ღ♥ღ زيارة مطبخ(3)ღ♥ღ

[حنان(البحرين)]

عزيزاتنا ستكون زيارتنا لمطبخ عضوه تألقت بمطبخ لكِ بماقدمته
لنا من أطباق رائعه من بلد الأرز(لبنان) فلقد أثرت المنتدى بها
ولقد منحتها الغاليه وعود الخير لقب
متألقة مطبخ لكِ وقد أستحقت هذا اللقب بجداره لما قدمته لنا بفتره وجيزه
ومن مواضيعها



شعار₪موضوع متميز₪ ملف لبنــــــــــــــان الخاص بالأطباق الرئيسية!!!

●•° موضوع متميز°•● ملــــــــف لبنـــــــان الخــــاص بالحلويــــات المصـــــورة!!!

>oملف متميزo< ملف لبنان الأول بالمواضيع المصورة >oo<

** ملف مميز ** سندويشات..بيتزا..معجنات..كلهم في موضوع واحد من لبنان بالصورة




فهيا بنا نقوم بزيارة مطبخ الغاليه لبنان وحبايبه
لنتعرف عن كثب عن الأطباق اللبنانيه الرائعه واللذيذه

[ragod]

ألف ....ألف.....ألف......مبروووووووووووك
والله بتستاهلي يا أحلى لبنان
ماشاءالله عليك ابداع...فن..و اتقان

ان شاءالله من الفائزات بالدنيا و الآخرة******

[زوجة الاشقر]

تستاهل العسل كل الخير حبيبة قلبي لبنان جميع اطباقها بمنتهى الروووعة كسبت رضا جميع عضوات المنتدى لها ودي واحترامي مشكورة ياغلى حنان بالمنتدى على المجهود اللي تبذلية......

[cliopatra]

السلام عليكم ورحمة الله وبركاته
الف مليون مبرووووووووووووووووووووووووووووووووك
تستاهلي اللقب

[الفتاة النرجسية]

لك كل الشكر على المجهود أختي (حنان البحرين )..
والأخت لبنان وحبايبه ..بتستاهل كل خير ,شو بتشهي أطباقها ..
دمتم بكل الود...

[لبنان وحبايبه]

السلام عليكم يا صبايا...

نورتوني والله وأهلاً وسهلا فيكم..

هلا بكل استفساراتكم...نستفيد ونتسلى..

وباقة ورد لحنون الغالية

وأنا محتارة شو قدملكم....

شوية مقبلات قبل الرئيسي

على شوية حلويات بعد الأكل

يا سلاااااااام

ورق عنب بالزيت (يلنجي)

لما يريدوا يعلموا واحدة الورق عنب عنا بلبنان بيقولولها "نفس مقادير التبولة يعني كانك بتعملي تبولة بس بدل البرغل ضيفي رز..وأنا أوقات بخليها ببرغل ولذيذة كتير)

المقادير

ورق عنب (إذا لم يتوفر لأخضر الطازج أنا بجيب مراطبين العلالي الباب الأول
بقدونس مفروم ناعم
بصلة مفرومة ناعم
بندورة مفرومة
سبع بهارات
رز مغسول
نعنع ناشف
بطاطا دوائر
جزر أنصاف طولية
عصير الليمون]
ملح

الطريقة
نخلط كل المقادير ما عدا البطاطا والجزر..]
نجهز طنجرة ونرص بكعبها البطاطا والجزر ثم نبدأ بلف الورق ورصه فوق البطاطا والجزر..]
نغمر الورق بالماء المملح مع غضافة عصير ليمون كمان (الأكلة هذه طيابتها بحمضها) ونتقله بصحن ونشعل النار القوية تحته..
لما يبدوا بالغلي نجعل النار هادئة ونتركه ساعة..

