اخيرا اتغلبت على اخطاء طفلى..(تم دمج الموضوعات )التي تخص الموضوع

[منتقبة سكندرية وافتخر]

ازيك يا ورده عامله ايه؟

موضوع حلو جدا

بالمسبة للببرونه متجربي تديها لبن في الكوبايه وتكون بالشاليموه حتعجبها وممكن تعوضها عن الببرونة

وأكيد حيكون ليا مشاركات تانية

[صديقة]

مرحبا يا أمهات
الله يكون في عوننا على تربية الأولاد
أنا عندي مشكلتين مع أولادي:
الأولى: ابني ( عمره 3 سنوات ) صار لي أعلمه على الحمام أكثر من سنة .... هو طووووووووووووووول النهار نظيف وتمام بس المشكلة بالليل... لازم يقوم مبلول ... مع إني أصحيه مرة وحدة بالليل لكن مازال... والله تعبت معه ومع غسيل الشراشف كل يوم

ثانيا: ابني الأصغر ( عمره سنة ونصف ) يبكي كثير.... ومرات أخليه يبكي وأعمل حالي مش سامعة ... بس يظل يبكي حتى لو استمر مدة سااااااااااااااعة مش مهم.... أهم حاجة عنده ألبي له كل طلباته في أي حاجة.... وحتى بالليل يقوم من النوم يبكي... يرضع.... ولسه يبكي... أعطيه رضاعة .يخلصها .. ومازال يبكي... ويقعد كذا تقريبا 3 ساعات... لحد ما ينهك من البكاء... وينام وأكون أنا استنفدت كل قواااااااااااااي....خلاص....ويقوم بدري جدا... مع إنه ينام مرة وحدة بالنهار مدة ساعة بس....

الله يخليكم ساعدوني.... اللي عندها حل تساعدني....

[lonelywife]

موضوع مهم مشكورة عليه
أنا ابنتي عمرها سنة و نصف, تفتكري لازم أبدأ اعودها على المرحاض و لا لسة شوية؟
كيف أعودها على شرب الحليب من الكأس عوضا عن الرضاعة؟ حاولت لكنها ترفض

[ورده مصريه]

ازيك يا ورده عامله ايه؟

موضوع حلو جدا

بالمسبة للببرونه متجربي تديها لبن في الكوبايه وتكون بالشاليموه حتعجبها وممكن تعوضها عن الببرونة

وأكيد حيكون ليا مشاركات تانية

اهلا اميره انتى وحشانى اوى اوى والله ..

انا مبسوطه ان الموضوع عجبك وياريت تقوليلى اى حاجه عملتيها مع رودى وجابت نتيجه حلوه عشان الأمهات التانيين يستفادوا ..

اما فكرتك عن فطامها من الببرونه فكره حلوه مجتش على بالى والله اجرب بس هستنى الشهرين دول تكون قفلت السنتين عشان كده ابقى عملت زى كأنى فطمتها من صدرى .. مثلا يعنى,,, وهبقى اعمل مقدمات ليها اصلها بتحب الشاليموه اوى مع العصير او البيبسى ...

[ورده مصريه]

موضوع مهم مشكورة عليه
أنا ابنتي عمرها سنة و نصف, تفتكري لازم أبدأ اعودها على المرحاض و لا لسة شوية؟
كيف أعودها على شرب الحليب من الكأس عوضا عن الرضاعة؟ حاولت لكنها ترفض

اهلا بيكى معايا يا لونلى وايف ابتدى عوديها شويه شويه وحببيها فى الموضوع وبلاش اى عقاب او ضرب نهائى فى الفتره دى خالص بالعكس لو عملت بيبيه سقفى ليها واديها حاجه حلوه بتحبها وشجعيها وحاولى تعرفى مواعيد الحمام بتاعتها عشان تخديها من غير ما هى تقول وشويه شويه تبتدى تاخد على الوضع بس هى يا ترى بتتكلم والا لسه .. ؟؟ لأنه هيساعد كلامها فى انها تقولك بيبيه وتروح الحمام ..

