ممكن تساعدوني

[منتقبة سكندرية وافتخر]

ازيكم يا بنات

انا بس عندي سؤالين:

الدكتور لما بنتي كملت خمس شهور ونص قالي ابطل اضرب الخضار في الخلاط واهرسهولها بالشوكة وفعلا بدأت أعمل كده بس أول ما بدات أعمل كده كانت مش بتاكل أكلها كله فماما مصممه اني أرجع اعملهولها تاني في الخلاط على الرغم من انها كملت دلوقتي خلاص حتكمل سبع شهور وانا شايفه انها بدات تاكل كويس وعشان احنا زودنا شعريه على الخضار فكميته زادت وهيا بدات تتعود على وجود حتت في الخضار رأيكم ايه اسمع كلام ماما ولا خليني ماشية مع الدكتور وكلامه؟؟؟؟

السؤال التاني هو في سن كام الطفل يرضع مره واحده بس من أمه واللي هيا بالليل قبل النوم؟؟؟؟

[منطقية ولكن]

و الله الاطفال كل ما تعودو على شوية حتت مثل ما تفضلتي
بالاكل كل ما كان احسن لانه مشكلة اذا تعودو على الاكل المهروس
بالخلاط السائل لاني لقيت مشكلة كبيرة صراحة مع بنتي عمرها حاليا
سنةو 8 شهور و ما تعرف تمضغ مع انه ماشاء الله طلعت لها كل الاضراس
احس انها على طول ترجع اذا عطيتها قطعة دجاج صغيرة او حتى كفتة
و السبب اكيد نفس الموضوع اللي تسالين عنه من رايي تهرسين الخضار
بالشوكة بعد نضجها جيدا و تطعمينها شوي شوي
بالنسبة للرضاعة انتي ممكن تعطينها المرضعة خلال النهار او تقدمين الحليب
في كاس و تشربيها شوية شوية عشان تتعود على الكاس كمان او المرضعة اريح
و من ثم تعطينها رضعة واحدة طبيعية بالليل
لكن انتبهي فهذا معناه بداية الفطام يعني اذا كنت ناوية تفطمينها و اذا مش ناوية فاعطيها متى ما احتاجت
و الفطام يبدا بعد السنة الاولى او على حسب الام

[azmiralda000]

يعنى بقى لها حوالى شهر بتاكل قطع يبقى طبعا ما ترجعيش للخلاط
خلاص هى الحمدلله اتعودت و كده احسن لها
اما حكاية رضعة واحدة دى حسب ترتيباتك انتى و هى
بس بيتهيالى هى لسا صغيرة شوية على رضعة واحدة
انا ابنى سنةو 3 شهور و طول النهار مش بيرضع انما ياخد شفطة كده منى و يمشى تانى هههههههه
اه و الللهى كانه بيشرب بيبسى مثلا
ربنا يخليها و يحفظها

[lanazn]

حسب رأيي .. اعطيها الخضار مهروسة بالشوكة.. بس ادا حسيتي انها مش رح تخلص الوجبة كلها فافرميها بالخلاط حتى تكمل وجبتها.. هيك بتكوني عم تعوديها تمضغ الطعام وبنفس الوقت بتتأكدي انها اخدت الوجبة كاملة.

بالنسبة للرضاعة بس بالليل: انا بديت مع بنتي وهي بشهرها التامن انه ارضعها بس بالليل.. بس هدا خلاها تفطم بسرعة... لانها صارت مرات تنام قبل رضعتها.. وبالتالي خف الحليب عندي... وفطمت عال9 شهور.

[*YSmsma*]

طبعا كده افضل

انا لسه اول يوم النهارده ابدأ اهرس الاكل لابنى وطبعا كده انا متاخرة ولولا

خالتى قالتلى كنت فضلت اضربه

فالهرس افضل علشان تتعود

[ورده مصريه]

انا من رأى الدكتور يا اميره انا كنمت بهرس لبنتى الأكل وبدخل الشعريه برضه ومع الوقت هتتعود ولو اتعودت على الأكل اللى فى الخلاط هتفضل كده لمده كبيره ابن اخويا حصله كده وجنن والدته فى اكله فبلاش مع احترامى لوالدتك ورأيها بس خليكى مع الدكتور وكلامى ده عن تجربه ناجحه ميه فى الميه
اما عن سؤالك التانى معلش انا رضعت صناعى يمكن اخت من الأخوات يساعدوكى

[سَوَدة المسلمة]

لسه يا أميرة بنتك 5 شهور والطفل بيبدأ عملية المضغ على سن 6 شهور اصلا فيه دكاترة بتبدأ الأكل الصلب لما الطفل اتم 6 شهور علشان كده
لو لاحظتي حتلاقيها بتاخد الملعقة علشان تمصها مش تمضغ اللي فيها

[منتقبة سكندرية وافتخر]

لسه يا أميرة بنتك 5 شهور والطفل بيبدأ عملية المضغ على سن 6 شهور اصلا فيه دكاترة بتبدأ الأكل الصلب لما الطفل اتم 6 شهور علشان كده
لو لاحظتي حتلاقيها بتاخد الملعقة علشان تمصها مش تمضغ اللي فيها

انا بنتي كلها يومين وحتكمل 7 شهور مش 5

[- بنت الأحرار -]

يا حبي خلاص تعود
قولي لماما تعود
إلا إذا كان برجع ومش متعود وماما مش شايفه انه كثير صار كويس
اكيد في شيء
جعل امك تقولك اهرسيه

بس لو ما في شيء
طبعا لا ترجعي للوراء

[نسائم حائره]

حبيبتي الاطفال محتاجين الالياف اللي في الاكل لما نبضرب الاكل فيى الخلاط بياكلو احسن بس مش بيستفيدو بالالياف

داومي بالصبر حتتعود

[ام سهيل]

البنات ماقصروا معاك
وربي يحميها لك.

[صاحبة البيت]

الأكل المهروس
يجعل الطفل يعتمد على البلع وعندما تبدئين فى أضافة القطع لا يستطيع بلعها فيضطر لأخراجها من فمه
ولذلك لابد من هرس الأكل بالشوكة حتى تظل به قطع صغيرة جدا ويتعود على المضغ
وعند تحضير الطعام حاولى أضافة الخضار ألى نشويات
مثل الأرز والجزر........كى لا يكون الأكل خالى من السوائل التى تساعد على البلع