امتى يبدا ياخد الطفل بروتين؟؟

[enno]

كيفكم اخواتى فى الله والله انى احبكم فى الله

ابنى عنده 6 شهور ونصف الله يبارك فى عمره
امتى ابدا اديله البروتين مع الخضار (الكبده والفراخ واللحمه)
وباديله زبادى مع بسكوت وعسل وبياخد سيريلاك قمح او رز
وصفار البيضه مع جبنه مثلثات
وتفاح مسلوق وموز وعصير برتقال
ممكن ياخد ايه تانى وجزاكم الله خيرا

[nawar123]

يا اختي الله يحميلك ابنك لكن قبل ان اجيبك عن سؤالك اريد ان الفت نظرك لامر مهم وهو يمنع منعا باتا اعطاء الطفل العسل قبل السنة خوفا من وجود جرثومة معينة في العسل قادرة على ايذاء الطفل بشكل كبير لذلك الافضل الا تعطيه العسل قبل السنة .. اما بالنسبة للبروتين فحسب تجربتي بعد ان يبلغ 10 اشهر ..

(( المعلومات اخذتها من مختصة نقوم في بلادي بزيارتها كل فترة لفحص تطور ابنائنا وهي من يخبرنا بهذه الامور والتي تاخذها من وزارة الصحة مباشرة )).

[heba tarek]

العسل حبيبتى بعد تمام السنه وممكن حاليا تديله قطعه من صدر الفرخه مسلوق مع الخضار بطاطس-جزر-كوسه-بروكلى وممكن كمان كبده و اللحمه بعد 7 شهور و السمك بعد السنه ان شاء الله و ربنا يباركلك فى صحته و ممكن تعمليله مهلبيه باللبن البقرى عادى دلوقتى

[enno]

جزاكم الله كل خير على اجابتكم واهتمامكم بارك الله فيكم
انا فعلا قريت عن موضوع العسل ده من كام يوم وجربت اديله الزبادى من غير العسل هو والتفاح المسلوق مرضيش بيه تقريبا بيحب الحاجه مسكره فى رايكم اديله سكر طيب؟؟؟؟

[enno]

العسل حبيبتى بعد تمام السنه وممكن حاليا تديله قطعه من صدر الفرخه مسلوق مع الخضار بطاطس-جزر-كوسه-بروكلى وممكن كمان كبده و اللحمه بعد 7 شهور و السمك بعد السنه ان شاء الله و ربنا يباركلك فى صحته و ممكن تعمليله مهلبيه باللبن البقرى عادى دلوقتى

جزاكى الله خيرا على ردك
بس سؤال معلش ام لاول مره بقى
الفراخ اسلقها مع الخضار فى نفس الميه ولا لوحدها؟؟
والمهلبيه اعملها ازاى ؟؟؟
وباللبن البقرى كامل الدسم اللى فى العلب ده عادى؟؟؟ اصل اعرف ان اللبن كمان بعد السنه لانه تقيل على معدة الاطفال وجزاكى الله كل خير

[nawar123]

سامحيني اخت هبه لكن الحليب البقري ثقيل على المعدة ولا يجوز قبل السنة فهو قد يؤدي الى تقرحات صغيرة في الامعاء والتي تؤدي لنزيف بسيط ممكن يؤثر على مستوى الحديد في الدم .. (( متاكدة من المعلومة ))

[enno]

????????????

[رمووسي]

موفقين

[heba tarek]

جزاكى الله خيرا على ردك
بس سؤال معلش ام لاول مره بقى
الفراخ اسلقها مع الخضار فى نفس الميه ولا لوحدها؟؟
والمهلبيه اعملها ازاى ؟؟؟
وباللبن البقرى كامل الدسم اللى فى العلب ده عادى؟؟؟ اصل اعرف ان اللبن كمان بعد السنه لانه تقيل على معدة الاطفال وجزاكى الله كل خير

أيوه حبيبتى اللبن العادى بتاعنا و ممكن تدخلى على الرابط ده أنا كنت كتبت النظام اللى كتبهولى الدكتور لى جوجو فى مصر قبل ما أسافر الكويت و لما رحت
للدكتور هنا فى الكويت قالى عليه نظام ممتاز و الحمدللهhttp://www.lakii.com/vb/showthread.p...%C7%E3&page=52

و المهلبيه ممكن تعمليها 1/2 كوب لبن بقري و عليه معلقه نشا صغيره و 1/2 معلقه سكر وقلبيهم على النار لحد لما تمسك شويه

و بالنسبه للسكر ممكن تحطيه على اى حاجه هتسويها على النار علشان يكون تعرض للغليان ولكن مينفعش على الزبادى من غير ما تغلى السكر و ده كان كلام الدكتور أيضا بس ممكن تغلى السكر مع شويه ماء و تضعى من محلول السكر ده على الزبادى بس خدى بالك ان الزبادى ميخفش منك قوى وكمان ممكن تضعى على الزبادى معلقه سريلاك هتسكر الزبادى حبه

و يا رب أكون أفادتك

[heba tarek]

و بالنسبه للفراخ اسلوقيها لوحدهاعلشان هى بتستوى فى وقت أطول من الخضار و من المفروض ان الخضار ميفضلش على النار كتير علشان الفايده بتاعته مترحش و خدي شوربه الفراخ سوى بيهاالخضار بس غطى الخضار بالشوربه مش أكتر من كده علشان فايده الخضار متروحش فى الشوربه الكتير

[heba tarek]

سامحيني اخت هبه لكن الحليب البقري ثقيل على المعدة ولا يجوز قبل السنة فهو قد يؤدي الى تقرحات صغيرة في الامعاء والتي تؤدي لنزيف بسيط ممكن يؤثر على مستوى الحديد في الدم .. (( متاكدة من المعلومة ))

ولا يهمك حبيبتى لا زم تستفسرى لتطمأنى اللبن لما بنسويه مهلبيه بيختلف مكوناته و مش بيتعب الطفل و بيصير مثل الزبادى و اللبن الرايب لأن الزبادى و الرايب لبن بقرى أيضا بس أختفت مواصفاته تماما و ده كلام دكتورين و الله أعلم و أنا عملت كده مع جنى زى ما الدكتور قال و الحمد لله بس نشربه للبيبى كده من الزجاجه على طول بعد تمام السنه