ابنى بيخاف من المكنسة

[nonna_eg]

حاجة غريبة جدا الى بيحصل لابنى اول ما اشغل المكنسة
بمجرد ما يسمع صوتها ينتابه حالة بكاء هيستيرى مش عارفة ايه السبب
و كمان صوت السيشوار و ماكينة ازالة الشعر بتسبب له نفس الحالة

حد مر بالحكاية دى مع اولاده ممكن يفيدنى ازاى اخليه ما يخافش من الحاجات دى

[نور تقية]

متقلقيش حبيبتى بنتى كانت كدة و لحد دلوقتى عندها 4 سنيين و لسة خوافة شوية

بس الموضوع خف عن زمان اوى و مع الوقت ابتدى يقل جدااا ...انا لما كنت بعمل بالمكنسة

بشجعها تمسكها و تعمل معايا متقلقيش انت و اطمنى

[ام البنين2004]

عادي حبيبتي انت ما تشغليهم امامه فجأة خلي يتفرج بالاول على المكنسة و هي مطفية


بعدين شغليها وشوي شوي بيتعود

انا ابني في اصوات بتضايقه و اصوات لا على حسب المكنسة عادي

الخلاط بيبكي وهكذا

بدهم صبر الله يهديهم

[ام اسيه]

عااااااااااااااااااااااادى جدا بنتى كانت كده بالظبط ونفس الاشياء بالاضافه للخلاط كمان ولكن كنت اخليها هى اللى تضغط على الزرار والمكنسه كنت بخليها تمسكها وتحاول تكنس بيها وشويه شويه خلاص

السشوار الاول كانت بتخرج من الحجرة خالص الان خلاص بس ما تقرب منى والماكينه بتبقى عايزاها بس خلاص ما بقت تشوفها اصلا

[meshmesh_2005]

ابنى بيخاف من الخلاططططططططططططططططططططططططططططططططططططط

[barbie_souz]

أبنتي بالعكس ما شاء الله
حبيب قلبها أشغل المكنسة او السيشوار
سبحان الله كل ولد و له طبعه

[حمرة الورد]

يااااااااااالله .. الله يرحمنا برحمته .. بنتي كانت تخاف من المكنسة هي واختي واخويا وولدي الصغير وتعالي شوفيهم عرسان وعرايس ..

الأطفال عندهم اشياء غريبة يخافوا منها اختي كانت تخاف من القطن .. وكنت احطه على كتبي عشان لاتشققها خخخ .. واخويا يخاف من القفازات الطبية وكنا نستغلها ونحطها على السلالم واماكن الخطر ..

خلي روحك رياضية كلها شوية ويتعود عليهم ..

[أم بيدو]

نفس الشيء مع بنتى .. لحد ما لقيت اختى مرة حاطاحها فوق المكنسة و بتلاعبها عليها لحد ما اتعودت خلاص
متقلقيش انتى بس و فترة و هتعدى
الله يبارك لك فيه

[ياسمين شامي]

بنتي عكس ابنك تماااام بتحب صوت المكنسة وممكن تنام عليه..
سبحان الله كل ولد بطبع .. الله يحميلك ياه يارب

[ام سنان]

تصدكي هسة كنت استعمل المكنسة وكان ابني مطلع عيني من البكي كان حيجن من الخوف هههههه هوة يخاف من المكنسة والخلاط وكل شئ ي صوت عال سبحان الله حاولي انه تحضنيه وتطمنيه حرام مساكين الاطفال لله يحفظهم النا امين

[رضاك يارب]

متقلقيش انا بينتى كانت كده فبأيت اخليها تفكها وتساعدنى نركبها وقبل ما اشغلها اعد اقولها بصى ماما بتعمل ايه وادوس وارجع اقفل علشان تفهم مصدر الصوت وانه مش بيخوف ودلوقت تعالى شوفيها هى واخوها بسم الله ماشاء الله هما الى بيجرو ورايه بيها علشان يشفطونى .

[ام سهيل]

سبحان الله نفس الشي

صار مع اطفالي
كنت لمااحب اشغل الخلاط ادخلهم غرفة واقفل الباب

والمكنسة يجروا منها وينطوا على الكنب
يعني شي عادي




لا تخافي لما يكبر راح يتطمن

وهذا وهم يقولوا لما النونو يتولد نوميه في اماكن الازعاج عشان ما يخاف ويتعود .

[ملك المالكى]

هى فعلا صوتها يخوف
بصراحة

[جوتشي]

الطبيعي انه الطفل يخاف او هو ما بكون خوف بقدر ما بكون انزعاج ما تنسوا انه الطفل ما بيستقبل
الاصوات متل الكبار احنا الكبار اذاننا تعودت من كثر الاصوات حاسه السمع عنا اضعف من عند
الطفل عشان هيك هون بعلموا الواحده بس تولد كيف تتكلم بصوت منخفض جنب الطفل عشان
ما تصرعه بصوتها والافضل عدم تعويد الطفل الافضل تجنيبة هيك اصوات الى ان يتعود على كتير
اصوات مختلفة لانه مش فرحتنا بانه الطفل يتعود فرحتنا تكون بانه الطفل بعيد عن اللي بيزعجوا
وهاي المعلومات بعد دراسات طلعوا فيها وظلم انه الطفل يسمع كل هاي الاصوات بعمر صغير
كتير هيك كل الاطباء بقولوا والله يحفظلكم اطفالكم يارب

[سمر المكي]

بالنسبة لي
أنا كنت أحاول أعمل ارتباط شرطي بين صوت الخلاط-خصوصا -لأنه مزعج جدا وابتسم لابني واتكلم معاه اثناء الخلط ، ممكن ما يسمع كلامي لكن يرى تعبيرات وجهي مرتاحة فيزول الخوف ان شاء الله
وبرضه كررت نفس الطريقة مع بنتي وجابت نتيجة طيبة