السلام عليكم و رحمه الله
ماشاء الله على افكارك
و اختيار الموضوع فى الصميم
اكتر حاجه بتزعجنى فعلا و نفسي اعود بنتى على الحمام
عجبتنى فكره قصه ياسمينه و اللوحه ... ان شاء الله اجربهم
بارك الله فيك و اصلح لك اولادك
انا هقلكم بقه عن تجربتى
انا بدات مع بنتى بدري يمكن من 9 شهور بدات ااعدها على البوتى ... كانت احيانا تصدف انها تعمل لكن مره اه و 100 لا
و انا مكنتش وخده الموضوع بجد قوي ... مجرد بدايه
و لما كبرت شويه و بدات اخد الموضوع بجد كانت بدات تمشي و كل شويه تقوم من على البوتى و تجري ..فقررت الغيها و ابدا استخدم اعده التواليت
و فعلا كانت افضل ...لانها مكنتش بتقدر تنزل ...
و كانت فى فتره تعمل فى البامبرز و بعد كده تقولى سوسو عملت و تجري على الحمام و تقلى قرف قرف ..ههههه و احيانا كانت تكمل فى التواليت
و حاولت فتره اشيل البامبرز خالص و اخليها بالاندر ... لكن طبعا عانيت لانى كنت كل شويه اعد انضف مكان ماوسخت ... فى اطفال احيانا بيقرفوا لما يلاقوا نفسهم مبلولين فمش بيعملةا تانى ..
و حملت و كانت لسه متعودتش و تعبت قوي انى اعودها وقت الحمل ... و اسنتيت بعد ما ولدت و كان الوضع برده صعب ..هههههه
هو فعلا فى وقت مبيكنش عندهم استعداد يتعودوا ..
و بدات اول لما اصحى و ادخل الحمام ... اخدها معايا و ااعدها على البوتى قصادى ... يعنى احنا الاتنين ..هههه
و لما انا اعمل تعد تقولى برافوا ماما عملت و لحد ما مره عرفت تعمل بيبي فى البوتى ... لكن مبتطلبش تعمل بيبي ...او يمكن بتعمل فى البامبرز و بعدها تطلب ...غالبا لسه مش عارفه تتحكم
لكن الديرتى ..اتحسنت لحد كبير ...اوقات تقولى و ااعدها و تعمل... و طبعا لازم التشجيع ...
فى الاخر بقيت احطلها شنطه على شكل عصفوره على اكره الباب وقلها يلا اعملى علشان العصفوره تجيبلك حاجه حلوه ... و اسيبها شويه و ارجع او تندهنى لو عملت و اقلها برافو اروح اشوف العصفوره جبتلك ايه ... و اجيب مثلا شيكولاته و احطها فى الشنطه و ...و اقلها يلا كلو كلو و اروح و ارجع تانى تكون كملت ...برافو و اروح اجبلها حاجه تانيه ,,,طبعا بحط حاجات صغيره ...
و لما البسها البامبرز اقلها شوفى سلمى ريحتها جميله علشان عملت فى البوتى ... و لما تعمل فى البامبرز اقلها شوفتى ريحتك وحشه و القرف جه فى ظهرك ...
و مره سجلتلها على الموبيل ..كان الشيكولاته بتتكلم و تقلها انها زعلانه منها لانها معملتش فى البوتى علشان كده مشيت و لما سوسو تعمل فى البوتى هتيجي
و لسه فى محاولا علشان نتخلص من تماما ... هى فعلا احسن حاجه تعد كل ساعه مثلا بس ربع ساعه دى صعبه قوي ... ههههههه ده انا اجنن
بس حتى كل ساعه و الله صعب عليا و خاصه معايا اختها صغيره .... لكن هى احسن طريقه علشان يتعودوا
ربنا يعين كل ام
طولت عيكم قوي قوي
سامحونى
الروابط المفضلة