الفطم

[amani1]

مرحبا يا امهات المستقبل انا اول مره بشارك معاكم في هذا القسم بس عندي مشكله انا عندي بنت حتصير ان شاء الله هي الشهر سنه وانا صايمه وبعدني برضعها بس ما عندي الان حليب لاني سايمه كيف بدي افطمها وحاولت اشربها حليب عادي بس رفضته البعض قال لي انه حتوخدوا لما تكون جوعانه وما خيار لها شو رايكم

[سائله الرحمن]

اختى ربنا يعينك ايه المشكله انك صايمه مافيهاش حاجه اتسحرى كويس واشربى ميه كتير وخصوصا بعد الافطار كترى من

السوائل انا فى اولادى الاتنين يدوب خلصت الاربعين ودخل الشهر الكريم وصمته كله وفى التالت ده برضه عادى برضعه

وعنده دلوقتى حوالى خمس شهور

رضعى بنتك و ماتخافيش فى لبن موجود وممكن تدخلى رضعه خارجيه مع الطبيعى يعنى تيقى وجيه كده تقللى الرضاعه

الطبيعيه فى الفتره دى على فكره الوجبه ممكن تكون حاجات دافيه او عصير

و بعدين بنتك ماشاء الله كبيره يعنى بتاكل

على فكره مش كل الاطفال بترضه للرضاعه يعنى مش علشان هى جعانه لا ده احتياج نفسى و عاطفى احساس بالامان

وكمان فيه اطفال متعودين يناموا على الرضاعه

بنتى كانت من النوع ده وفطمتها على سنه و3 شهور لان الحليب عندى قل و الدكتوره قالتلى انوا الحليب مبقاش يغذيها

ماعرفش ده صح ولا المهم انا فطمتها علشان كنت حامل فى اخوها

ازاى قطعت الرضاعه مره واحده و لبست ملابس مقفوله من فوق علشان حرام متتعذبش اكتر وبدات الهيها او اشغلها بحاجات

تانيه وطبعا التغذيه عامل مهم فى الفتره دى وباليل طبعا كانت تقوم تعيط عايزه ترضع اديها تشرب ميه و تعيط طبعا بس استحملنا

باباها وانا و الحمد لله فى خلال اسبوع كل ما تقوم تعيط عايزه نرضع تلاقى ميه زهقت وبطلت تقوم وبقت تنام( وانا كمان بقيت انام طول الليل

ودى كانت اول مره انام كده من يوم ما ولدتها اصلها كانت تقوم كل ساعتيت او ساعه ونص ترضع حاجه خفيفه وتنام ) وبعد كده باسبوع

خلاص نسيت موضوع الرضاعه بس برضه خلينا على الملابس كده مده اسبوعين كمان بعد كده احسن

و على فكره بالنسبه ليكى هاتلاقلى اللبن اتجمع عندك وحجر المكان وشد معاكى وهايتعبك كمان اى لمه فيه تعملى حمام ميه دافيه

على المكان كل يوم 3 او 4 مرات هاتلاقيه فى خلال كام يوم رجع طبيعى زى الاول واللبن نشف وافيش مشكله

اما عرفه انى طولت قوى لكن احب اكتب كل حاجه بذمه وضمير

اتمنى اكون افدتك

[amani1]

يسلموا ايديكي يا سائله الرحمن وشكرا لك كتير علي ردك لي وانا اشاء الله سوف اعمل بنصايحك

[heba tarek]

هى الأمومه للأسف مش سهله وكله فى الأخر جهاد الله المستعان

أولا:سيبى بنتك تكمل رضاعتها لحد ما توصل عمر الفطام و لا داعى للقلق من موضوع فيه لبن أو لا الدكتور قالى ان المص بيدر اللبن وكل لما ترضعى كتيير اللبن بيزيد بالثدى

ثانيا:بنتك ماشاء الله عليها عندها سنه يعنى المفروض تكونى بتأكليها كل حاجه حاليا و لو بتاكل هيكون4 مرات رضاعه فى اليوم كفايه ممكن ترضعى مره واحده أو اثنيين بالكتيير و أنت صايمه وربنا يتقبل منك و يقويكى و زى ما سائله الرحمن قالتلك اتصحرى كويس وعليكى بالماء و السوايل بعض الفطار و على فكره اللبن و عصيير البرتقال من السوائل المدره لللبن قوى

[sika2100]

ربنا يقويكى على الصيام
معلش انت هاتتعبى شوية فى الصيام لكن لا تفطميها علشان صايمة لسه صغيرة على الفطام
اشربى ميه كتير بعد الفطار وكمان زى ما قالوالاخوات ان الرضاعة بتزيد من المص ومش من الاكل
ادعى ربنا يعينك
انا كمان برضع وابنى عنده سنة و8 شهور تقريبا نصحونى اهلى افطمه قبل رمضان بس انا مارضيت
والحمد لله ربنا قوانى على الرضاعة والصيام