وبألف عافية]

[center][FONT=Tahoma][right]

صينية المعكرونة بالخضار والدجاج مع صوص الجبنة

المقادير والطريقة

نسلق معكرونة ونسلق كوب من كل من التالي (بازيلا - جزر - ذرة )

نضيف علبة فطر وصدور دجاج مسلوقة ومقطعة ونخلط الجميع ونضعهم بالصينية

نحضر الصوص متل البيشاميل بس أخف سماكة ودسامة يعني أنا بحضرها بطريقتي الخاصة :

ناخذ م ك زبدة و2 م ك زيت ونضيف إليهم 3 م ك طحين ثم نضيف ليتر حليب سائل خفيف الدسم ونحرك حتى يشتد ...انا لا أحب البيشاميل السميكة لذا اتركها بسماكة الكريمة الثقيلة..يلي يحب أكتر سماكة يضيف أكتر طحين..

نضيف مربع مرق ماجي دجاج وبهار ابيض وجوزة الطيب وملح..بعد الغلي نضيف صفار بيض ونحرك بسرعة كي لا تتكتل وفي النهاية نضيف كوب جبنة موزاريلا...

نضع الصوص فوق خليط المعكرونة على هذا الشكل

نرش فوقهم جبنة موزاريلا

نخبزها بالفرن

وبالهنا..

كانيللوني بالسبانخ والفيلادلفيا

المقادير

علبة كانيلوني
سبانخ مثلج
علبة فيلادلفيا حجم عائلي
فلفل أسود
ملح (مو كتير لأن الجبنة مالحة)
بصلة مفرومة
زيت زيتون
بندورة مهروسة
صلصة بيشاميل

الطريقة

نجهز الكانيللوني ونسلقها كما إرشادات العلبة..

في مقلاية كبيرة نضع زيت زيتون ونقلب البصلة المفرومة، نضيف السبانخ ولما يذوب الثلج عنه نضيف الجبنة..

نقلب جيداً ونضيف الفلفل الأسود المطحون وملح إذا بحاجة..

نتركهم يغلوا مع بعض حتى ينشف الماء يلي بينزل من السبانخ..

في صينية نضع في القعر البندورة المهروسة ونحشي الكانيللوني ونرصها فوق البندورة..

نحضر البيشاميل ونسكبها فوق الكانيللوني لنشكل طبقة ثالثة..
[
نخبز بالفرن إلى ان يحمر الوجه..

دجاج بالسماق والليمون مشوي بالفرن

المقادير

دجاج مقطع – أنا جبت فقط قطع دجاج يلي منحبها بالبيت (فخد وصدورة) ونزعت الجلد..

كمية كبيرة من البصل الكبير المقطع دوائر عريضة شوي..

سماق كمان كمية منيحة..

ليمون حامض مغسول ومقطع بقشره إلى دوائر عريضة..

سبع بهارات

ملح

فلفل اسود

شوية إكليل الجبل

Worcestershire sauceهذه الصوص موجودة في كا السوبرماركت..

2فص ثوم مفروم

زيت زيتون

أوراق غار

الطريقة

نضع في الصينية الدجاج والثوم والبصل والليمون المقطعين ونضيف لهم السماق وم.ك. زيت زيتون..

أيضاً البهارات والملح وورق الغار واكليل الجبل والصوص..

ندعك الكل جيداً مع بعضهم ثم نرش عليهم من فوق زيت زيتون وندخلهم الفرن بعد تغطيتم بالألومنيوم..

بعد ساعة نكشف الألومنيوم ونخبز إلى أن يستووا وياخدو لون..

وبالهنا..

نخبزه بالفرن ونحمر الوجه وصحتين..

