السلام عليكم ورحمه الله وبركاته
انا موضوعي انكتب كتير قبل هيك وانا كتبت قبل هالمره هو عن تنظيف البيبي عن الحفاض بس اناهلا بلشت مع بنتي بسن السنه ونصف وقطعت لظروف بعدين رجعت بلشت معها وقعدت معها بس يومين قبل رمضان وما قدرت اكمل اجى عنا ضيوف مفغتربين وما قدرت اني اكمل تنظيفها وهي هلا سنه و9 اشهر الي معها 10 ايام اللي قاهرني انه بنتي فاهمه كل شي النونو والككه وانها لازم ما تعملها ع حالها لانها لما تعملها ع حالها بتتخبى مني بس هي مصره انها لا تقعد ع النونيه ولا تعملها عليها يعني لو اقعدها ع النونيه ساعه كامله بتضل حاشره حالها وانا بكون شايفتها كيف بتكون حاشره حالها واول ما استسلم واقومها عنها عطول بتعملها ع الارض
ومو عارفه شو اعمل بس انبارح بالليل كانت قاعده ع النونيه قمت من جنبها بس دقيقه لسا انا ما قمت الا هي بتناديني ماما نونو انا انبسطت قلت انه عملتها اجيت لقيتها قايمه عاملتها جنب النونيه ع الارض وراجعه قاعده ع النونيه انا ما مسكت حالي ضربتها بس مو قوي ع ايدها وكان معها شبس اخدته منها وفهمتها انه عملت هيك عشان هي عملت النونو ع الارض رجعت قعدتها مره تانيه قبل ما ننام ما حشرت حالها وعملتها وانا عملت لها عرس واليوم الصبح كمان ما حشرت حالها ورضيت تعملها ع النونيه هلا انا صح عملت واكمل معها ع طريقه اني اشد عليها ولا لا بس انا لقيت اني بس ضربتها مشي الحال واذا ما مشي الحال انصحوني شو اعمل
الله يجزيكم الخير

ما دام بدأت تفهم و تعملها في مكانها
ان شاء الله ما راح تحتاجي تضربيها مرة اخرى

عموما ادا انت متعودة من الاصل على ضربها
- و هو امر خطأ -

فما راح تفهم ان الامر هدا غلط فعلا و مهم الا لما ضربتيها
لآنها تعرف انك ادا ضربتيها معناه شي مهم وعصبت منه

اما ان كنت اصلا غير معتادة على ضربها ابدا و هو الافضل للاطفال
فيمكنك تعليمها بالطرق الجدة الاخرى الي تعلمت منها باقي التصرفات
اخد الشبس منها نموذج جيد
عقابها بالحرمان مما تحب

لذلك ان كنت ترغبين بنصيحة لا تتعودي تضربي و لا على اي شيء لآن وسائل العقاب كثيرة و يوجد منها المؤثر حقا

و هي صغيرة جدا ايضا حرام

حتى لو فلتت منك هالمرة خليها في بالك للمستقبل

نصيحة جانبية : ابعدي عنها الشبس و هالشغلات خالص

شكرا الك كتير صراحه انا قليل ما اضربها واذا ضربتها ما بضربها ضرب مؤذي يعني ع ايدها ومو قوي بس ما بكذب عليكي بضربها لان احيانا ما بعصب وما بقدر بحس انه لازم اعمل شي ههههه بس اغلب الاوقات بس اعصب منها بضل استغفر الله لاهدى صراحه عم بحاول ابعدهم عنها بس شكلوا صعب لاني عايشه بين عائله مو لحالي والله يسمع منك وما تغلبني لاني مع حملي وتعبوا وتنظيفها حاسه المهمه صعبه كتير

الله يعينك
وانا متلك هلا الي اسبوع عم بنظف ابني وشايفتو راح يطلع روحي قبل ما ينظف وخاصه بعد ماو لدت وصار يشوفني وانا بغير لاخته الحفاظه
بس نصيحتي تحاولي تنظفيها قبل ما تولدي لانها راح تصير تغار من البيبي وراح تغلبك اكتر والله يصبرك ويصبرني يارب

بالعكس شدي عليها خصوصا بهاي الشغلة بس مو دائما لما تحسي انها بتحشر حالها عمدا
ازا عندك بعيد عنك افرنجي قعديها عليه انا عمري ماجبتها لولادي النونية مابحبها
بقعدو عالافرنجي وبعملوها
هلأ هي كبيرة انا بنضفو بهاد السن الحمد لله هي الشغلة بدها شوية شد منشان يتعلمو