ولدي والنوم ................!!!!!

[فلونـــا]

السلام عليكم ...

مساء الخير ...


حبيت اقولكم عن مشكلة ولدي

عمره اربع سنوات ومن سنه تقريبا صار ينام في غرفته وكل شي طبيعي وتمام

بس الفتره الأخيره مايرضى ينام الا انا انومه وينام واذا قام مالقاني جنبه يبكي

ويجيني غرفتي احاول ارجعه لسريره مايرضى يقوللي ابغى انام عندك

او انتي تعالي نامي جنبي ولمن اجي جنبه يمسكني بطريقه غريبه

كأنه خايف اذا انام انا اقوم من جنبه ..

للعلم اخوه عمره سنه و3 شهور ينام معاه في نفس الغرفه ..

ماادري ايش اللي غيره فجأه ..

واحيانا يتبول على نفسه ..


ساعدوني اذا في حل

وشكرا لكم وجزاكم الله خير ...

[المشغولة دائما]

كده هو خايف من شىء ممكن يكون بيتفرج على السبستون او الامبىثرى والنيكلوديونوكلهم كراتين تخوف حاولى تتكلمى معاه وتشوفى هو خايف من ايه وكمان حاولى انه لا يتفرج على الكرتون قبل النوم بفترة او ممكن يكون سمع قصة تخوف

[فلونـــا]

شكرا على ردك بس والله مااعرف ايش السبب يقوللي مو خايف من شي

[جالسه في الغرفة]

فلونا حبيبتي

لا تخافين فتره وتعدي

يمكن بسبب حملك

وحده من ناتي قبل يمكن شهر تعلقت فيني تعلق مفاجأ ونفس الشئ كانت تسوي معاي

مع انها هي واختها غرفه وكانت تنام طبيعي

بس صارت تحتضني بقوه

احترت معاها بالمره فصرت اذا دخلتهم ينامون اقص لهم قصه وجي عنها واقراء الاذكار واية الكرسي و المعوذات و الحمد واتكلم معاها شوي لين احس النوم دخل عيونها
وعد ذا اقول لها روح اصلي وارجع او بروح للحمام وارجع واتركها عشر دقايق لربع ساعه وارجع لها
وكانت غالباً لما تقوم باليل تجي لعندي بالغرفه
وكنت على طول ارجعها لسريرها واجلس معاها شوي

واستمريت انا وياها شهر على هذا الحال والحمد لله الان من اسوعين تحسنت

لازم تحسسينه بالنهار انك تحينه مررررررررررررررره وهو اغلى انسان بالدنيا وهو صار كبير ومن هذا الكلام ودايم لميه لصدرك وبوسيه .

ويارب ييسر امرك

[لؤلؤة الشرقية25]

نفس الحال مع ولدي تعبت معاه وتقريباً اكبر منه بشويه

[فلونـــا]

الله يسعدكم على ردودكم


انا نفس الشي اسويه مع ولدي ويارب انه يتغير زي بنتك ياجالسه في الغرفه

وربي يعينك يالؤلؤة الشرقيه وتستفيدي من ردود البنات الله يجزاهم الخير

[حمرة الورد]

وعليكم السلام ورحمة الله وبركاته ..

كثير من الأطفال يمر بهه المرحلة ..

جيبي له تقويم شهري او سنوي واليوم اليي ينام فيه في سريرة اعطيه عليه نجمة ولصقيها في التقويم ..واذا جا في نص الليل يبغاك قولي له هيا روح غرفتك عشان بكرة نلصق النجمة سوا .. ولو رفض خليه ينام عندك على الأرض ..

ونصائح الأخت جالسة في الغرفة ممتازة اتبعيها وعلى العموم ياخد وقته ويرجع يبطل بس اهم شي لا تستسلمي وتنقلي الجمل بما حمل في غرفتك ..

كمان ممكن تخصصي له تقويم تاني للفراش الجاف .

[دلوعة زمانهاااا]

اتبعي فكره جالسه بالغرفه وحمرة الورد وان شاء الله يتحسن حاله..

[ام سهيل]

فعلا افكار جالسة في الغرفة وحمرة الورد حلوة

وربنا ييسر امرك

[فلونـــا]

اشكركم من قلبي على مساعدتكم


ويارب يحفضكم

[حمرة الورد]

نسيت اكتب لك .. انه قد مايتعب في النهار ينام في الليل فحاولي تلعبيه كورة وجري وغميمة .. لاتخلي لعبة تستهلك طاقة الا ماتلعبيها معاه .. واعطيه ملعقة عسل قبل ماينام وعلى الريق وممكن كوب حليب دافي قبل ماينام بساعتين ..

[فلونـــا]

تسلمي وربي يحفضك وينولك اللي في بالك...