انا و ابنتي و الحج السنه دى

[arwa2008]

السلام عليكم
انا باختصار نفسى احج السنه دى بس المشكله ان عندى بنت عمرها 9 شهور و باخاف عليها جدا من كل حاجه و عشان كده انا خايفه عليها من الاوبئه و من الزحام و خايفه كمان انى مقدرش اؤدى المناسك وهى معايا و مش عارفه اعمل ايه؟ يا ترى فيه تطعيمات معينه للاطفال ضد الامراض اللى بتبقى منتشره فى الحج ؟ المشكله انه لا يوجد اى حد اترك عندى بنتى لانى مغتربه .. ممكن الاخوات اللى راحوا الحج يحكوا لى عن تجاربهم مع اطفالهم . انا كل كل سنه اسمع عن حوادث الاندفاع و التزاحم و عشان كده قلقانه وكمان خايفه عليها من الحر و الشمس لانى رحت بيها عمره العشر الاواخر و تعبنا جدا من الزحام وفى ناس نصحونى انى لا اخدها معايا تانى بس كنت اعمل ايه ..
ادعولى انى احج و انصحونى اعمل ايه جزاكن الله خيرا

[arwa2008]

ايه يا جماعه ما فى معلوم....

[arwa2008]

??????!!!!

[arwa2008]

!
!
!
!
!
!
!
!
!
!

[*سهام الليل*]

والله ماعندي فكرة بس حبيت ادعيلك الله يحفظهالك وانت بتحجي

[azmiralda000]

والله انا ابنى سنة و نص و خايفة اخده معايا
فى انتظار ذوات الخبرة

[arwa2008]

um anaswa aseel و azmiralda000 جزاكن الله خيرا على الاهتمام والرد و ربنا يبارك لكم فى اولادكم

[ام المجد والمها]

السلام عليكم ورحمة الله
اختي الغالية .. ربنا يكتبلك الحج كما نويتي .. واحب اعرفك بنفسي ,, انا الحاجه ام مجد ومها ,, مغتربه مثلك ,, حجيت سنة 2006 كان عندي ابني مجد سنتين تقريبا وحامل ببنتي مها في الرابع ,, بس للأمانه وبصدق ما خطرش في بالي اني اخذ ابني معاي ,, لان السنة اللي قبل الحج رحنا للعمرة ,, وتعبت معاه بشكل مش طبيعي ,, فلما قررنا الحج كنت مقرره سلفا انه يظل مع امي ,, فجاءت امي للبلد اللي انا فيه قبل السفر باسبوع ,, وروحت ورجعت وانا حتى ما فكرتش فيه ,,سبحان الله ,, حتلاقي نفسك مع الرحمن ,, تناجي وتعبدي وتستغفري وتتوبي عن ذنوبك ,, وابنك اخر همك ,, الحج عبادة تحتاج مجهود بدني ,, وفيها مشقة صعب يتحملها اولادنا الصغار ,, احنى الكبار وتعبنا تعب مش طبيعي ,, التنقل من مكان لمكان والزحام لعباد الرحمن ماشاء الله مد البصر,,,وكان رفقائنا للحج عائلة صديقه مغتربة معنا .. كانت صديقتي لديها 4 اولاد ,, بنتين وولدين ,, جاء عمهم للبقاء معهم فترة غيابهم للحج .. الا ابنتها الصغيره والتي هي في عمر ابني في ذلك القوت اخذناها معنا .. لان العم صعب يتحمل مسؤوليتها ,, بس تعبت معانا تعب المسكينه ,, كانت طول الوقت متضايقه وتصرخ ,, وحرمت امها من اغلب الصلاوات خصوصا وقت الفجر ... وكان ابوها وقت الطواف والسعي يحملها فوق كتفه,, ربنا يكتب لهم اجرها ان شاء الله
هذه تجربتي وتجربة صديقتي ,, استخيري الله ليجعل لك من امرك مخرجا
وحج مبرور وذنب مغفور سلفا,, في انتظار اخبارك

[بغداد الضائعة]

أحس مرررررررررررة صعبة تأخذينها معاك
بس لو مافيه أمل في أي سنة من النوات تحجي إلا ومعك أطفالك
الأفضل انك تحجي السنة هاي قبل ما يكثروا أطفالك