انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 12

عمار والصلاه والدلع اثناء الصلاه والصح والغلط في تعليمه الصلاه

(الأمومة والطفولة - منتديات لكِ النسائية - الأرشيف)
...
  1. #1
    ommammar74's صورة
    ommammar74 غير متواجد النجم الفضي
    تاريخ التسجيل
    Oct 2009
    الردود
    1,288
    الجنس
    امرأة

    عمار والصلاه والدلع اثناء الصلاه والصح والغلط في تعليمه الصلاه

    السلام عليكم ورحمه الله وبركاته
    طبعا كالعاده محتاجه ارائكم وخبراتكم للمره مش عارفه الكام وربنا يخليكم لنا ويجزاكم كل خير على المعلومات اللي باخدها منكم دائما
    الاول بعتذر علشان بكتب باللغه العاميه شويتين لان لينه على ايدي وبكتب بسرعه سامحوني
    طبعا دائما بسالكم علي ما يخص اولادي من مشاكل
    عمار والاستاذ لؤي ومشاكله في المدرسه
    ولينه ومشكله اكلها
    وريان كمان كان عنده مشكله بس دلوقتي في حاجه اكبر من مشكله ريان حأجلها شويه حشوف حعرف احل مشكله ريان ولا لا

    مشكلتي دلوقتي مع الاستاذ عمار والصلاه

    عمار دلوقتي عمره ست سنوات ونص
    وابتديت اعوده علي الصلاه هو عارف الصلاه بس انا عمري ما ضغطي عليه الفتره اللي فاتت وكنت بسيبه هو وريان براحتهم صلوا معايا صلوا مصلوش خلاص راحوا مع ابوهم الجمعه مرات قليله وهكذا على اساس لما يوصل عمار سبع سنين ابدأ مع بجد مثل الحديث اللي بيقول فيما معناه " علموهم الصلاه لسبع واضربوهم عليها لعشر " طبعا مش متأكده من صح نص الحديث او صحه روايته

    المهم بدءت مع عمار وفهمته وقولت له انت كبرت خلاص ولازم نبدأ نصلي بقي وريان كمان بس انا في نيتي مش حشد علي ريان لانه اصغر عامين
    طبعا مع جو المدرسه والرجوه قبل العصر
    اتعلموا الوضوء وعلمتوهم التشهد وبدوا الحمد لله
    بس بدء الكسل والدلع من عمار بشكل اصعب من ريان يعني ريان احيانا بيصلي بمجرد انه يشوفني اصلي ممكن من غير وضوء وانا بسكت بقول مش مشكله مش لازم اشد دلوقتي بس بيقف للاربع ركعات ويقرأ كويس وهادئ في قراته

    لكن عمار وما ادراكم مع عمار واللي بيعمله في الصلاه وده لب الموضوع
    طبعا عمار ماشاء الله عليه بيحفظ قرآن كويس وماشي كويس في الحفظ ربنا يبارك له
    بس بدء بقي دلع فظيع في الصلاه
    يقرأ السور بسرعه ومايكملش يركع وركبه مثنيه يتكلم وهو بيصلي لو شاف اي حاجه يطلع لسانه لريان وهكذا بقي بلاوي كتير
    يشيل رجل وينزل رجل يتلفت شمال ويمين وتعبت من الكلام مع
    مش عارفه اشد معه ولا لا
    يعني ايه المطلوب مني اوجه له الصح والغلط بالنسبه للصلاه في السن ده
    يعني بدءت معه يصلي اسبوعين الاول صلاه الصبح بس
    وقولت له كل اسبوعين حنزود صلاه بس بقي الموضوع معه صعب اوي
    بيصلي بالعافيه والحركات اللي قولت عليها في كل فرض مع انه بيعرف يصلي كويس وبهدوء لما كان بيصلي لوحده

    دلوقتي مش عارفه اوجه ازاي ايه يعمله وايه منيفعش وايه ممكن يتأجل تعلمه لما يكبر شويه وخايفه اني اسيبه يدلع كده ياخد انه ما يتقنش الصلاه
    مش عارفه اعمل ايه لازم يصلي كل الفروض
    اسيبه يتدلع في الوقفه والركوع والسجود بلاش اشد عليه لاني احيانا بصمم واخليه يعيد الصلاه
    مش عارفه والله اوجه ازاي لانه الكبير وعايزه يكون قدوه لاخواته ولاهميه الصلاه مش عايزة يكون التقصير من الصغر علشان ربنا يكرمني فيه وفي اخواته ويكون من الملتزمين بالصلاه

