يابنات مصر لقيتلكم حل مجرب ورائع للبامبرز

[meshmesh_2005]

[CENTER]سلام عليكم ورحمة الله وبركاته
من حبى للمنتدى ..اول متوصلت للبديل ده فكرت فيكم اول ناس علشان اقولكم
هاحكيلكم سريعا حكاية كلكم بتمروا بيها
بيبي صغير ...نتضطر نلبسه بامبرز............يجيب تسلخات...............ندفع دم قلبنا...............وننفع اليهود.................وفى الاخر وديه من اسوء المشاكل يسرب
وماادراكم ما التسريب
في الشتا اللى احنا فييه ده علشان توصلى للفانلة الداخلية قدامك دولاب لبس على طفلك علشان تقلعيه له وتلبسيه تانى
وكان طبعا البراز اهم حاجة واول حاجة تتسرب وتسبب مشكلة كبيرة لو كنتى خارج البيت
لقيت الحل اخيرا يا بناااااااااااااااااااااااااات
الحل هو
كوووووووووووووووووووووووووتشى
ايوة يابنات هو حفاضات اطفال اسمه كوتشي
انت دلوئتى اكيد فريقين
الفريق الاول سمع عنه قبل كده ومتردد يجربه وخايف يسيب بامبرز ويخسره .... وانا بنصحكم بجد تجربوا صدقونى والله والله ان شاء الله ما هتخسروا
الفريق التانى ..مسمعش عنه اصل........ وبالتالى حاوللوا تدوروا عليه وتلاقوه
معلومات عنه
احجامه زى بامبرز......صغير ..وسط...............وكبير
كلهم 40 حفاضة
اللى سالت على تمنه وجربته
الوسط بــــــــ 25 جنية
طبعا مفيش اى مقارنة بينه وبين سعر البامبرز
وطبعا اجمل حاجة فيه انه عامل زى القطن وتقريبا مفيش فيه بلاستيك زى بامبرز
مكان شريط اللصق فيه مطاط...يعنى زى استيك كده
والاجمل انه من ورا اطول من قدام وبالتالى مهما البيبي عمل حمام ان شاء الله مش هيسربه لفوق
جربوا بس يابنات والله ان شاء الله مش هتخسروا
يارب تجربوا وكل اللى بيستخدموه يقولولنا ارائهم
واللى هيجربوه بعد الموضع ده ..يجوا يحكولنا [/CENTER]

[soso*waleed]

ان شاء الله هدور عليه واجربه جزاك الله خيرا حبيبتى على الافادة

[enno]

ربنا يكرمك والله فعلا الواحد خرب بامبرز وخصوووووووووووصا مع الاسهال
بس ياريت تقولى انتى جيتيه منييين ؟؟؟؟؟
وبيقعد كام ساعه تقريبا ؟؟؟؟؟




ربنا يحنن قلب زوجك عليكى ويهديه ليكى ياااااااااااارب

[meshmesh_2005]

عندك حق والله وقت الاسهال بتبقي مشكلة جدا
انا من الشرقية وهو موجود عند كل المحلات
وهو كان على ابنى لمدة خمس ساعات وكان عادى وشغال كويس
بس اضطريت اغير علشان عمل براز

[om basel]

طيب هو مستورد يعني ممكن نلاقيه في السعودية
لاني مسمعتش عنه خالص ومعتقدش انه بيتباع عندنا

[yomizo]

جزاك الله خير بس انا راحت عليا خلاص وقت البامبرز ربنا رحما منه عقبالكم
او عقبالي للمره التانيه

[meshmesh_2005]

صباح الخير عليكم كلكم
والله يابنات انا معرفش انه بيتباع في السعودية ولا لا
بس للاسف اعتقد انه صعب تلاقيه في السعودية
لانى حسب ما سمعت انه بيبقي مستورد من اوربا بكميات كبيرة ...وبيعبوه عندنا هنا في مصر في عبوات 40 حفاضة
وبخصوص 25 جنية يبقوا كام سعودى تقررررررررررررررررريبا 18 ريال

[حمرة الورد]

مكان شريط اللصق فيه مطاط...يعنى زى استيك كده

هذه من المواصفات التي تهمني كثيراً في حفاضات الأطفال ولا اجدها الا نادراً ..

شكراً لك على الإفادة لكن لا أعيش في مصر

[بنت أصول]

هدور عليه عندنا في المنصورة ويا رب الاقيه
أ

[heba tarek]

هذه من المواصفات التي تهمني كثيراً في حفاضات الأطفال ولا اجدها الا نادراً ..

شكراً لك على الإفادة لكن لا أعيش في مصر

على فكره يا جميله بامبرز السعودى غيروه و بقى الشريط الاصق مطاط هتلاقيه مكتوب على العبوه سترتش

[queen2020]

طيب هو بيقعد 12 ساعة بالليل ولا هضطر اصحى الولد واغيرله بالليل عشلان الموضوع دا يهمنى جدا -ويارب لو طلع كويس كدا بالليل الاقيه هنا انا من سوهاج

[عروس الجنه]

طيب ياريت تنزللنا صوره الغلاف بتاعته

علشان ابقى عارفه شكله ايه

[meshmesh_2005]

يابنات انا جربته على ابنى امبارح طول الليل من 11 بلليل لحد الساعة واحدة الضهر.........ومسربش ولا اى حاججة ابدا
بخصوص الغلاف ههو مش مهم عارفة ليه لان العبوات بتختلف فى تعبئتها بس اهم حاجة الاسم كووووووووووتشي
لان فيه كوتشي الفراعنة وكوتشي الصفا وكوتشى كادلز

[عروس الجنه]

يعنى اسم كوتشى مكتوب ازاى على الحفاضه نفسها


ولونه ايه ياريت لو تعرفى تصوريلنا حفاضه يبقى كويس

معلش اصلى هنزل بكره الصبح ادور عليه لان الى عندى خلص

[meshmesh_2005]

كان نفسي انزلك الصورة دلوئتى لكن والله العلبة مش معايا هنا ...العلبة عند ماما وانا معايا هنا كام واحدة فرط
بس صدقيني انزلى بس ودورى عليه مش مهم ابدا الكلام لكن تاكدى ان اسمه كوتششى باى كتابة مش مهم