[center]المفتّقة
هذه من الحلوى اللبنانية المميزة واللذيذة..بعرف أن أغلبيتكم مش سامع فيها...ستاتنا هن الشاطرات فيها...بالهن طويل أكتر منا نحنا الجيل الجديد...وطعمها جناااااااااااااااااااااااااان
المقادير
كوب رز قصير مغسول جيداً ومنقوع بماء دافىء
2 كوب إلا ربع سكر
كوب طحينة
أقل من ربع ملعقة صغيرة قرفة
كوب ماء
4 ملعقة كبيرة عقدة صفراء (كركم)
2 ونصف كوب ماء
ربع كوب صنوبر
ملاحظة: هذه الكمية تكفي لعمل صحنين كبار (كما في الصور أسفل) يعني هي كمية ليست بقليلة.
الطريقة
نضع الرز المنقوع والمصفى مع الماء والكركم في طنجرة ولما يغلوا نتركهم على نار هادئة مع التحريك بملعقة خشبية من وقت لآخر كي لا يلتصق الرز..
بعد حوالي 40 دقيقة أو لما تشوفي ان الماء نشفت تضيفي المكونات الباقية كلها ما عدا الصنوبر ونقلب جيداً ونخلط بطريقة الضرب - ودائماً بملعقة خشبية - ثم نتركهم على نار خفيفة جداً لحد ما يصير الخليط كتلة واحدة يعني حوالي 2 ساعة .. ما تخافي..مش لازم توقفي كل الوقت بس من وقت لوقت تعالي واضربيهم شوي
لما يصيروا كتلة واحدة سوف تلاحظي أن زيت الطحينة (السيرج) فصل عن الخلطة - انفتق عنها - عندها تضيفي الصنوبر وتخلطي جيداً ثم تسكبيهم بالصحون متل الصورة..
وبالهنا والعافية....

تحياتي

[لبنان وحبايبه]

هلا بريحة الحبايب....حبيبتي يا رغود مشكورة ست الكل على المرور وهذا بس من ذوقك..



يا هلا بالغلا أهلين بزوجة الأشقر وتسلميلي حبيبتي...
ما شاء الله المنتدى مليان فنانات وأكيد انت منهم والحمدلله كلنا عم نستفيد من بعضنا..
أسعدني مرورك غاليتي..



تسلمي يا عمري ومشكورة

...

انت يلي تستاهلي كل خير حبيبتي مشكورة

[lone~ly]

بلبل يا عينى على ما احلانى

مهما حكينا ما بنوفيكى حقك يا جميل

الله يوفقك ويسعدك ويحميلك اهل بيتك
ويوفقك بشغلك
وما يحرمنى من طلتك الحلوه

[أم اليمامه]

ما شاء الله أطباقك راائعه وخاصه تعجبني لمساتك في الحلويات رائعه جدا
موفقه حبيبتي

[حنان(البحرين)]

كل الشكر لكِ يالغاليه على الضيافه الجميله وعلى باقة الورد ماشاءالله عليكِ تسلم يدكِ هذا كله وأحنا عملنا لكِ زياره فجأه لو رتبناها قبل بوقت كان ماذا عملتي لنا بيت عامر ان شاء الله دوم يالغاليه
أخبرينا يالغاليه عن الأكل اللبناني هل تختلف الأكلات من منطقه إلى منطقه مثلاٍ المناطق الجبليه بتختلف عن المناطق الساحليه مثل بيروت وصيدا وطرابلس ؟؟؟ وماهي الأكلات المشهوره لكل منطقه؟؟

[سواد العيون]

يسلموو ام ادم على هالسفره الرائعه
وجزاك خير على الاطباق اللي بتشهي
وكل الشكر لحنان البحررين على جهودهاا الرائعه

[لمحه حزن]

الله يجزاكم خير

بس كل مافتحت على رابط.. يعطيني مرفق ولما افتحه يقولي اتعبت رابط خطأ

[shahed60]

السلام عليكم ورحمة الله وبركاته

حبيبتي لبنان يعطيكي الف عافية على هالسفرة الي بتفتح النفس لا تحتاري ولا يهمك كل شي من ايدك طيب وبشهي
منا نسميكي ست المهمات الصعبة


نبدا بالاسئلة
مين علمك الطيخ او احكيلنا نبذة عن بدايات طبخك

كيف استدليتي ع موقع لك بالصدفة ام من خلال شخص

عندك طفلة ربي يخليكلك اياها هل تحضرين لها الطعام الجاهز ام تعدي لها الوجبات بنفسك اوذا كنتي تعديه بنفسك يا ريت كم طبق على زوقك ومعليش ما بدنا صور (قال يعني بساوي حالي حبابة وما بدي عزبك) من شان الفائدة مو اكتر والله

