بنتى والدخان

[حب الروح]

السلام عليكم ورحمة الله وبركاتة .

بنات انا عندي مشكلة اريدكم تساعدوني نحن عندي يوم فى الاسبوع يصير عندنا تجمع فى بنت اهل زوجي لكن المشكلة السجائر والشيشة يدخنوها داخل لبيت وبعد ياخذوا بنتى داخل هذا المكان وانا ما اقدر اتكلم وبنتى توها شهر وكم اسبوع شو اسوي بصراحة اذا انا ما احتمل الريحة والله نفسيتى تعبانة يعنى حتى مافي تقدير انه طفلة الله يخليكم اريد حل

[chowchow 81]

أنا أقول كلمي زوجك ،، أكيد بيخاف على بنته الله يحفظها

[Karezmatia]

حبيبتي الله يعينج على هالوضع اللي انتي فيه ..

بس خلج صريحه ومافيها اي شي لو تشريحن وجهة نظرج لهالموضوع لزوجج .. لازم يتفهم .. هاذي بنته وحرام عليهم توها بهالعمر تقعد بمكان كله سجائر وشيشه ؟؟

امبيييييييييه احنا الكبار ما نستحمل .. شلون البيبي ..

اقنعيه ان البيبي توها صغيره .. ورئتها ما تستحمل هالدخان وحرام من هالعمر لا قدر الله يصير فيها التهابات وأمراض بعيد الشر انشالله ..

ولا تسكتين عن هالوضع ... حاولي كثر ما تقدرين ..

والله يعينج عليهم .. لأن بصراحه اللي بهالعمر وكبار ما قدروا انها ياهل وما تقدر تستحمل كل هالدخان .. شلون بتقنعينهم ..

[حب الروح]

والله العظيم نفسيتي تعبانة واللى قاهرني انهم ما يحسوي والاسف حتى الحريم يدخنوا وهم اللي ياخذى بنتي من الغرف ويدخلوا المجلس قهر حتى قلت لزوجي خلاص انا ما بروح بجي بليل بعد من الهواء يكون ينقني شو اشوي ما يكفى لما كنت حامل كنت اتحمل الدخان

[Karezmatia]

الله يعينج يالغاليه ..

ما ينفع الشد بهالموضوع .. كلمي زوجج بهالداوه .. عشان يتفهم الوضع وما يعاند .. العناد ما ينفع البيبي بهالموقف ..

[chowchow 81]

ليييييييييييييش جذي كلكم مدخنين الله يعينج ،،،، شوفس لازم اتكلمييييييييييين زوجك قبل ما يطيح الفاس بالراس ،،، وتمرض البنت ،،،، اسم الله عليها ،،، ما فيها شي لو تتكلمين من حقج اتخافين عليها حتى لو يوصل لهم الكلام انج متضايقة من تدخينهم ما فيها شي خل يوصل ما قلتي شي غلط ،،، والله بنتج أهم ،،، وأكيييييييد اهيا عند زوجك مهمه ،،، واذا ما في فايدة لا تخلينهم ياخذون البنت لمكان التدخين خليكي قوية حبيبتي

[ام ايودي عبد الرحيم]

الله المستعان...حبيبتي انت ما لازم تسكتي على هذا الوضع السئ ..صحة بنتك اهم حاجة عندك و ما يهمك زعل اي واحد ..انت لازم تكلمي زوجك انك خايفة على صحة بنتكم من اثار التدخين و مو لازم تكون موجودة في مكان مثل هذا و ما دام كلهم مدخنين حتى النساء انا بانصحك انك ما تروحي اصلا مو ضروري حتى من الناحية الشرعية هذا مجلس كله ذنوب ومعاصي والعياذ بالله و لا يهمك احد رضا الله قبل كل شئ و بنتك مسؤولة منك ولازم تحافظي عليها بكل الطرق...

[**نورالإسلام**]

مرحبا اختي
انتي لازم تكوني صريحه مع زوجك لكن في نفس الوقت تعرفي الأسلوب اللي تكلميه فيه
يعني هو من النوع اللي الحوار ينفع معاه
ولا اطبعيله من النت موضوع عن ضرر التدخين على الأطفال
ولا الدموع تنفع معاه
يعني انت ادرى بزوجك لكن حاولي بقدر الإمكان ماتشدي معاه او تتعرضي لأحد من أهله بسوء
والله يحفظلكم الكتكوته

[شذى عمرو]

حبيبتى اكيد تفهمى جوزك بيبنك وبيبنة لانة الضرر لطفلة كبير واكيد هو اب وهيخاف عليهااااااااااااااااااااااااااا
ربنا يعينك

[انسان مثل البشر]

كان الله في عونك
ببساطه اتفقي مع طبيب العائله با اتنبيه على زوجك بأن يشرح له مضار هذا الوضع
عن طريق احد اخوتك ويفضل بعد زياره دوريه لاي سبب لطبيب تطعيم كان او اي ضرف صحي
لاسمح الله . . والله يحفضها لكي ولزوجك وتفرحي فيها انشالله

[omrody2005]

لا اله الا الله


يعني هما ما بيرحموا نفوسهم من هذا التدمير الذاتي لا ما بيرحموا غيرهم

اولا الاخوات ما قصروا بس انتي خدي ابنتك بحضنك وقوليلهم انك هترضعيها او او او

وبعدين افهميهم هما اكيد بيحبوها بدليل حملهم لها

ممنوع اصطحابها داخل الغرف التي بها دخان دي شهر يا خواناااااااااااااااااااااا

كوني قويه وبذوق ولباقه

[ROVY]

حبيبتي لازم تكلمي زوجك وأهله كمان ده مفيهوش كسوف ولازعل
لان دي صحة طفلة مسكينة مش هتقدر تتكلم وتقولك صدري تعبني
ولا اتخنقت ولاحتى تطلع تلعب في مكان تاني زي الأكبر منها
دي مسئوليتك انتي وزوجك وهتتحاسبوا عليها
انتي حاولي تكلميهم بهدوء وممكن تكوني عند الدكتورويكون معاكي زوجك
وتشرحيله الوضع وتطلبي منه النصيحه وأكيد زوجك هيسمع منه بحكم
إنه دكتور حاولي وجاهدي علشان البيبي ...أكيد تستاهل

[رائده معروف]

الصراحه انتي غريبه كيف تطلعي في بنتك من البيت وتروحي تزوري وهي عمرها شهر حرام خليك في بيتك لحد ما تكبر شويه على الاقل بعد الاربعين وبالنسبه للدخان احنا الكبار ما نستحمله كيف طفل لا حول له ولا قوه تخافي يصير مع بنتك لاسمح الله ربو لانه بيكتم نفسها الصراحه الله يعينك !!!

[مبشرة بالخير]

لا تجاملين على حساب صحتك و صحة بنتك
و قبل كل شيء الدخان حراااااااااااام
فالمفروض إنك ما تستحين
و تأمرينهم بالمعروووف و تنهينهم عن المنكر
و توكلي على الله و اكثري من الاستغفار
و الله يكووووووون في عونك

[أم لأول مرة]

السلام عليكم
جيتي على على الجرح اختي
تصدقي انا بعاني من نفس المشكله واكثر بنتي عمرها الحين سنتين ونصف
والكارثه انا قامت تقلد وتمسك لي الشيشه وتمسك السجائر واحاول افهمها انها مو حلوة وتقرف
بس للاسف تغفلني وتروح لها
ماني عارف كيف اتصرف