اريد برنامج للأم الزائرة قبل هذا الثلاثاء

[سيدة]

السلام عليكم ورحمة الله وبركاته
في مدرسة ابني جاء علي دور الأم الزائرة حيث ازور فصل ابني لمدة ساعة اقضيها مع الأطفال ومعي هدية اود افادتي ماذا افعل معهم من برنامج البعض يحكي قصة او نصيحة ارجوكن افيدنني .

[سـلامات]

و عليكم السلام ورحمة الله و بركاته
ممكن تختاري موضوع مثلا بر الوالدين أو حب الرسول صلى الله عليه وسلم
خذي معك كاسيت أو سي دي عليه نشيد يخص موضوعك و بعدها تحكي لهم حكاية تتعلق بالموضوع و تقولي لهم نصيحة مثلا لا نرفع صوتنا فوق صوت والدينا أو الإكثار من الصلاة على النبي و هكذا

لو حضرتني فكرة أخرى سأكتبها لك إن شاء الله

[أم ألوفي]

ياسلام لقيت وحده معاي
يالله يابنات أنا وسيده نستنى أفكاركم الحلوه
وصراحه ودي أفرح بنتي بشي جديد أعمله لصاحباتها
يعني كل الأمهات حكو قصص وأشياء تقليديه
أنا محتاره وعندي أفكار لكن ماأدري الوقت يكفي ولالأ
والمكان يسمح ولالأ
معليش ياسيده أحس دخلت ولاأفدتك
لكني محتاره مثلك وفرحت إن في أحد معاي
الا على فكره انت من وين ؟
شكلنا بنتقابل يوم الثلاثاء!!!!!!!!
الله يعينا ويفتح علينا

[إيمان علي]

وعليكم السلام سيدة

أول شيء فكري بما تبرعين عادة؟ هل أنت قاصة جيدة؟ هل عندك ألعاب جديدة؟ هل لديك موهبة في الفنون؟ هل تحبين العلوم؟ وإجابتك ستحدد لك المجال.. لدينا أمهات طبيبات، فيأتين بكل ما يخص الطفل يعلمنهم ويعطونهم ما يفيد؟ مثلاً أم طبيبة أسنان، تأتي ومعها أوراق للتلوين تخص العناية بالأسنان، ومعها فرش أسنان ومعجون وكل ما يهم الطفل، وتشرح لهم عن الأسنان وأهمية العناية بها.

[سيدة]

السلام عليكم ورحمة الله وبركاته
سلامات الله يسلمك فكرة طيبة انا عندي كتاب به قصص وآداب شيء عن الضيوف وشيء عن دخول المنزل وشيء عن الجيران وشيء عن الحواس الخمسة كلها مفيدة ما ادري هل ينفع اقولها كلها لأنها قصيرة نوعا ما ! ام الأفضل ان اخصص شيء واحد؟ بس احس الوقت اكثر من اني اخصص موضوع لأن المواضيع التي في بالي قصيرة طيب وباقي الوقت ؟
اقول لكم انا فكرت في ايه فكرت في الحواس الخمسة ....راح انشد لهم انشودة الحواس الخمسة ( الله يثبتني قدام المدرسة ) ثم اتناقش معهم فيها واجيب لهم ملح مطحون وسكر مطحون واخليهم يذوقوا ويلاحظو الفرق
كمان اجيب شيء بارد وشيء ساخن حتى يلاحظوا بالمس .....ايش بقي بقي الشم مين عندها فكرة امممم عطر ريحته حلوة ...وشيء ريحته مش حلوة ايش تقترحوا ؟
وبالنسبة للنظر ماذا تقترحن ان افعل ؟ بانتظاركن
ام الوفي مرحبا لو شفت وحدة هناك راح اجي اتفرج عليك ههههههه
ايمان علي مرحبا انا احب اللعب وراح العب معهم لعبة الحروف التي من بريد المعلم بس مش عارفة كيف اربط بين الموضوعات المختلفة ؟

[سيدة]

اين البقية ؟

[أسماء زكي الدين]

أهلا سيدة ...


