الحزق عند إبنى

[ريهام زكريا]

السلام عليكم ورحمة الله
أنا طبعا بزعجكم كل شويه بأسئلتى وأسفه والله وربنا يخليكوا ليا
عندى إستفسارين مهمين جدا

أولا إبنى عنده 6 شهور ونص دلوقتى كان بطل يحزق حزق الرضع إلى كلنا عارفينه لكن رجعله تانى لما يحب أشيله او جعان أو معترض عامةلكن فى العادى بصراحه مش بيعمل كده

حزقه شديد جدا لدرجة إنى خايفه عليه بيزيد فيها قوى مش عارفه ده عادى ولا إيه؟؟؟؟؟!!!!!!!!

ثانيا لسانه مش بينضف أنا بستعمل ليه دكتارين أورال جل ومفيش فايده وبخاف أكتر منه فيه طريقه تانيه طبيعيه ينضف بيها لسانه؟؟

وشكرا وجزاكم الله ألف خير

[queen2020]

زى ابنى ليه اسبوعين كدة لما يتنرفز يحزق جامد وساعات من غير نرفزة ويجز على سنانه وخايقة يتاثر من الحكاية دى بس مش عارفة ايه الحل-ياريت لوحد عنده خبرة يقولنا الحزق دا يئزى العيل ولا ايه

[*YSmsma*]

متقلقيش يا ريهام

ابنى كان كده وكل ميكبر هيبطل

دى طريقه بيعبر بيها هو عايز ايه وكل مسنه ييزيد هيغير طريقته لحاجه تانيه

وبالنسبه للسانه هاتى فازلين طبى من الصيدليه وشاش

وبقطعة شاش بفزلين تنظفيله بصباعك بالراحة لسانه وسقف بوقه وكل بوقه هيبقى ممتاز جدا وكل متحسى ان لسانه مش نظيف تعملى كده

[soso*waleed]

معلش ياجماعة انا عندى سؤال هو لساته ازاى بيبقى مش نضيف؟

[*YSmsma*]

سوسو

من مكان الرضاعه لسان الرضيع بيكون مليان لبن متراكم

ولازم يتنظف كل فترة

[AbEeR]

ابنى عندو 7 شهور وبيحزق بردو وامى قالت لى ان كدة غلط بس بحس انو واخدها لعبه
طيب واذا منضفتش ليسانو وهو فعلا ليسانو مبيض مكان الرضاعه
دة عادى يعنى والا ايه وهو الحمدلله معندهوش اى التهابات
والفازلين دة اللى هو الفازلين الطبيعى اللى احنا بينستعملوا والا متخصص للاااطفال

[ريهام زكريا]

والله مشكوره يا سمسمه وربنا يباركلك ودايما شايلينك لعوزه يا قمر

[Love_girle]

أنا أول مرة أعرف موضوع تنضيف الللسان ده
ابني عنده شهرين ونص ابتدي انضف ؟؟؟

[buenachica]

بالنسبة للحزق أنا بنتى برده كانت بتعمل كدة وبطلت لدرجة إنها كانت بتكح من كتر الحزق ودلوقتى ابن أخوية عنده 7 شهو طالع فى حكاية الحزق دى الظاهر إنها مراحل لازم بيمروا بيها أما بالنسبة لتنظيف اللسان أنا برده أول مرة أسمع عنه وعمرى ما نظفت لبنتى لسانها والحمد لله هو كويس وماشاء الله عمر ما جلها إلتهابات هو كان أبيض علطول طول الست شهور الأولى بس دلوقتى بعد ما بقت تاكل وتشرب ماية كتير بقى تقريبا نضيف .. يمكن الرضاعة الصناعى هى إللى بتسيب أثر كبير على اللسان لازم يتنضف

[yomizo]

تنظيف اللسان ضروري عشان منظره وكمان عشان لو ماتنظفش اول باول ممكن يعمل للولد التهابات على لسانه
لاىنه بيكون لبنمتراكم وممكن يعمله فطريات في لسانه
في جيل دكتارين حلو اوى
اغسلي ايدك حلو وحطى نقطه على صباعك ودخليها على لسانه او لو عاوزين تنظيف اشمل ممكن تدهنوا منه على الحلمه او على التيتينه لو بياخدها ( اللهايه )
كده التوزيع على اللسان هايكون اشمل
او بقطعه شاش طبي مبلله دافيه
لكن اول مره اسمع عن الفالين الله اعلم اسالوا الصيدلي او الطبيب احسن

[*YSmsma*]

سورى يا بنات اقصد جلسرين طبى مش فزلين


هو جلسرين طبى سائل بيتباع فى الصيدليات بشاشه تنظفى لسان الطفل بيه بيكون امن جدا

[Love_girle]

طيب لما يبلع الحاجات ديه مش خطر عليه

[*YSmsma*]

love girle

لا مش خطر بالمعنى بس تنظيف اللسان علشان ميكونش بكتريا ويكون لون لسانه ديما ابيض متراكم عليه اللبن

[AbEeR]

لا انا اخاف من الجليسرين دة فى جل لى الفطريات ميكوناز وفى زى ما كتبت يوميز دكتارين

[*YSmsma*]

عبير

الجلسرين بيكون طبى وأمن وكتير استخدموه مش اى جلسرين ده بيكون طبى