مين هي العضوة الي بتشوفي اسمها وبتفتحي ع موضوعها ساوي وانتي واثقة انو طبختها رح تكون مميزة

حاليـــــــــــــــــــــــــــــــــــــــــــاً هاي اسألتي وما خفي كان اعظم انتظريني باسئلة جديدة (هو امتحان ولا شو هههههههههه)
بكرر شكري لسفرتك الي بتشهي
والسلام

[رؤى2008]

ما شاء الله عليكي يا لبنان فعلا صفرة بتشهي الله يسلم اديك انا سؤالي :
شو اطيب اكلة عندك ؟
كم ساعة بتقدري تبقي بالمطبخ باليوم ؟
وبما اني ان شاء الله نازلة على الشام كمان شي 15 يوم ان شاء الله ممكن تزكريلي كم اكلة يكونوا على زوقك مشان ودع جوزي فيهن ههههههه
وشكرا على ردك مسبقا .

[لبنان وحبايبه]

..

الله الله شو هالكلام الحلو عند هالصبح..نيالي فيك يا أغلى لنلون..
يخليلي ياك وما يحرمني من دعواتك الحلوين حبيبتي...
شكراً لك على الشهادة الحلوة غاليتي..

..

مشكورة يا أم اليمامة حبيبة قلبي...ويسعدلي صباحك الحلو..

...

أهليييييييييييييييييييين بالحنان كله...صباح الخيرات والبركات..
انتو بتيجو باي وقت والبيت بيتكم..ان شاء الله بيوتنا كلنا عامرة بوجود أهلها يا رب..

الأكل اللبناني ممكن يختلف من منطقة للتانية ...لكن ممكن نقول ان
الأكلات بكل لبنان تقريباً تطبخ بنفس الطريقة ولكن الأكلة نفسها بتكون جاية من منطقة معينة ومشهورة فيها...

طبعاً المازة اللبنانية هي مشهورة بلبنان كله...
يعني يوم الأحد بما أنه يوم عطلة بلبنان تلاقي أغلبية العوائل
إما عاملين ببيتهم مشاوي ومازة "حمص متبل، تبولة، فتوش، بابا غنوج، بطاطا مقلية، كبة مقلية،
بطاطا حرّة ...إلخ أو بيروحوا مطاعم عشان ياكلوا هالأكلات.

ممكن قول بعض الأكلات يلي مشهورة فيها بعض المناطق..لأن عدهم كلهم عاوز نهار بحاله

راح اقول بالمناطق عموماً...يعني مثلاً صيدا هي بالجنوب يعني راح قول الجنوب والشمال و...هيك يعني بشو مشهورين..

مناطق الجنوب مشهورين باللحمة المدقوقة ...هي عبارة عن لحمة نيئة تدق
بالجرن الحجر الخاص حتى تصير متل المرهم وتقدم وبجانبها صلصة الثوم "التومية" والكمونية:عبارة عن بهارات صحيحة ومدقوقة" كمون ومردقوش ونعناع..."

مناطق الشمال مشهورة بالحلويات خاصة "حلاوة الجبن" ..

بيروت يعني الساحل وهي مدينتي طبعاً مشهورة بالمازات وأالسمك..

الطبخ موجود بكل بيت ومن أكتر الأكلات يلي تقريباً ما في عائلة ما بتطبخها على القليلة مرة بالشهر:
المجدرة - المدردرة - كوسى وورق عنب محشي مع الكستاليتا والفوارغ والكروش - صيادية السمك - كبة بالصينية - كوسى وباذنجان وفليفلة محشي - يخنة الأرنبيط - الملوخية - مقالي "سمك وباذنجان وبطاطا وأرنبيط" كلهم مقليين بجنبهم سلطة طبعاً - غراتان...

وطبعاً أغلبية الأيام أو حتى كلها لازم السلطة على السفرة وبالآخر بينهوا الغدا بالزيتون والخيار ..