خير

[شيماء33]

ماشاء الله ربنا يخليها ليكي يارب
مشكوره على المعلومه الحلوه

[omfatema]

ما شاء الله
ربنا يباركلك فى بنتك
بس كنت عايزة اسال ابتديتى معها عندها قد ايه

[نفود نجد]

ماشاء الله عليك ...
موفقه ..

[* نور هدى *]

ربي يبارك فيك وفيك بنتك ويسعدكما

[khokha]

انا بنتى دلوقتى عندها سنة و8 شهور ومنتظرة مولود تانى خلال ايام علمته تدخل الحمام من سنة سنة وشهر وكانت بتقولى باشارة معينة من نفسها ولكن فوجئت انها بدات تعمل تانى فى الحفاظ لانى ما كونتش خليتها تقلعه لانها كانت شتا وقلت ده مجرد تمرين لما ييجى الصيف تقلعة تماما علشان ما تصابش بالزكام ولكنى فوجئت انها من فترة ما عديتش بتقولى خالص وبتعمل فى الحفاظ انا ماعرفش السبب هل انا الغلطانة انى بدات بدرى وما نزعتش الحفاظ

[ام مريم84]

ام نور الدين, z84,شيماء33 ,omfatema <نفود نجد نور الهدي khokhah

شكرالمروركم الرائع ميم ابتدأت معاها وهي عندها سنه ونص

[قلب خالد]

ماشاء الله تبارك الله


وكمان حلوه فكرة الحصاله

الله يحميها وتفرحي فيها يارب

[نسمه ليبيه]

انا بنتى دلوقتى عندها سنة و8 شهور ومنتظرة مولود تانى خلال ايام علمته تدخل الحمام من سنة سنة وشهر وكانت بتقولى باشارة معينة من نفسها ولكن فوجئت انها بدات تعمل تانى فى الحفاظ لانى ما كونتش خليتها تقلعه لانها كانت شتا وقلت ده مجرد تمرين لما ييجى الصيف تقلعة تماما علشان ما تصابش بالزكام ولكنى فوجئت انها من فترة ما عديتش بتقولى خالص وبتعمل فى الحفاظ انا ماعرفش السبب هل انا الغلطانة انى بدات بدرى وما نزعتش الحفاظ

عزيزتى اولا ان شاالله تولدين بالسلامه
بس انا سمعت انك لما تعلمى الطفل شويا وتسيبيه شويا ده غلط بيسبب تبلد ذهنى للطفل من ناحية الحمام يعنى لما تبتدى تعلميها خلاص استمرى وما تقطعيش خاصه انك لقيتى منها استجابه