اما عن تعودها على شرب اللبن من الكوب لسه شويه استنى لما تقفل سنتين وبعدين عوديها انا لسه كنت بسأل السؤال ده هنا فى الموضوع ده وقالولى ابتدى اديها اللبن فى كوب ومعاه شاليموه او ( الشفاطه ) عشان تمص منها اللبن على اساس تغيير وتحبه وتبعد عن الببرونه بس بنتى عندها سنه و9 شهور ولسه هستنى مع تدريبها شويه لغايه سن 2 سنه وربنا يسهل ويحفظهم لينا يارب

[ورده مصريه]

الأولى: ابني ( عمره 3 سنوات ) صار لي أعلمه على الحمام أكثر من سنة .... هو طووووووووووووووول النهار نظيف وتمام بس المشكلة بالليل... لازم يقوم مبلول ... مع إني أصحيه مرة وحدة بالليل لكن مازال... والله تعبت معه ومع غسيل الشراشف كل يوم

اهلا ...صديقه ... انتى منوره موضوعى ...

بالنسبه للمشكله الأولى اعتقد ان مفيش مشكله بس اعملى بعض التعديلات .. وقفى السوايل قبل النوم بساعه وبدل ما بيقوم مره قوميه مرتين .. وفيه سبب تانى للموضوع ده

هو انتى بتضربيه ؟ لو لأ يبقى مفيش خوف .. فيه مشاكل بينك وبين والده ...؟؟ لو لأ يبقى الحمد لله واعتقد ان اسإلتى دى كمان لسه بدرى عليها لأن سنه صغير بس احتياطى ...عشان ممكن تكون نفسيه الطفل بتتأثر بسرعه ..

اما السبب اللى فى بالى ممكن يكون غيرة من اخوه مثلا فبيحصل كده
وصدقينى انا اعرف ان فيه اطفال عادى فى السن ده بيعملوها وهما نايمين اعملى الأول الطلب الأول اللى قلتلك عليه وربنا يسهل ويكون خير ..

اما مشكلتك التانيه ..

ثانيا: ابني الأصغر ( عمره سنة ونصف ) يبكي كثير.... ومرات أخليه يبكي وأعمل حالي مش سامعة ... بس يظل يبكي حتى لو استمر مدة سااااااااااااااعة مش مهم.... أهم حاجة عنده ألبي له كل طلباته في أي حاجة.... وحتى بالليل يقوم من النوم يبكي... يرضع.... ولسه يبكي... أعطيه رضاعة .يخلصها .. ومازال يبكي... ويقعد كذا تقريبا 3 ساعات... لحد ما ينهك من البكاء... وينام وأكون أنا استنفدت كل قواااااااااااااي....خلاص....ويقوم بدري جدا... مع إنه ينام مرة وحدة بالنهار مدة ساعة بس....

بلاش تتجاهلى عياط ابنك لأن ده بيخليه متضايق ويزيد اكتر ..
السبب الأساسى اللى انا بعتقده ظهور الأسنان هى اللى بتخلى الطفل مقريف وزعلان وبيعيط على طول جيبى جل من الصيدليه مخصوص لتبنيج اللثه للطفل هو جميل جدا فى ثوانى مفعوله بيبان وابتدى دلكى اللثه وشوفى تأثيره عليه هل هيهدئ ....وعلى فكره ممكن قله نومه طول النهارو صحيانه بدرى بسبب كده ( بنتى كانت كده ) جربى .....
فى اسباب تانيه .....اديله بين الرضعات ميه وبإستمرار وكمان برديها فى التلاجه يعنى متسقيهوش ميه عاديه الميه البارده تروى الطفل فى الحر ... او اسقيه يانسون او تليو مهدئ بالليل جميل اوى ..
اما عن بكاؤه الكتير عمال على بطال يمكن حاسس بوحده انتى مشغوله فى البيت اخوه مشغول بلعبه مثلا او مش موجود عند حد من الجيران مثلا يعنى وابنك الصغير لوحده مش لاقى حد يلاعبه .. ده سبب ..
وممكن السبب الأخير انه عارف انك هتلبى طلبه لو عيط على الشء اللى عاوزه وده غلط اوعى تلبى طلب ليه انتى عارفه انه غلط انتى اشغليه عن الموضوع ده بأى حاجه تانيه ..

ربنا معاكى ويقويكى ويحفظهم ليكى يارب .