فكرة ظريفة .. الأم الزائرة ...

مدرستنا ما بتقوم بمثل تلك المبادرات .. لكنني أقوم بذلك ...



ممكن يشموا وردة (ريحتها حلوة) وفيه أنواع ورد ريحته (أعوذ بالله) ...

وممكن تشمميهم ريحة وردة ,,, أو شيء ما له ريحة ...

ممكن تاخذي معك الوجوه اللي بتنلبس في اليد وتعملي لهم مسرحية ...

راح أفكر في شيء وأعود لكي.

[حمرة الورد]

لو جاتني أم ايش أخليها تسوي ؟؟

راح أعطيها منهج اليوم تخلصه

احس يختلف الوضع من طفل لطفل .. مثلاً لو رحت فصل معاذ وميس راح أحكي كيف معاذ وميس كانوا وكسف صاروا واخد معايا صور واشرطة فديو وملابس صغيرة..

وممكن اخد معايا شوية من شنطة الحلاق حقتي واسوي لهم شي يعجبهم (اعمال يدوية) .. اقرب شي في بالي دحين كيف تسوي لهم مقلمة تحتاجي :
علبة صلصة فاضية .. (لو تكون علبة ذرة احسن)
اعواد بوظة.
ألوان وصمغ ..

الطريقة نظمي اعواد الخشب جنب بعض وارسمي عليها ودعي الطفل يزخرفها زي مايحب ..

ضعي الصمغ على العلبة ثم رتبي الاعواد عليها زي (البزل ) او لعبة التركيب..

ممكن نصنع 3 او 4 كبار لكل الصف يتشاركو فيها خاصة لو كانت طاولاتهم جماعية ..

ممكن اخد لهم اكلة واقولهم مكوناتها وكيف انه فيها بروتين وكربوهيدرات ............الخ

ممكن اتكلم عن اعادة التصنيع والاستفادة من الخامات المهملة طبعاً المقلمة عمل يساعد ..

ممكن اتكلم عن دورة الماء في الطبيعة واخد معايا حوضزجاجي بغطا ولمبة وتراب وموية ..

حطي التراب في الحوض وصبي عليه الموية وغطيه بعدين حطي اللمبة فوق الغطا .. وراح تتبخر الموية من التراب وتتكثف على الغطا وتنزل على شكل قطرات ..بس اظن تحتاج وقت ..

ان شاء الله اكون افدتك وماقعدت بربرت وكترت عليك كلام

[أسماء زكي الدين]

الله يهديك يا حمرة الورد .... ... أنت راح تنتقمي من الأم؟؟!!


أعجبتني فكرة الملابس الصغيرة والصور ...



سيدة .. ممكن تعملي معهم أشغال يدوية

قشور بيض مغسولة ومجففة ...

ورق مقوى وارسمي عليه سمك

صمغ

ألوان مائية

أملأئي فراغ جسم السمكة بالصمغ ما عدا الرأس

دعيهم يضعون قشر البيض عليها بحيث تكون الجزء الخارجي للبيضة للخارج

يضغطوا عليها

راح ... تكتكتكتكتكتكتككككككككككككك

تتكسر وتلتصق بالصمغ


ثم يلونوها ويبدعون في التلوين وخلاص صار سمكه .....



إذا عندك حيوان أليف في البيت .. قطة أو سمك زينة أو عصفور ... أو حتى أرنب .. خذيه.

أحكي لهم عنه ..
عن اسمه ... عن شكله ... طريقة حياته .. أكله ... ودعيهم يطعموه ويلمسوه

والله يعينه عليهم ....


يا ريت المدرسة عندنا تطبق هذا النظام لتخلق جوا بين الأمهات والأطفال. هم ليس لديهم مانع لكن على الم أن تطلب وأنا ليبس لدي مانع أن أطلب ...


