ماشاء الله عليكِ أم سهيل أحسنتِ الاختيار
وألف شكر الك ياغاليه بميزان حسناتك كل حرف يارب


سوسو
اولاً اشتقتلك كتيييييييييييييييير ياقلبي وينك من زمان مافتي المسن
انشغل بالي عليكِ بجد

ثانيا يقبروا قلبي العسولات وفصلوهن وخاصه وقت بدهم يناموا
ويقعدوا يلعبوا مع بعض ويضحكوا هههههه

ان شاء الله الفرج القريب يارب
ربي يصبركم ويقويكم ياغاليه ويفرجها يارب

استمتعت باجاباتك كتيييييير حبيبتي
ربي يحميكم ياقمر وتشوفي القمرات عروسات يارب
ويرزقك برهم
بوسيلي ياهم وأمهم كتييييييييييير

ام ماهر اخت غاليه
حبيبتي ربنا يفرج عنكم يارب وينصركم يارب
حوار رائع ياقلبي ربنا يحميك اولادك يارب

ما شاء الله

لقاء راااااااااااااائع مع ضيفة أرووووووع

استمتعت جداً بقراءة ردودك الحلوة حبيبتي ام ماهر وليندا

وما شاء الله عليكِ أم واعية ومثقفة

ربي يحفظلك بناتك ياااا رب

والشكر موصول للرائعات مشرفات ركننا الحبيب

ربي يبارك فيهن

السلام عليكم

هلا هلا بالغالية ام ماهر

الله يفرجها عليكم يا غالية

ويكون التحرير قرييييييييييب

الله يحفظ لك الحلوات الصغار

عقبال ما تشوفيهم عرائس

والله يكون بعونك على التعب والتربية


تسلمي ام سهيل على المقابلة الجمييلة

كتبت بواسطة ام سهيل

بطاقتك الشخصية :

عرفينا بنفسك كأم

انا سوسية عمري26

كم طفل لديك
وماهي اعمارهم ؟

عندي بنتين توأم ماسة و نور وعمرهن سنتين وشهر




ماهي الطرق التي تعتمدي عليها في تربية اطفالك ؟

كون بناتي اول تجربة بالتربية فاعتمدت بالبداية للضرب للأسف وكان أول الاحداث فبدون شعور وبسبب الضغط النفسي الكبير صرت اضربهن
بعد حوالي شهر او شهرين حسيت على حالي وصرت حس اني بدي أخسر نفسيتهن
صرت اعتمد الحكي بالتربية
اول شي الزورة وبعدها بقلهن لأ مابصير هيك وببلش بقلها انو هاد غلط ولاتعيديها
طبعا ماسة مابستفيد معها بشي لأنها عنيدة جدااااااااا وقوية ولسا ما بتحكي فما بقدر اتفاهم معها منيح


هل تستمعي لنصائح من حولك من اهل وصديقات وجارات وتطبقيها بحذافيرها ؟

طبعا هنن بكونو جربو قبلي
بجرب وبشوف إن ناسبني بدعي للي نصحتي بظهر الغيب وبشكرها وإن مامشي الحال بحاول عدل على النصيحة بما يتناسب مع عائلتي

ام انك تمتلكي خط محدد لك ولزوجك في تربية اطفالك؟


طبعا بمتلك خط محدد كوني بعرف مثلا زوجي شو بحب وشو بيكره
وبعرف بناتي إيمتا بنامو إيمتا بياكلو
يعني في شغلات ما بقدر غيرها كونها تعتمد على نمط المنزل




ماهي اجمل اللحظات التي تكوني فيها سعيدة وانت مع اطفالك ، النوم ، اللعب ، الطعام أو غيرها ........؟

لحظاتي مع اطفالي كلها حلوة لأني بعشقهن
النوم : عند بناتي غرفة عبارة عن سجادة تمتد على مساحة الغرفة وفرشة كبيرة بنامو عليها والالعاب
وقت النوم بحاول اشركهن بضب الالعاب وبسطحهن وبغطيهن وبعطيهن ببرونات الحليب وبطفي الضوء تمااااااااااما وبسكر الباب وخلص بنامو لوحدهن

