ابنى درجة حرارته مرتفعة ساعدونى

[dooo22]

عاوزة أسألكم يا ذوات الخبرة او من مرت بهذه التجربة من قبل انا ابنى عنده 4 شهور واربع ايام كان عنده برد استمر معاه اسبوعين واديته الدواء بتاعه (رينو ستوب - بنتا مكس) الدكتور قال عليه وخف من يومين الحمد لله بس فيه ارتفاع فى درجة الحرارة جاء له مرتين اثناء البرد مرة فى الاول ومرة من اسبوع فات وانهاردة سخن تانى مع ان البرد انتهى انا مش عارفة ليه السخونه ديه ياترى من البرد ولا ديه حاجة تانية

[dooo22]

اه نسيت اقول انه بتوصل ل 5ز38

[azmiralda000]

سلامتك يا سيسو الف سلامة عليك
و اللهى يا داليا انا مش عارفة السخونة من ايه لازم تروحى للدكتور تانى
بس دلوقتى اعمليله كمادات و اديله خافض حرارة و لبسيه حاجة قطن خفيفة و طرية
طمنينى عليه

[dooo22]

حبيبتى ام ياسين ربنا يخليكى على سؤالك انا فعلا اديت له الدواء من ساعتين كده ودلوقتى بقى كويس اللى هيجننى انها بتيجى يوم وياخد خافض الحرارة تروح وبعد اسبوع بترجع تانى يوم وتروح اسبوع وهكذا مش عارفة ايه ده ؟؟؟؟؟
ده غير ان معاد تطعيم الاربع شهور دلوقتى وطبعا ده لوحده بيتعب جدا وسخونية كمان وخايفة اروح اطعمه يكون غلط عليه بالسخونيه اللى عنده ديه؟ انا هشوف كده لو فضل كويس كام يوم ورجعت تانى هروح للدكتور

[*YSmsma*]

عليكى بالكمادات زى مقالتلك ام ياسين ومتقلقيش لو ارتفعت تانى ده اكيد لان البرد ماسك جسمه


وطبعا اسالى الدكتور احسن

وتطعيم الاربع شهور الحقيه بانك تديله الخافض مجرد ميطلع من التطعيم 3 مرات فى اليوم

متقلقيش هو ان شاء الله مش بيسخن

وربنا يعفى عنه يا دودو

[dooo22]

ربنا يطمنك يا سمسمة يعنى اروح اطعمه ولا استنى شوية لما البرد يخف نهائى بالسخونية

[*YSmsma*]

بصى يا دودو التطعيم ممدود لغايه قبل ست شهور

انا رايئى بلاش تزودى تعبه واستنى لما يشد حيله شويه

انا عن نفسى بتصل بالصحه واقولهم مثلا ميعاد تطعيم ابنى اليوم الفلانى ممكن اجى امتى وهما بيدونى تاريخ تانى اروح فيه

جربى وكده احسن

[dooo22]

فعلا انا كنت ناوية على كده برده لأن التطعيم لوحده مهلك ربنا يحفظهم يارب
تسلمى يا سمسمة

[azmiralda000]

لا يا دووووو

بلاش تطعيم و هوعيان

استنى لما يتحسن ان شاء الله

[lanazn]

سلامته ياسين..

ممنوع الطفل ياخد تطعيم اد كان مريض وعليه حم استني كمن يوم عليه..

انا دكتور اطفالي دايما بيقوللي ادا رجعوا سخنوا ارجعيلي.. فاحسنلك ارجعي للدكتور كمان مرة..

[نور تقية]

بصى ممكن يكون بيعرق من الحر و انت مشغله مراوح او تكييف

ابعدييه عنهم ...و بلاش التطعيم دلوقتى لانه مش هيكون مفيد طالما انه تعبان

بعد ما يفوق من دور السخونة باسبوع طعميييه ,,,,و ربنا يطمنك عليه حبيبتى

[amoon2007]

عزيزتي
السخونة دايما بتكون للطفل لما يكون عندو التهاب عشان هيك لازم يتعالج الالتهاب يمكن ابنك عندو التهاب بحلقو او صدرو وديه للدكتور خليه يفحصو
السخونة مو منيحة للبيبي الف سلامة عليه

[azmiralda000]

ها يا دووو
طمنينا على سيسو

[ام يونس مستغانم]

عليك برده إلى الطبيب عزيزتي مرة ثانية
و أوصيك بكمادات الخل نعم خصوصا في جوارب بليليها جيدا بالخل و ضعيها على رجليه
وربي يشفيهلك يا رب

[اضوا]

اسال الله العظيم رب العرش العظيم ان يشفيه ويعافيه