التطعيمات

[lolo habeby]

السلام عليكم يا بنات
مين تعرف التطعيمات اللى المفروض البيبى يتطعمها غير اللى بتبقى فى الصحة اللى مكتوبة على شهادة الميلاد
التطعيمات دية الدكتور قالى هيقولى عليها المرة الجاية يا ريت اللى يعرفها يقولى
مثلا زاى الروتا انا دية بس اللى اعرفها مستنيا ردكم

[azmiralda000]

بصى يا حبى
انا اديت لياسين التطعيمات دى
الروتا.................. 3 شهور و خمس شهور
الجدرى المائى.............. سنة
الكبدى أ................... سنة و شهر و سنة و 7 شهور

ده اللى اخده لغاية دلوقتى
و كلهم هتلاقيهم فى المصل و اللقاح اللى فى الدقى
و كمان الكبدى أ ياريت تديه لملوكة

[bent masr]

زودى كمان عليهم الأنفلونزا البكتيريةhemophilus influenza ,و ده غير تطعيم الأنفلونزا بتاع الشتا.بيتاخد 3,5,7 شهور

[bent masr]

اَه............و كمان الالتهاب السحائىmeningitis مش فاكرة السن,بس تقريباً سنتين

[lolo habeby]

بنت مصر متشكة جدا حبيبتى
ام يس هو مينفعش الدكتور هو اللى يديهملى لازم المصل واللقاح ؟
لانى الدكتور اللى برحلة بيطعم انهى اامن ولازم الكبدى ا لملك؟ ينفع فى سنها

[lolo habeby]

معلش يا بنات انا تعبتكم معايا

[azmiralda000]

بصى يا لولو الدكتور ينفع طبعا بس فى المصل و اللقاح التطعيمات بتكون جديدة و فريش لانها بتستخدم كتير
و كمان التطعيم اللى فى الصحة احسن تديه فى الصحة اولا لانه اوفر و كمان لانه بيستهلك كتير فبيكون فريش
بالنسبة لملك بيتهيألى ينفع و عموما لما تروحى تطعمى يوسف اساليهم هما هيقولولك

بالنسبة لل الأنفلونزا البكتيرية ده مهم جداااااااا بس معلش ماكتبتوش لان هنا فى الامارات بيدوه فى الصحة ببلا ش مع التطعيمات العادية
يعنى فى مصر الطفل بيطعم ضد شلل الاطفال و الثلاثى لكن هنا شلل الاطفال و الخماسى
الرابع و الخامس اللى هما الأنفلونزا البكتيرية و الالتهاب الكبدى (ب) و حاجة كمان اسمها نيموكوكل

ان شاء الله اى تطعيم كمان ياسين ياخده هقولك عليه
انا كده قلتلك لغاية سنة و نص

بصى فى مستشفى تبارك للدكتور حمزة سيد الاهل ممتازة
مش عارفة عندك فرع قريب و لالأ
منزلين كتاب عن تطورات الطفل ب 5 جنيه بس رائع
و كاتبين فيه التطعيمات الاضافية و كمان هى متواجدة عندهم

[نور تقية]

اهلا يا لولو ...اخبارك ايه انت و يوسف و ملوكة ؟؟

يا رب تكونوا بخير و صحة يا رب

بصى انا اعطيت لتوتة تطعيم الجديرى المائى هى لسة مكملتش 4 سنيين

فى مستشفى تبارك تقريبا كان ب 300 او متين و شوية و عندهم جدول بكل

التطعيمات بتاعة الصحة و الاضافية ...ممكن تعطي التطعيم ده لملك و فى كمان تطعيم

للالتهاب الكبدى بس الدكتور قال لى لازم على الاقل اسبوع بين المصليين ....

و ان شاء الله على دخول المدرسة هديها تطعيم الكبدى الوبائى ده و الانفلونزا كمان...

