ابنتى عذبتنى واحبطتنى

[ام لولو احمد]

السلام عليكم اخواتى الاعزاء انا حبيت افضفض معاكم اليوم واحكلكم عن مشكلتى وهى انى انتقلت للعيش فى بيت اهلى بحكم سفر زوجى للخارج ومشكلتى هى ابنتى التى تبلغ من العمر سنة وعشرة اشهر اهلى دلعوها جدا فهى اول حفيدة لهم بس بقت فظيعة وكل حاجة عيزاها تعيط وبترمى الاكل فى الارض واى حد مايعملهاش اللى عيزاة يبقى وحش حتى انا امها بتقول عنى ماما وحشة انا والله مش مدلعاها فى ناس بتقلى علشان لسة فطماها من شهر اعطونى خبراتكم وتجاربكم هل الفطام بيحول الطفل عدوانى وكيف اخلصها من عادة رمى الطعام وكلمة وحشة بالله عليكم احد يجاوبى فأنا حزينة جدا حاسة انى ام فاشلة وابنتى مش حتكون مئدبة ساعدونىىىىىىىىىىىىىى

[روح الفرح]

سلام

اختي العزيزة الفطام لا يجعل الطفل عدواني بس الظاهر بنتك تعلمت من ردة فعلكم لتصرفاتها ان تحصل على ما تريد عليك فقط كسر هذا المفهوم انت ومن حولك بعدم تلبية طلبها اذا كنت لا تريدين وان لا ترضخي لها تحت كل الظروف وبعد كم مرة رايحة تتعود وتبطل هالحركات اهم شيء الكل يتعاوت معك لان الاجداد يدلعوا احفادهم

سلام روح الفرح

[lolo habeby]

حبيبتى ربنا يخليهالك
السن دة كدة
بس نصيحة على ادى
لو عملت اى حاجة من دية ولا كانك سمعتى حاجة ولا شفتى حاجة خالص بالنسبة انها تقول وحشة مترديش عليها خالص ولا تنتبهى
وبالنسبة لرمى الاكل قوليلها تعالى انتى حطية تانى بالطبق وغيرى وشك انك زعلانة وحطيها فى حتة او ركن لو عملتها تانى
وقوليلها البنات اللى يرموا الاكل فى الارض يعدوا هنا وتحطيها فى ركن للعقاب
يا رب اكون افدتك وعلى فكرة السن دة بيفهم كويس متقوليش هى مش هتفهم

[queen2020]

نفس مشكلتى انا قاعدة مع اهلى لان زوجى مسافر وابنى اول حفيد ومتدلع خالص منهم هو 7 شهور بس اى حاجة عاوزها يزن ويبكى وخايفة جدا من انه يطلع مش كويس ومش متربى ومش عارفة اعمل ايه بقولهم كيتر بلاش الاسلوب ده معاه مش هقدر اسيطر عليه بعد كدة لكن مفيش اى فايدة معاهم ولا كانى بتكلم خالص

[حمرة الورد]

الأخوات كفووا وفووا .. بس أنا من رأي اقولك حاولي تسافري مع جوزك احسن ..لأن المشكلة دي تولد مشاكل اكبر وزعل وبلاوي انت في غنى عنها .

[سلااام]

الاخوات قالو حاجات كتير كويسه .. انا ابنى لسه بيقولى يا وحشه خصوصا لما الاهل بيطبطبوا عليه لما اضربه ويكون غلطان .. هو 3 سنوات و3 شهور ... يعنى كبير ... مش هطول عليكى ... زعلك ده اكبر دليل انك ام مثاليه ... لكن الاهل طبعا وتدخلاتهم الخاطئه بتلخبط عقل البنت ومش بتعرف الصح من الغلط ... انا مش هقولك سافرى مع زوجك لان لو كان ينفع اكيد انتى كنتى سافرتى من زمان ... عشان كدا اول شئ واهم شئ هو انك تنبهى على الاهل عدم التدخل من قريب او بعيد فى تربيه البنت ولو حصل وانك عاقبتيها باى طريقه خليهم يازروكى فى قرارك امامها ... وصدقينى هتتعدل كتير ... وما تزعليش قوى كدا ديه لسه صغيره لكن مش معنى انها صغيره يبقى نتساهل معاها ... عوديها على الصح وخلى عقابك صارم وما تنتظريش تتعدل بين يوم وليله ... اتمنى اكون افدتك .. احبك فى الله

[ضــ ح ـــى]

عزيزتي ........ العقاب احسن شئ بهالحالة يمكن هيك ضربة صغيرة علي ايدو ماتوجعيه كتير بس خليه يعرف انو اي تصرف غير لائق بيجي وراه عقاب معليش علي قد سنو بيكون عقابو

انا بناتي هيك اتعاملت معاهم لما كانو صغار
بس هلئ لما كبرو صرت عاقب بالمقاطعة وبصراحة بيجنو لما ببطل احكي معاهم

نصيحة مني العقاب الخفيف افضل شي ورح يبطل تصرفاته

تحياتي وتمنياتي بالتوفيق