اخواتى الاحباء

[Bosy]

اهلا بكم جميعا
عايزة اخد رايكم فى مشروع حضانة للاطفال على اد الحال فى البداية
حد لية اى خبرة فى ذالك واية هى نصائحكم لى ويا رب كل اللى يرد علية يحقق كل اللى يتمناة

[Bosy]

كدة يعنى

ولا واحدة ردت علية ماكنش العشم فيكم واللة

[زرقاءاليمامه]

ياحبيبتي والله انا رديت عليكي في موضوعك السابق وقولتلك اني عندي خبرة في هذا المجال وححاول افيدك ان شاءالله بس قوليلي أسئلتك وانا اجاوبك ياحبيبتي ... وماتزعليش اول ماتردي حرد عليكي على طول ان شاءالله

[روب الصافي]

رد على حضانة الطفل

اذا كنت راغبة في ذلك فلا باس على ان يكون الشخص اهلا للثقة من قبلك
كي تأمني على طفلك
او ان يكون المكان ثقة بحيث لا تقلقي على طفلك

[Bosy]

شكرا على ردكما زرقاء اليمامة وروب الصافى

بس انا عايزة اعرف اية مواصفات المكان اللى افتحة حضانة ويكون مناسب واية الحاجات اللى اجهزها بيها وتكون مهمة واية السعر المناسب والمرتبات المناسبة بالنسبة للمشرفات والدادت
يعنى عايزة اعرف ابدأ ازاى من غير وقوع خسائر كبيرة واكون تاجحة علما بانى هاخذ ولادى الاتنين معاى طبعا الحضانة زيهم زى باقى الاطفال
اوعو تسيبونى من غير ما تردوا عليا ارجوكم بسرعة
مع الشكر على اهتمامكم بالموضوع

[زرقاءاليمامه]

شوفي يابوسي ... جاوبت اهو خخخخخخخخخخخ

بصي انا حقولك المختصر واي سؤال انا حاضرة ... الروضة بمواصفاتها المثالية لازم تكون مبني مرفق به حديقه او ساحة للعب الاطفال .. لان الروضة بدون ساحة مضرة بالطفل ولا تعطي له الحرية الكاملة ..
اما عن المبني فطبعا يفضل يكون من دور واحد او دورين على الاكثر لان المبني المنخفض محبب للطفل بشكل خاص بعكس المبني العالي فهو مقبض للطفل وبعيد عن نفسه ...
في ساحة الروضة ضعي مرجيحتين وكام لعبة للاطفال مع وضع كراسي صغيرة ثابته لجلوس الاطفال عليها ..
نيجي للمبني نفسه يعني بيكون مقسم فصول ودورة مياة مناسبة للأطفال وحجم جسمهم ومطبخ لزوم الطعام وتعليم الاطفال على ادوات المطبخ يعني مطبخ مبسط ولا تنسي ان يكون سقف الغرف منخفض وليس عالي حتى لا يشعر الاطفال بالرهبة .. وكل فصل قسميه لأركان حسب حجمه (( طبعا ده شغل المعلمات )) اما عن الاركان فبيكون فيه ركن للقصه وركن للأشغال اليدوية والفنيه وركن الالعاب وركن العلوم والتجارب العلمية وركن الدمى والفك والتركيب وطبعا لوحات عند كل ركن توحي بوظيفه الركن ... وكراسي صغيرة وترابيزات ولكن على شكل دائري لان المربع او المستطيل خطر على الطفل وطبعا ترابيزة للمعلمة وكرسي كبير .. وهذا في كل فصل

اما عن المرتبات يعني بتكون بالاتفاق مع المعلمات وابدأي بمرتب يناسبك ومع اشتهار الروضة زودي مرتبات المعلمات والدادات وطبعا مرتبات المعلمات بيكون اكبر من الدادات ...

امممممم مش فاكرة حاجه معينة دلوقتي تانيه بس لو في اي سؤال قوليلي وانا اجاوبك ان شاءالله

[Bosy]

حبيبتى زرقاء اليمامة مشكورة جدا على ردك واهتمامك
ولكن انا عايزة افتح حضانة على اد الحال فى البداية يعنى لو حاجة بحديقة هيكون ايجارها عالى فى البداية انا هبدأ بشقة ايجار جديد للتجربة فى الاول وادعولى ونبى ربنا يوفقنى ويسهلى الحال ويفتحها علية قولو اميننننننننننننننننننننننننننننننننننننن

[ياسمينة ..]

السلام عليكم و رحمة الله،

هنا في البلاد ذات الجو البارد، يستبدلون الحديقة بصالة الشقة الكبيرة، يعني يضعون فيها الألعاب الكبيرة ( مثل المرجوحة و السيارات و غيرها) إضافة إلى جهاز فيديو تعرض فيه برامج الأطفال، و تكون الشقة عادة في الطابق الأرضي أو الأول.

يخصص ركن صغير أو صندوق لكل طفل، يلصق عليه إسمه و توضع فيه حاجياته ( من معطف و غير ذلك)

حضانة إبني فيها نظامين : نظام ساعات و نظام دوام كامل.

يقدمون وجبة غذائية كل ساعتين تقريبا ( وجبة رئيسية ثم سناك بالتناوب)

يقومون باصطحاب الأطفال للحمام ( أو التغيير لهم) بعد كل وجبة. و على كل طفل يستعمل "الحفاضات" أن يحضر مجموعة منها عند تسجيله، توضع في الصندوق المخصص له.

يقسم اليوم لوقت حر و نشاط جماعي. في الوقت الحر يلعب الأطفال بما يشاؤون من الألعاب المنوعة. أما النشاط الجماعي فيكون عبارة عن تركيب مكعبات أو بازل أو تلوين أو أشغال....

إبدئي بالإعلان عن إفتتاحها بين معارفك أولا، و سوف تندهشين لسرعة إنتشار خبر الإفتتاح ( خاصة بعد البدء فعليا )، و بوضع يافطة ظاهرة مكان الحضانة إن أمكن.

أسأل الله لكِ التوفيق

[Bosy]

ياسمينة الشام مشكورة جدا وجزاك اللة كل الخير على اهتمامك وردك
ولكن اين رد باقى الاعضاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