بالنسبة ليوسف متهيالى لسنه دلوقتى مفيش غير الروتا بس ...و اتاكدى كمان من الدكتور

بتاعك......و ان شاء الله ربنا يبارك لك فيهم يا رب و يحفظهم لك اللهم اميين

[lolo habeby]

اهلا يا لولو ...اخبارك ايه انت و يوسف و ملوكة ؟؟

يا رب تكونوا بخير و صحة يا رب

بصى انا اعطيت لتوتة تطعيم الجديرى المائى هى لسة مكملتش 4 سنيين

فى مستشفى تبارك تقريبا كان ب 300 او متين و شوية و عندهم جدول بكل

التطعيمات بتاعة الصحة و الاضافية ...ممكن تعطي التطعيم ده لملك و فى كمان تطعيم

للالتهاب الكبدى بس الدكتور قال لى لازم على الاقل اسبوع بين المصليين ....

و ان شاء الله على دخول المدرسة هديها تطعيم الكبدى الوبائى ده و الانفلونزا كمان...

بالنسبة ليوسف متهيالى لسنه دلوقتى مفيش غير الروتا بس ...و اتاكدى كمان من الدكتور

بتاعك......و ان شاء الله ربنا يبارك لك فيهم يا رب و يحفظهم لك اللهم اميين

نور حبيبتى متشكة جدا ربنا يخليهالك يا رب اعتقد قبل المدارس يكون احسن صح
متشكة على الدعوة الجميلة ربنا يرزئك قريبا يا رب

[lolo habeby]

بصى يا لولو الدكتور ينفع طبعا بس فى المصل و اللقاح التطعيمات بتكون جديدة و فريش لانها بتستخدم كتير
و كمان التطعيم اللى فى الصحة احسن تديه فى الصحة اولا لانه اوفر و كمان لانه بيستهلك كتير فبيكون فريش
بالنسبة لملك بيتهيألى ينفع و عموما لما تروحى تطعمى يوسف اساليهم هما هيقولولك

بالنسبة لل الأنفلونزا البكتيرية ده مهم جداااااااا بس معلش ماكتبتوش لان هنا فى الامارات بيدوه فى الصحة ببلا ش مع التطعيمات العادية
يعنى فى مصر الطفل بيطعم ضد شلل الاطفال و الثلاثى لكن هنا شلل الاطفال و الخماسى
الرابع و الخامس اللى هما الأنفلونزا البكتيرية و الالتهاب الكبدى (ب) و حاجة كمان اسمها نيموكوكل

ان شاء الله اى تطعيم كمان ياسين ياخده هقولك عليه
انا كده قلتلك لغاية سنة و نص

بصى فى مستشفى تبارك للدكتور حمزة سيد الاهل ممتازة
مش عارفة عندك فرع قريب و لالأ
منزلين كتاب عن تطورات الطفل ب 5 جنيه بس رائع
و كاتبين فيه التطعيمات الاضافية و كمان هى متواجدة عندهم

لا عندى فرعين قريبين لى
ان شاء الله اشترية يعنى انتى شايفة ان اللى فى المصل واللقاح احسن وارخص ولا نفس السعر؟ معلش حبيبتى انا زهقتك

[bent masr]

لتطعيم فى المصل و اللقاح بيكون أرخص من عند الدكتور
لكن أعتقد ان فى تبارك بيكون أرخص من الاتنين!!!!! مش عارفه ازاى.
عامة اتصلى بالمصل و اللقاح و اسألى
ربنا يخليلك أولادك يا رب

[lanazn]

التطعيمات بتختلف من بلد لبلد..

انا ما اعطيتش ابني اي تطعيم اضافي غير الجدري وهدا كان عالسنة ونص..

[lolo habeby]

شكرا يا بنات على الافادة

[azmiralda000]

لولو اسالى كمان على prevenar

[lolo habeby]

شكرا يا ام يس حبيبتى تعباكى دايما انتى وام بودى ربنا يخليكم يا رب