[سنابل_2007]

دورة بنت الاحرار فين

[صديقة]

يا هلا حبيبتي وردة.... يااااااعمري والله نصايحك زي العسل..... جزاك الله خيرا......
بالنسبة للسوائل أنا باحاول قدر الامكان أمنعه منها قبل ساعة من نومه.... وبالنسبة للضرب لااااا أبدا ومافيش أي مشاكل بيني وبين أبوه.... الحمد لله. بس هو طبيعته حساااااااااااااااااس جدا و رقيق...يعني ما يحبش يضرب حد حتى لو حد ضربه وحتى انا وابوه نتعامل معاه برقة جدا.... حتى ما نقدر نزعق عليه... أو نصرخ يقعد يعيط على طول...و حتى لو ناديت عليه بصوت عالي شوية يسألني .. أمي انتي زعلانة مني؟؟؟؟؟
راح أعمل بنصيحتك و أصحيه مرتين بالليل... و أخبرك بالنتيجة.... ان شاء الله تنفع معاه...

أما ولدي الثاني... فعلا هي أسنانه في الفترة دي متعبة جدا... وهو طول الوقت يطلب ثلج... يحبه جدا.... بس أنا أخاف عليه من اللوز.... بس فعلا نصيحتك حلوة جدا.... أبدأ معاه من بكرة سوائل باردة.... ورح أحاول ألعب معاه (((( مع اني مش فاضية له كثير ))))) بس ححاول...


أشكررررررررررررررررررررك جدا جدا يا وردة ياعسل.... بوركت يداك... وجعل ذلك في موازين حسناتك...

الله يخليلك عيالك وأبو عيالك ويحفظهم ويسعدك وين ماتكوني ...............آآآآآآآآآآآآآآآمين يارب...

[ورده مصريه]

ربنا يخلكى يا صديقه على كلامك الحلو ودعواتك الحلوه .. ربنا يستجبها ان شاء الله انتى من اى بلد يا صديقه ؟؟
على فكره انا نسيت اقولك ممكن تدى لأبنك الصغير خيار وهو لسه طالع من التلاجه بيكون حلو عشان التسنين قطعيه حلقات وخليه يكله بيكون بارد على لثته ..

[صديقة]

أنا من عمان... أرض الأمان
بس حاليا في بريطانيا.... مع زوجي الى ان ينهي دراسته... ادعي لنا حبيبتي

[ورده مصريه]

أنا من عمان... أرض الأمان
بس حاليا في بريطانيا.... مع زوجي الى ان ينهي دراسته... ادعي لنا حبيبتي

اهلا بأهل عمان انا مبسوطه انى بعرف ناس من كل الدنيا دى فرصه سعيده انى عرفتك يا صديقة ..
ربنا يوفقه وترجعوا بلدكم بالسلامه بإذن الله وربنا يحفظلكم اولادكم يارب ...من كل شر .. آمين

[ورده مصريه]

عزيزاتى الأمهات انا هغيب عنكم يومين وان شاء الله لينا لقاء تانى ...

[منتقبة سكندرية وافتخر]

ازيك يا ورده

انا أحب اقولك اني أول ما بدأت أشرب رورو المايه اديتهالها في كوباية الكوبايه بتاعة الأطفال وبنت خالي قالتلي على 9 شهور كده جيبلها كوبايه بالشاليموه عشان تتعلام تشرب فيها وحطيلها فيها اي حاجة عصير لبن وانا أن شاء الله ناوية أعمل كده

حاجة تانية عملتها مع رورو اني بأكلها في مواعيد ثابته وده مريحني كتير لو حبيت أخرج مثلا وبيعلمها النظلم
وكل يوم الساعه 10 بالليل تاخد رضعتها وتنام احطها في سريرها وهيا تنام وحتى لو عيطت مش بشيلها خالص ومره في مره خلاص بقت ترضع وتنام على طول

حاجة كمان هيا اني أول ما بدات تقعد بدات اقعدها على القعاده بعد كل وجبة بس لسه مش عارفه ده حيفدني في ايه ماما بتقولي ان انا لما بدات امشي كنت لما اعوز أعمل اروح اجبلها القعاده في المكان اللي هيا فيه عشان تقلعني بس مش عارفة بنتي حتطلع زيي ولا ايه

[nadea]

ولدي يتبول على نفسه حاولت فيه باالحب والحنان والتهزئ على خفيف حاولت انفذ التعليمات بس احسه انه غصب عنه دلوني وش العمل

[ورده مصريه]

ولدي يتبول على نفسه حاولت فيه باالحب والحنان والتهزئ على خفيف حاولت انفذ التعليمات بس احسه انه غصب عنه دلوني وش العمل

السلام عليكم اهلا ناديا .. انا من رأى انك تعرضيه على طبيب وده افضل وهو يقولك ايه المشكله ..اتمنى تطمنينى عن قريب ياريت .. عشان برضه الأمهات التانيه تستفيد ,,,