اللعب حلو بس آخر اللعب بتعب لأنو بيبلشو يوقفو عليي ويسطحوني غصب العني مشان يوقفو عليي ويقدرو يوصلو على أزرار الإنارة هههههه

الطعام لحظات بتعب فيها كتير
بالاول بياكلو منيح بس بيتقاتلو كل وحدي بدها اللقمة إلها
وبالاخير بصيرو يهربو مني ودلع وضحك وميااعة ههههههه وإن وحدة لقت أختها بطلت تاكل بتصير هيي كمان مابدها تاكل



أول مارأيت مولودتـ/ك بعد الولادة ماهي مشاعرك التي راودتك حينها ؟


انا ولدت قيصرية اول ما صحيت ماكنت بوعي تماما
بتذكر كان منظرهن حلو انو تختين جنبي
بس قالولي إني سالتهن إن كانو خلقة تامة
ماصحيت عليهن غير بالليل وقت بقيت انا وهني وماما الله يخليلي ياها وقتها انبسطت كتير بس كنت تعبااااااااني



ماذا تعني لك كلمة براءة الطفولة ؟


بعشق الاطفال من انا وبنت وحتى الآن
البراءة هيي أجمل شي بالدنيا
غاية بالصدق والسعادة والفرح
كلمة براءة مابقدر اوصفها بس بشوفها بعيون الاطفال




-ما هي اصعب مرحلة عمرية في تربية الاطفال

وما هي الصعوبات برايك

كل مرحلة ولها صعوبتها
يعني في مرحلة تعليم النونو صعبة برايي
بس الاصعب مرحلة المراهقة الصعب فيها إن بدك تحافظي على الأساسيات اللي ربيتي عليها ابنك او بنتك في ظل التغيرات النفسية والجسمية وحب التقليد للي أكبر منهم والتذبذب النفسي
مرحلة صعبة وبدها وعي من الاهل


-موقف مضحك لاحد اطفالك

اللي بحب أطفالو بلاقي كل مواقفهن حلوة منها :
وقت كانو صغار فترة الزحف واول المشي كانو بغرفتنا النوم عملتلهن ركن بزاوية الغرفة وحجزتهن بين تختنا وتختهن
بيوم دخلنا مالقيناهن خفنا
فجأة سمعنا خربشة تحت التخت
وإذ فاتو من جهة وطلعو من الجهة التاني مشان ياخدو حريتهن بالاذى ههههههه ومن وقتها قررنا نعملهن غرفة خاصة فيهن

وموقف تاني :
وقت بلعبهن بصيرو يضحكو ويركضو ورا بعض فاوقات وحدة منهم بتوقع التاني مابتدرك فورا توقف بتتفركش فيها وبتووقع فوقها هههههه




وموقف اخافك

- من فترة قريبة وقعت ماسة وانشق راسها وبلش ينزل دم
كان يوم خميس الساعة 9 بالليل والضرب ما طبيعي خفت كتير عليها بس عقمتها وضليت حاطة محرمة على الجرح حتى شوي بلش يتخثر الدم ومع ذلك فاقت تاني يوم لقينا بقع دم على فرشتها ... الحمد لله الله حماها

- اول ماولدو كان عمرهن يومين متسطحين جنبي وانا لحالي بالغرفة وسبحان الله التنتين بنفس اللحظة اتشردقو بريقهن يمكن
قمت ماعاد لحقهن صار لونهن كحلي
إجا زوجي وحماتي شالوهن واخدوه على المشفى لأنو سالنا الدكتور قال بكونو بلعو شي من بطني فترة الحمل ووقت رجعو جابو بس وحدي والتاني تركوها بالمشفى لأنو عملولها فحوصات لقو معها يرقان أطفال
وانا ماعاد صدق ابكي وامسك تيابها اللي مرجعيلنا ياهن ( لأنو بحطوها بالحاضنة بس بالحفوضة ) بكيييييييييت كتير لتاني يوم لجابوها
بس طلب الدكتور يجيبو التاني يفحصوها
رجعولي الاولى وخلو التاني هنيك ومرة تاني بكييييييييييييييييييييي ههههه

- وخوفي الدائم على نور رجليها مايلة كتير للداخل شافها دكتور قال معها دوران داخلي وبدها بوط طبي له احزمة تمتد حتى الفخذين
مو موجود غير بالشام وهاد الشي مستحيل بهالاوضاع
الله يشفيها ياااااارب
الحمد لله على كل حال



