|
للبحث في شبكة لكِ النسائية:
|
عضو نشيط
السلام عليكم انا ام جديده ولا اعرف اى شى ولا عندى خبره وابنى الله يحظفه ويبارك فيه ويحميه بدأ الشهر الخامس وعايزه ابدأ اكله ومش عارفه ابدأ بإيه وابدأ اغير الاصناف امتى ؟ بالله عليكم عايزاكم تقولولى بالتفصيل ولمده كام شهر قدام ؟
بارك الله فى اللى ترد عليا ويكرمها يارب
الأم المثالية
كتبت بواسطة nourhana
ربنا يخليهولك
كنا بنتكلم من فترة في الموضوع ده على الرابط التالي ان شاء الله يفيدك
http://www.lakii.com/vb/showthread.php?t=742419
**اللهم احفظ اولادي وبارك فيهم واجعلهم من عبادك الصالحين وحفظة قرآنك الكريم والعاملين به**
آمين آمين آمين
اللهم انصر الاسلام والمسلمين في كل مكان
عضو نشيط
شكرا ام ادهوم بس كل واحده كاتبه تجربتها وطفلها فى اعمار مختلفه ؟ انا عايزه اعرف بالتفصيل اصل انا خايفه جدا لانى لوحدى وفى غربه وخايفه اضغط عليه او اديله حاجه مش مناسبه
غاليتي كنت بصدد كتابة موسوعة عن التغذية ونزلت اول جزء منها لكني لم استطع تكملتها حاليا بسبب الوحم والتعب مع الاطفال ورمضان والصيف
ان شاء الله بس الاقي وقت اكمل الموسوعة
لقيت لك الموضوع ده في الركن وان شاء الله يفيدك
http://www.lakii.com/vb/showthread.php?t=467254
اللهم بارك لي في ابنائي واجعلهم من الصالحين
عضو نشيط
تسلمى ام ياسر و ماشاء الله مبروك على الحمل الله معك ويبارك لك فى اطفالك يارب وفى اطفال المسلمين .. ربنا يتمم لك على خير ويجعله سليم معافى
كبار الشخصيات
هلا حبيبتي
ابدئي مهع بسيريلاك الارز
اعطيه منه على طرف الملعقة لمدة يومين
وبعدها زودي الكمية بالتدريج الى ان يشبع
لما يتم 6 اشهر اعطيه سيريلاك القمح بنفس التدرج
والروابط اللي اعطوك اياها مفيدة
ربي يبارك لك فيه يارب
الرجاء الرد من الاخوات فقط
مبدعة دورة تعليم الأمهات اللغة الانجليزية
و عليكم السلام و رحمه الله و بركاته
نورهان انا بدات مع بنتى من اول السادس
و طبعا فى الاول الموضوع بيكون محير و بتكونى قلقانه علشان متدهاش حاجه مش مناسبه في الشهور الاولى ....
هقلك على تجربتى من خلال ما قريت و نفذت...
*ابداى بوجبات صغيره
*كل نوع استمري عليه اقلهل 3 ايام و اقصاها اسبوع علشان تتاكدي ان النوع ده مسببش اي مشاكل لقدر الله من اسهال او قئ او حبوب في جسمه ... وميحصلش تلبك معوى و لخبطه للطفل
*في البدايه هيكون طريقه اكله مزعجه بالنسبالك لانه متعود على الرضاعه و لسانه يدفع الاكل لبره زي الرضاعه لكن مع الوقت هيتعود .
*استخدمدى ملعقه بلاستيك و فى اطباق للاطفال بغطاء محكم لو خرجتى تقدرى تخدى وجبه معاك عمليه جدا
*مدام دخلتى اكل لازم تدخلى ميه لو لسه مش مدخله و استخدمى كبايه بتكون مخصصه للاطفال ببوز و هتيها تكون بغطا محكم علشان برده تخديها معاكى في الخروجات.
*ابعدى عن العسل قبل السنه .
*متحوليش تخلطى اي نوعين غير بعد ما ياخد كل نوع لوحده
و بعد كده تقدرى تخلطى كذه حاجه مع بعض .
بالنسبه للوجبات :
*الحبوب : بدات بسيريلاك ارز و بعد كده تقدرى تديله قمح _ شوفان
برده كنت بعد فتره بسلق الارز و بيكون زي الرز بلين معجن و تضربيه فى محضره الطعام بشويه ميه و يكون قوامه مش لزج قوى علشان يكون سهل البلع .
و برده جبت قمح كامل و عملته نفس الطريقه .
* الخضار: بطاطس - بطاطا - جزر - كوسا
* الفاكهه : تفاح - كمثرى - موز - قرع عسلى .
الزبادى مش هدى لبنتى قبل سنه لان لقدر الله بيسبب حساسيه على الصدر مع ان بعض الاطباء مبيمنعوش ..
عضو نشيط
الله يبارك فيك ام سيف
عضو نشيط
تسلمى والله يخلى لك بنتك والله كويس انا كنت ناسيه موضوع المايه دا طب هو هيعرف يشرب من الكوبايه دلوقتى ولا اديلهاله بالمعلقه واغليها ولا ايه
بصى قوليل بقى على الاكل هو الاكله هتكون مكان رضعه ؟ وموضوع الزبادى دا سيبيها على الله كلنا اكلنا الزبادى على اربع شهور وادينا زى الفل اهوه بالكتير اوى 6 شهور ؟ الزبادى مفيد اعتقد مينفعش نحرمهم فايدته والله اعلم توكلى على الله انا اخويا الله يخليه وهو صغير ماما كانت مضطره تاكله بدرى واول حاجه بدأت بالزبادى وكله تمام الحمد لله
بصى انا موسوسه جدا يمكن اكتر من اى حد وبقعد احسبها بس جوزى كل مايشوفنى كدا بيقولى سيبيها على الله دى بالبركه محدش بيحسب بالورقه والقلم والناس كانت عايشه زى الفل قبل الابحاث والاختراعات بتاعتهم دى هههههههه انا نفسى اكون زيه كدا بس للاسف انا بخاف شويه
مبدعة دورة تعليم الأمهات اللغة الانجليزية
عودت بنتى من البدايه على الكبايه كان في صعوبه في الاول لكن اتعودت عليها الحمد لله.
مدام الميه معدنيه مش محتاجه تتغلى .
بالضبط هتشيلى رضعه و تحطى وجبه .
زي ما قلتلك فى ناس كتير بتدى الزبادى لكن اخويا دكتور و قالى بلاش كنت ناويه اديها من السابع لكن قلت خلينى في الاحوط و في وجبات كتير اخرى .
و هو مش كل الاطفال بيكون عندها حساسه منه لكن لقدر الله و ممكن لأ ....شوفى ردود البنات برده فوق فى اللينكات و هتستفادى جدا و شوفى اللى انت مطمناله .
لا يا حلوه يعنى مش هينفع تسبيها على البركه ...هههههه...يعنى اعقلها و توكل
في حاجات لو ادتيها بدرى بتسبب حساسه فى الجهاز الصدرى و الهضمى لقدر الله و بتظهر على فترات بعيده يعنى ممكن بعد البلوغ كمان .
العسل بعد الشر ممكن بيسبب تسمم للاطفال اقل من السنه .
البيض برده مش قبل 8 شهور الصفار و البياض مش قبل سنه.
السكر و الملح بلاش منه خالص فى بدايه ادخال الاكل .
خليكى متوسطه لا موسوسه قوى ولا مهمله فيه .....و ربنا يعينك عليه و على تربيته
أعضاء قرؤوا هذا الموضوع: 0
رد مع الاستدلال
الروابط المفضلة