begad 3iza 7al ???/

[om belal]

yagam3a 2ebni belal 3ando 43 youm 3iz yefdal metshal tool el; wa2t w yenam 3ala 2idi awel ma7to fel sereer y2om sa7y w toooooool el youm 3izni afdal shilah w lma a7oto yfdal ye3yat w monkm yfdal ye3iat bel sa3a w el sa3a w nos 7ad 3and ay 7aaaaaaaaal allah yekrmkoum????

[roza1]

أم بلال اهلا بك
بلال أكيد بيحبك وعايز يفضل في حضنك ودي حاجة كويسة طبعا لكن متعبة جدا ويمكن بلال بيكون دفيان وانت شيلاه فلما بتيجي تحطيه في السرير بيحس بالبرد , السرير لازم يكون فيه بطانية تحت وبطانية فوق لأن الأطفال الصغيرين قوي بيبردوا أكتر مننا , ولما تحبي تحطيه في السرير ابعديه الأول عن صدرك واحدة واحدة ويعدين حطيه في السرير بالراحة وافضلي هزية بالراحة وهو في السريركأنه في ايدك وابعدي عنه ببطء , واهم حاجة انه يكون متدفي كويس

ابني عنده ولد اسمه بلال برضه وكان بيعمل نفس الموضوع ده ومامته كانت بتضطر تنيمه في سريرها علشان تنام جنبه شوية وبعدين تقوم لما تطمن انه نام وساعات كانت بتنام طبعا زيه لأنه بيسهرها طول الليل بس الحمد لله دلوقت كبر وعنده سنة ونص ومواعيد نومه انتظمت عن الأول

[om belal]

roza merci ya 7abebty 3ala radeeeeeeek w mororek...walahi ana bakoun medafya awyyyyyyy w melabesah te2eel w ba3'aty kwais el fekra eno 3iz yekoun metshal kol el wa2et en kan beleel aw el sob7 y3ni fe kol el aw2at...w tb3an s3b awy le2en el wa7ed bykoun warah 7agat keteera lazm y3mlha w s3b enaha tet3ml w ana shilah rbna ye3ena w y2drnaaa yarab

[roza1]

ممكن دكتور الأطفال يفيدك في هذا الموضوع
بيبقوا فاهمين الأطفال اكتر مننا من كتر الحالات اللي بتمر عليهم

[roza1]

أم بلال ياريت تكتبي عربي علشان الكل يقدر يرد عليكي لأن قرأة العربي بالحروف الأجنبية بيكون متعب
ايه المشكلة عندك في الكمبيوتر؟

[om belal]

حاضر يا جماعة حكتب عربي بس انا اصلي بستسهل بس من عيوني يا امارات

[*YSmsma*]

بس يا ام بلال

عن تجربتى الشخصيه

خليكى قويه ولازم تعودى ابنك ميتشلش

انا ابنى لغايه ممشى مكنتش اشيله اطلاقا الا للضرورة القصوى ماشاء الله

ولو مفيش سبب للشيل

كان يفضل نايم مكان مانا قاعدة وميبكيش

لانه اتعود ان مكانه ثابت مش فى حد بيحركه كل شويه

وكل محد كان يجى يشيله كنت اقوله من فضلك متشلهوش علشان ميتعودش

وماشاء الله كان فى نتيجة ريحتنى

الموضوع صدقينى موضوع تعود وده لسه يادوب 43 يوم يعنى ممكن تعوديه انتى

[Love_girle]

السلام عليكم أم بلال
ما شاء الله علي رد روز و الرد التاني ( اسمك صعب قوي)

انا برضه تقريبا كان عندي نفس مشكلتي مع عموري و كمان اللي زود المشكله مامتي و حماتي و خالة و عمامه كل الناس لإنه أول ما أتولد كان الكل عايز يشيله و يلعب و بيه و ان بالظبط عنده أربعين يوم يعني تقريبا في عمر ابنك و أنا مش عايزة أزعلهم و كمان كنت تعبانه من قلة النوم بس المهم
لما بقينا في بيتنا لوحدنا خلاص مبقاش غير و غيره
تقريبا عملت زي روز بالظبط ما قالت بحطه في سريره براحة و ابعده عن حضني واحده واحدة
ولما يخلص رضاعه اسيبه علي السرير علي طول (لازم تعوديه انه ينام في سريره في الأوضه بتاعتك و إن شاء الله مش تخافي عليه )
وكمان عملتله سرير ( من الشنطة الكري كوت ) في المطبخ أو أي مكان أنا رايحه فيه و أقعد اعمل صوت ليه و اناديه عليه و لما يعيط مش بشيله علي طول اطبطب عليه اضحكله لما يزيد بقي بعرف انه عايز حاجة و إذا لقيته مش عايز برجعه تاني مكانه
و ممكن اسيبه واشغله التليفزيون علي القرآن و اعليه كأن في حد معه
و أنا ماشيه و هسيبه بقوله أنا رايحه أعمل ايه طبعا أنا عارفه أنه مش فاهم بس يعني كأنه بكلمه
والحمد لله مش تعباني و هو بقي عنده شهرين الحمد لله مش هقول أنه مريحني 100% بس مرتاحة
و كمان في حاجة حاولي وهو بيعيط مش تتمشي بيه علشان يسكت و إنتي في مكانك علشان هيتعود علي كده و هيتعبك أكتر و أكتر
و ما شاء الله بلال لسي عنده شهر ونص إن شاء الله تقدري تعوديه بس براحه عليه و عليكي
وربنا يخليهولك يارب و تشوفيه أحلي عريس