-مالشئ المهم الذي تركزين عليه لغرسه باطفالك بعد الدين طبعا

الاخلاق ثم العلم والتعليم



ونشكر لك مشاركتنا في مضافتنا

انا اللي بشكركن على استضافتي
وإن شا الله ماتكونو مليتو من حكيي

وبشكر الموقع الراااااااااااائع والمشرفات الاروع

كل الشكر مرة تاني

ماشاء الله تجربتك وحوارك رائعين جدااااااااااااااااااا

اتمتعت بمعرفتك عن قرب حبيبتى

ما شاء الله تبارك اللــــه
أم جميلة وبنوتات أجمل
حماكم اللــــه وأسعدكم ويسر أمركم في الدارين أخيتي
سبحان اللـــه التوأم بالذات يحتاج لرعاية واهتمام بشكل كبيـــر
لان معايا توأم أحس بك بس سبحان الله بتعدى الايام بسرعة ويكبروا وتنسى تعب المرحلة الاولى
عقبال ما تشوفى بنوتاتك الامورات توأمى عندهم 12 سنة ولد وبنت

ضيافه حلوه

الله يقويك على تربيتهم حبيبتى ام ماهر متعب التوام لانه امى كان عندها توام

الله يبارك فيك وفى وقتك وفى اهل بيتك

كنت بتمنى جاوب على كل وحدة لحالها
بس بدي لحق الكهربا قبل ما تنقطع
ولأنو بناتي مرضانات كتيييييييييييييير
التهاب امعاء والتهاب أذنين والتهاب حلق ورشح واستفراغ واسهال وحرارتهم أحد الليالي وصلت ماسة 41.5 ......... ونور 40
الله حماهم
هلأ أحسن شوي


للإجابة على التساؤلات :

انا ساكني بحي الحمراء وأهلي بالانشاءات يعني الحمد لله مناطقنا ماتضررت إلا شوي


بالنسبة للتوأم والله أول اسبوع إجت ماما ساعدتني فيهن وبسسسسسسسس لأنو بابا مقعد ( شلل نصفي من جلطة دماغية منذ عشر سنوات )
حماتي كنت بعتقد أنها حتساعدني بس والله ولا مرة عملتلهن ببرونة حليب او غيرتلهن مرة
وزوجي مو من النوع اللي بساعد ابددددددددددددددددا ابدددددددددا
عناء وتعب كبير عليي
بس الله بقويني والحمد لله على كل حال



بالنسبة لأسمي :
انا زوجي كانو يقلولي ابو غازي
بس بعد خطبتنا قررنا يصير ابو ماهر فهاد سبب الاسم الاول
اما الاسم التاني قررنا منذ خطبتنا اول بنت يكون اسمها ليندا
بس شاءت الظروف ان تسمي أحد اقربائنا اسم ليندا لبنتها ووقتها أخدت أذني وطبعا ماكان عندي اي مانع
وكنت ناوي سمي ليندا واسم تاني كونهن توأم
وقبل ما اولد وانا بالشهر التامن بتكون هالبنت ليندا صار عمرها 5 اشهر واكتشفو انو معها شلل دماغي ومعاقة كليا

ولأجل نفسية أهلها لغينا اسم ليندا لأنو بناتي من عمر بنتها تقريبا ومابدي ياها تنجرح وقت تشوف ليندا بنتي عم تركض وتلعب وتفوت على المدرسة وليندا بنتها معاقة

بس ضل اسمي بجميييييييييييييع المنتديات أم ماهر و ليندا

وبسسسسسسس قصة طويلة هههههه

شكرا جزيلا لكل من مر من هنا



شكرا من القللللللللللللللللللللللب للقلللللللللللللللب

ربي يشفي البنوتات يا قلبي
ديري بالك من الحرارة اهم شي
وكمان انتبهي للجفاف من كثر الاسهال والاستفراغ
عوضيهم بالمي وجيبي املاح من الصيدلية والموز مفيد لتعويض الاملاح ايضا

سعدت بمعرفة قصة الاسماء وربي يبعثلكم ماهر ان شاءالله