السلام عليكم ورحمه الله وبركاته ( رد السلام واجب)
عندي طفل (ولد) عمره سنتين ونص الله يخليه لي ويخلي لكم ماعطاكم ويرزق الي ماعنده بالذريه الصالحه.
هو كان هادئ وحبوب وفجأه قبل ثلاث شهور
تغير من حال لحال
صار يبكي وعصبي وعند التلبيس الملابس تصير أزمه وبكاء وركض من غرفه لغرفه
واسايرة بكل شئ واترجاه بس مايلبس الا بصياح ولا لبس لازم يقطه (هذي أول نقطه)
ولا سويت له الرضاعه يرفض ياخذها مني ويوديها لاخته عشان تسويه له 0يعني مايبيها من يدي)
ولا سوتها اخته يصيح ويبيني انا اسويها له (يعني مسأله عناد × عناد)
ولا خذا الاكل ماياكل يحوسه ويقوم .
ويحب يدهن جسمه بجميع انواع الكريمات يعني لا غفلت عنه دقيقه القاه بالغرفه
ومدهن عمره بالفازلين وبيبي جونسن والبودر
وحتى دانيت ( دانينو) >>> اكل للاطفال
وباليل يقوم بس يبكي ويصرخ . ولاعدلته قام يبكي وطلع ينام باي مكان غير غرفه
**************************
والله قمت اشك من كلام أهل زوجي وحمواتي عنه كلهم يقولون عنه هادئ وعيالهم اشقياء
صار ولدي أعند من عيالهم وحركي
وكان في يوم الولد مندمج باللعب والسوالف ( كان يلعب عند اهله)
طلعت مرت عمه وصرخت على عيالها بصوت عالي...
وعليه ( وقاحه )
( وهو ماهو معاود على الصوت العالي وانا بطبعي مدلعته )
وقام يبكي ونام ولما صحى الا مزاجه متعكر ومن هذاك اليوم وهو منقلب حاله
يعني اتوقع هذين هم السببين بس كيف اعالجها
والله احيانا اخاف افقد السيطرة واقعد اضربه وانا مااحب اضرب
ولا احب اصرخ
الروابط المفضلة