تخيلي فكرة راح أروح لكن أجهز حالي أولا ...

[سيدة]

يا هلا القلوب عند بعضها قبل لا افتح الصفحة وانا في بالي ام معاذ وحمرة الورد لا ومتوعدتهم لو ما شفتهم بس الحمد ربي سلم
الله يا حمرة الورد عجبتني فكرة الأكلة ودورة الماء في الطبيعة هما كفاية يشوفوا البخار من كاسة شاي وانا اسألهم البخار رايح على فين شكلي حاوصيهم على كاسة شاي والغلاية معاها !

اسماء زكي الدين فكرة العصفور هايلة وحتصير حكاية في المدرسة كلها عندي بغبغاوين واحد ذكر والآخر انثى راح اوريهم الفرق وعندي كمان كتاب اممممم بس استاذن من المدرسة اذا كان مسموح او لا وربنا يسهل

الف شكر للجميع وجزاكن الله خيرا ومازال هناك وقت لأبداء الأفكار الى يوم غد الساعة العاشرة والنصف

[أم ألوفي]

الله يجزاكم خير أفكاركم كلها حلوه
فكرة الحيوان الأليف عجبتني بس ماعندي وأنا أخاف من كل الحيوانات!
أنصحك ياسيده بالبغبغاء لأنها فكره خطيره
وفكرة الماء في الطبيعه قريبه من دورة الكهرباء اللي في بالي
بس ياريت تذكروني كيف أصنعها لأني نسيت!
لمبه+بطاريه+حديده للتوصيل وووو أدركوني
ومشكوووووووووووووووووووووورين

[سيدة]

وأسلاك توصيل يا ام الوفي
جاتني فكرة بس ما رح الحق اطبقها يمكن تنفعك ، وهي احضار حليب طازج من المزرعة ووضعه في زجاجات صغيرة يقوم الأطفال برجها لمدة خمس دقائق فيتحول الى زبدة او قشدة فيتعلمون كيف ان الحليب نشتق منه الزبدة ولدي فكرة اخرى وهي احضار كاسين بهما ماء اضيفي الى احداهما كثيرا من الملح ثم ضعي في كل كاس بيضة واساليهم ماذا جرى
سيشاهدون البيضة تطفو في محلول الملح والأخرى لا تطفو ! عاد التفسير مش فاكراه بس اذا حتطبقي الفكرة ممكن ابحث لك بسرعة .
فكرة اخرى ما ادري اذا تناسب او لا وهي كاس نضع فيه ماء ثم زيت( مستعمل ومصفى ) ثم شراب مركز فتتكون ثلاث طبقات والتفسير انت وشطارتك .

طيب بنات كيف نبدا الحلسة وكيف نمهد وكيف نربط بين عدة مواضيع حاسة اني ملخبطة
اسعفوووووووووووووووونا

[البشرى]

اذا عندك مجلة بريد المعلم العدد الي فيه قصة البروتين
((البروتين وصل افتح ياعضل)) روووعة
وحاطين لك في المجلة كل الالعاب والافكار الي تخص هذا الموضوع
انا ان شاء الله راح انزله في الركن

[البشرى]

يبدوا اننا ردينا بنفس الوقت
انصحك ياسيدة تبدءي بعفوية
تجمعينهم حوليك كاحلقة (اذا المكان يسمح )
وابدأي وخلي بين الفقرات اناشيد خفيفة يحفظونها

[حمرة الورد]

أم معاذ .. شفتي كيف .. ترى راح اريحها بدل ماتبحث وتدور عن برنامج ..

سيدة تذكرت شي تحفففففففففة .. لما اعطيت الاطفال حرف (ق) فتحت لهم نشيد القمر .. قام ولد قعد يرقص .. وبدأوا اليي جنبه يرقصوا ..

خليت النشيد يخلص ولا شغلته تاني ..مع اني كنت ناوية اخليه طول الحصة ..