[*YSmsma*]

السلام عليكم أم بلال
ما شاء الله علي رد روز و الرد التاني ( اسمك صعب قوي)

اول حد فى المنتدى يقولى اسمك صعب

طب ده انتى لو فرطى الحروف هتعرفى تقريه

عموما يا سمسمة

شوفتى سهل وحلو ازاى

[Love_girle]

سمسمة اسم جميل طبعا و سهل
بس حرف الواي اللي لخبطني ومش بقيت عارفه اقوله إزاي

وبعدين لازم اكون مختلفه عن باقي المنتدي و لا أيه

[*YSmsma*]

طبعا طبعا يا ام عمر

لازم الاختلاف

ولا يهمك اقريه زى متحبى

وربنا يحميلك عمور الامور

[heba tarek]

و الله الأمهات ما قصروا فى ردودهم معاكى و فعلا زى ما قالولك المسأله مسأله تعود و أنا عملت مثل سمسمه بالضبط و مكنتش بخلى أى حد يشيل جنى و كمان مثل love girle و كنت جايبلها كرسى بعجل مثل السرير و كنت بجرها معايا فى أى مكان فى الشقه بدون ما أشيلها بس خلى عندك شويه صبر و عزيمه لأن أبنك لساه صغير ممكن يرجع و يتعود بسهوله ان شاء الله

[om belal]

يا جماعة جزاكم الله خيرا انا انبارح سبتو اعد يعيط ساعتين متواصل مش عرفا اعمل ايه اول ما اشيلو يسكوت علي طول فا انشاء الله انا بدل عملالو كل حاجة و ضمنا ان مفيش حاجة هو عوزها فا حسيبوا فل عربية بتعتوا او في الكورسي معاية في كل حتة لحد ما ربنا يهديه و دعوتكم معاية و اي حد عندو اي معلومات ياريت يقول لي عليها يا بنوتات ربنا يخليكوا بجد

[heba tarek]

فعلا طول ما هو واكل و مغير و لابس لبس مناسب مع الجو جمدى قلبك و سبيه يعيط و ربنا يعينيك عليه و يهديهولك

[true love]

بصي انا عانييييييييييييييييييت المشكلة ده مع بنتى من اول يوم اتولدت فيه و رجعت ع البيت احطها ع السرير تعيييييييييييييييييييط و كانت تقريبا اول شهرين بتنام على ايدي في حضنى و كنت حاسة انى هفضل كده بس هى لوحدها نامت ع السرير هى دلوقت هتتم سنة مبقتش تحب حد يشيلها على طول عايزة تسرح ع الارض المهم هو بس ابنك بيحس بالامان في حضنك و الموضوع ده مش مشكلة الدكتور كان بيقول مش انت ام يبقى شيليها امال ام ازاى و فعلا انا عملت كده و اتعذبت شوية لكن عذاب جميييييييييييييييييييل عارفة مراط اخويا كانت رافضة حد يشيل ابنها عشان ميتعودش و فعلا اول كام شهر كان بيتساب يفضل ع الارض بس بعد 3 شهور بقى مغلبها و عايز يتشال على طول يعنى معرفتش تعودة على انه ميتشلش عشان كل طفل ليه طبيعة مختلفة عن التانى هو ابنك بس اول ما يبدا بنظم نومة هينام لوحدة و ع السرير متقلقيش انا بنتى دلوقت الحمدلله بمجرد ما احطها ع السرير بقت تنام لوحدها يعني كمان مش لازم انيمها في حضنى الاول و بعد كدة احطها ع السرير لا لما فهمت عرفت ان السرير ده بتاع النوم بعد ماكانت ما تنمش الا في حضنى و معقدانى دلوقت بتنام لوحدها و من الساعة 9 وحياتك و الحمدلله يعنى اطمنى هو شهر و يريحك و بعدين هى ده ضريبة الامومة انا طولت عليكي بس قلت احكيلك تجربتى و ان شاء الله ترتاحى و ابنك بنظم نومة و ينام ع السرير لوحدة قريييييييييييييييييييييييييب