- قال صلى الله عليه وسلم : (( مامن أيَّامٍ العملُ الصَّالحُ فيها أحبُّ إلى اللَّهِ من هذِهِ الأيَّام يعني أيَّامَ العشرِ ، قالوا : يا رسولَ اللَّهِ ، ولا الجِهادُ في سبيلِ اللَّهِ ؟ قالَ : ولا الجِهادُ في سبيلِ اللَّهِ ، إلَّا رَجلٌ خرجَ بنفسِهِ ومالِهِ ، فلم يرجِعْ من ذلِكَ بشيءٍ)) الراوي: عبدالله بن عباس المحدث: الألباني - المصدر: صحيح الترمذي - الصفحة أو الرقم: 757 خلاصة حكم المحدث: صحيح
( لازم غاليتي : تبلشي بقراءة الرسائل من تحت , لإنه الرسالة رفضت تنبعت غير على أقسااااط , لإنها طويلة , فجاءت مرتبة من الأسفل للأعلى )
و خالي بالخبر و خالتي بالدمام : كان بدهن ياني : أعملهن زيارة و أنا كنت ناوية , و لكن : لم تسمح مشيئة الله انقسامي هون بين بيت أخي و بيت أختي : أخد كل وقتي و كل ما بروح من بيت أخي على بيت أختي : ابنه بيزعل و بدو ياني ضل عندو و كل ما بروح من بيت أختي : على بيت أخي , الولاد بيزعلوا و بدن ياني ضل عندن و بيعاتبوني على طول : قال نمت ببيت خالهن أكتر ما نمت عندهن لما منطلع مشوار : بيتخانقوا مين بدو يقعد جنبي , لإني بقعد عالشباك , و بيضل جنبي مكان واحد بيتخانقوا عليه الأولاد . مشكوووورة مرة تانية غاليتي على ذوقك و لطفك و سامحيني على رسالتي الطويلة و يااااااا ريت تطمنيني على بنوتك كيف صارت هلأ ؟؟؟؟ ان شالله في تحسن ؟؟؟؟؟ الله يعافيلك ياها دعيتلها , و أنا عم طوف حول الكعبة ليلة القدر سبحان الله : رغم الزحام الشديد ليلتها , و لكن حسيت بسعادة مو قادرة أوصفها و دعيت للبنوتة كمان : عند النبي عليه الصلاة و السلام لما فتت عالروضة الشريفة أرجو من الله تعالى القبول إنه سميع مجيب . و السلام عليكم و رحمة الله
الحمد لله : أنا بخير و منيحة و انسريت كتير كتير بشوفة الكعبة , و ما شبعت من شوفتها و انسريت بزيارة النبي عليه الصلاة و السلام و انسريت بشوفة : أخي و أختي هون و خاصة بشوفة أولادهم و اتفسحت و اشتريت أغراض كتير و الحمد لله بس بدك الحقيقة : مشتهية : إطلع إمشي بالشارع و إطلع بالمواصلات , أنا متعودة : بسورية : بطلع على شغلي و عالسوق و بروح مشاوير و بطلع من البيت لحالي و بروح و بجي , هون اتقيدت , وبدك الحقيقة : عم إتلبك كتير بلبس العباية السودا الطويلة , مو متعودة عليها , خخخخخخخخخ
الأربعاء قبل الماضي : حجزلي بالطيارة على المدينة المنورة و استقبلوني عيلة قرايبينا من بلدتنا ( أخي كان بالمدينة بالأصل و نقل شغله عالرياض من سنة و نص تقريبآ ) زرت النبي عليه الصلاة و السلام و ارجعت بالطيارة عالرياض يوم الجمعة بالليل ( مو مبارح : اللي قبله ) يعني : قعدت بالمدينة حوالي يومين و نص نمت ليلتين أنا هلأ ببيت أختي و راح إرجع بمشيئة المولى على بيت أخي بمنتصف الأسبوع و ضل لعندو ليصير موعد سفري كان المفروض : إني إرجع على سورية الأسبوع الماضي و ماما تجي بعدي بأسبوع و تضل لوقت الحج و تحضر ولادة مرت أخي و لكن : ماما هلأ : رفضت القدوم : بسبب الأوضاع المستجدة بسورية و كمان مشان المريض , بصراحة : أخي تعبان , الله يكرمه بالشفاء
و عليكم السلام و رحمة الله و بركاته ان شالله بتسلميلي يا غالية و الله كلك ذوووق حبيبة قلبي أنا لسه موجودة بالرياض و لكن : راح يطق قلبي على ما إرجع على سورية كان المفروض إني سافر الأسبوع الماضي و لكن : أجلت سفري لمدة أسبوعين طيارتي بمشيئة المولى عزوجل الأسبوع القادم , و المفروض إنها متوجهة إلى مطار دمشق الدولي و لكن : إذا صار شي للمطار لا سمح الله , راح أحجز على السعودية لبيروت . أجلت سفري , تحت إلحاح من الموجودين هون و بسبب رغبتي بزيارة النبي عليه الصلاة و السلام اعملت عمرة برمضان : ليلة القدر أخدني أخي بالسيارة من الرياض على مكة و اعملنا العمرة , و كنت بدي أحضر ختم القرآن و لكن : الإعلان عن التماس هلال العيد ليلة الثلاثاء و احتمال أن يكون العيد يوم الأربعاء خلانا نرجع بسرعة لأن أخي كان لسه مو مأدي زكاة الفطر و تارك مرته الحامل و ابنه بالبيت
صباحك ورد و فل يا غالية : عم حاول رد على رسالتك الخاصة : كل ما كبست أضف رسالة : الإرسال بيفشل و بيحطلي هالرسالة : Separate multiple user names with a semi-colon ما بعرف ليش ؟؟؟؟؟؟ مشان هيك :راح رد عليكي هون
كل عام وأنتِ بخير تقبل الله طاعتكِ واسأل الله أن تكوني ممن شملهم بعفوه ومغفرته
آآآآآمين يا رب العالمين تسلميي غاليتي على دعواتك الحلوة و أنا من عندي : أطلب من الله و أدعوه أن يمن بالعافية و الشفاء على ابنتك و أخي و كل مرضى المسلمين إنه سميع مجيب
