بسم الله الرحمن الرحيم وبه نستعين



متل ما بتعرفو انا اتزوجت وبعد 3 اشهر فقط بحمل وكان الحمل توأم
طبعا اعتقدت ان الجميع سيساعدني بهم
ولدت وامي ضلت قاعدة معي اسبوع بس تضطر تروح وترجع لأن بابا مريض ( شلل نصفي أثر جلطة دماغية من 11 سنة) فلازم تروح شوي عنده وترجعلي
بس تنام عندي
وبعد الاسبوع قلت أكييييييييد حماتي حتساعدني فيهم لأنو بيتي وبيتها بيت واحد مقسوم شقتين
بس ماااااحدا ساعدني ابدا
حتى زوجي مو من النوع اللي بساعد


كان اصعب شي الرضاعة
تبكي ماسة رضعها تحس نور وتضل تبكي
رضع ماسة نص رضعة مشان لحق لنور لأنها تكون عم تبكي رضع نور لتشبع ارجع لماسة رضعها لتشبع وطبعا هالحكي ياخد معي حوالي الساعة او أكتر شوي
نام نصف ساعة تكون اول وحدي جاعت وترجع تبكي وهكذا
كنت كل كل اليوم نام حوالي 4 ساعات او 5
ضليت عم قاوم على هالحال 40 يوم
وبيوم الاربعين وقعت وصفرنت وماعاد فقت معهن \
إجا دكتور الاطفال ودكتورة النسائية وقررو اني وقف رضاعة تماما لأني تعبت كتير
هاد الشي كان مساعد إلي بتنظيم النوم
حطيتهن بسرير واحد بنفس غرفتي وقوم بالليل اعملهن ببرونات حليب كتير وطبعا وقت كبرو كل وحدي بتخت لأنو خاف يقلبو على بعضهن
بس ككان اهم خطوة انو ماينامو جنبي ولا يتعودو على هالشي

حددت وقت مناسب وهوي الساعة 7 المسا روح غيرلهن وطعميهن وجبة واعمل ببرونات ونيمهن واطفي الضوء تماما وانا وزوجي بغرفة الجلوس نخفض صوت التلفاز بالاول كانو يضلو يلعبو واسمع صوتهم بس بعد حوالي اسبوع تنظم نومهم

وحتى الآن بنفس الطريقة بس وقت صار عمرهن سنة و8 شهور عملت غرفة بالبيت خاصة فيهم
كانت البداية صعبة جدا
بعتبرها بداية لتنظيم النوم من جديد


حطيت فيها سجاد وفرشة ككبيرة وألعاب فقط بشكل ما يإذو حالهن
صرت غيرلهن وطعمهيهن وجبة مشبعة واعمل ببرونات حليب واطفيء الضوء تماما واغلق الباب يعني ولاااااااذرة ضوء وصرت نام جنبهن وبس يغفلو اطلع من الغرفة
اوقات يفيقو بالليل ويحسو انو هني لحالهن ويخافو ويبكو
ادخل بدون تشعيل الضوء واتسطح جنبهن حتى ينامو وارجع اطلع

وطبعا نومهن نومة الليل ونومة العصر

وبعد اسبوع على هالحال صرت سطحن واطلع قبل ماينامو بس بشكل وقت بحسهن خلص عم يغفلو
يبكو شوي وبعدها ينامو بس لو حسيت البكاء استمر ربع ساعة ادخل وارجع اتسطح جنبهن

وشوي شوي اتعودو على الغرفة واللي عودهن على الغرفة اني اثناء النهار بخليهن بنفس الغرفة يلعبو فيها

والآن صار عمرهن سسنتين وشهرين
صار نومهم من 10 بالليل ( وأحياناً 11 ليلا ) إلى 9 الصبح انا بفيقهم
وبرجع بنيمهن من الـ 3 ضهرا وحتى الـ 6 مساء

وهيك الحمد لله مريحيني كتير

الله يهيدهن ويجعلهن من الصالحات ويرزق كل مشتهي

تجربة رااااائعة حبيبتي

الله يحفظ لك بناتك يا رب

ويديم عليكم السعادة والفرح

ويقر عينك بشوفتهم احلى عروستين

مما شاء الله عليج ربي يحفظهن لج


‏​صَح يح ..
گلّ البَشر ربّي خلقهم «
من ترآآب .. »

لگن بعضَ البشَر
" آآآآآھ " يا مَغلى ترابہ .. !

ربي يحفظك واياهن غاليتي
تجربتك صعبة جدا ولكن ماشاءالله عرفتي كيف تسيطري عالوضع
ربي يحميك ويخليهن الك الامورات

ماشاء الله على التوام

احب كثيرا رؤية التوائم

واذا صادف ورايتهم في مكان ما

اضل انظر اليهم واقول تبارك الله ما شاء الله

لكني اجد تربيتهم صعبة

بارك الله لك في بناتك

ورزقك الصحة والصبر في تربيتهم

ماشاء الله اختي
لان تربية التوام صعبة خصوصا اول تجربة لك
الله يحفظ لك بناتك

مشاء الله توام
انا واحد ومش مألعه بحس حالي مرات خلاص بدي ازتو لشي نوريه ههههههه
الله يخليلك اياهن يارب