  2. #2
    ابو الانس's صورة
    ابو الانس غير متواجد عضو جديد
    تاريخ التسجيل
    Jan 2010
    الموقع
    مصر
    الردود
    49
    الجنس
    أنثى
    انا مش عارفه بس محبتش ادخل ومردش عليكى بالدعاء ربنا يهديهم وادعي فى صلاتك قولى ربى اجعلنى مقيم الصلاه ومن ذريتى ربنا وتقبل دعاء

  3. #3
    ommammar74's صورة
    ommammar74 غير متواجد النجم الفضي
    تاريخ التسجيل
    Oct 2009
    الردود
    1,288
    الجنس
    امرأة
    ربنا يكرمك اختي الغاليه وجزاك الله خيرا علي ردك ويارب يتقبل دعواتنالهم

  4. #4
    Om.A.M's صورة
    Om.A.M غير متواجد عضو نشيط
    تاريخ التسجيل
    Sep 2010
    الردود
    207
    الجنس
    امرأة
    انا ولدي زي ولدك وسالت شيخ ثقه وقال مجرد امر
    امريه فقط ولا توبخيه وشجعيه دائما على الصلاة
    وكيفيتها وادابها وذكريه دائما بان الله والملائكه
    يشوفونا واحنا نصلي وربنا يفرح بعباده الي
    يذكروه ويشهد الملائكه فهل ترضى بان تقابل الله
    وانت لاتحترم اوامره
    وهذا سن لعب وامر طبيعا وحتلاقيه مرات يصلي
    بخشوع ومرات قد يرفض الصلاة اتركه وفقط
    ذكريةحتى يصل سن الالزام بجدية
    الله يهدي اولادك واولاد جميع المسلمين

  5. #5
    مجنونة فيك's صورة
    مجنونة فيك غير متواجد النجم الفضي
    تاريخ التسجيل
    Jan 2009
    الردود
    1,680
    الجنس
    امرأة
    انا كمان نفس الشىء مع ابني

    والكن دايماً افهمو انا الصلاة ما يتهون فية ابداً

    كل شيء العب الكن الصلاء لا ممنوع لازم يعرف انا الصلاة حزم مش لعب

    وانا العب في اوقات ثانية مش في الصلاة

    وقلت الى ابوة يفهمها هذا الشىء

    والحمدالله القية متجاوب معانا الحمدالله

    الله يهدية يارب ويهدي ابني معاة يارب يارب

  6. #6
    ommammar74's صورة
    ommammar74 غير متواجد النجم الفضي
    تاريخ التسجيل
    Oct 2009
    الردود
    1,288
    الجنس
    امرأة
    اخواتي الغاليات اللهم بارك لكم في اولادكم واولادي والمسلمين جميعا
    انا فهم ابني دائما وسؤال لما اقوله واوجه وهو برضه يكون مش عايز يصلي اجبره ولا اتركه ولحد امتي ده سؤال

  7. #7
    Om.A.M's صورة
    Om.A.M غير متواجد عضو نشيط
    تاريخ التسجيل
    Sep 2010
    الردود
    207
    الجنس
    امرأة
    عليك بالصبر والدعاء والمتابعه والتشجيع
    وان لاتملي ولاتياسي في كل صلاه
    هذه مسؤولية كبيره علينا
    والله اني اسمع بنات كبار يقولوا الله
    يسامح ياامي ليش ماضربتينا لما
    ما كنا صلي
    استمري حتى عمر العشره
    ثم غيري طريقتك في الامر
    واجعليها مصحوبه بالحزم
    واجبريه واذا رفض عاقبيه
    واضربيه ضب غير مبرح
    وانشاء الله ماتحتاج لهذه كله

  8. #8
    حمرة الورد's صورة
    حمرة الورد غير متواجد كبار الشخصيات
    تاريخ التسجيل
    Oct 2002
    الموقع
    في قلب الحدث في العروس الغارقة
    الردود
    6,273
    الجنس
    أنثى
    التكريم
    وعليكم السلام ورحمة الله وبركاته

    يختي الخط تعبني صغير !!

    شوفي ياعمري انا من رأي انه اليي انت سويتي بدري عليه كان المفروض تستنيه لحد مايصير 7 سنين هجرية وتأمريه بالصلاة بس من غير اجبار ولا مضاربات .

    بالنسبة للسنة اليي اعرفه انه مجر أمر فقط لحد العشرة ..
    ً
    طبعاً هدا مايمنع انك تصوري له شجرة الصلاة يلونها واذا راح المسجد تشجعيه وتمدحيه قدام الناس .. وابدا ابداً لا تستخدمي التوبيخ ولا الزعل ولا أي نوع تصرف سلبي ..

    مجرد مدح وتشجيع وأمر وخلاص لحد العشرة سنين ..

    الموضوع مو سهل لكن هده هي السنة ..
    ظروف حياتي تغيرت ومشاغلي ازدادت فسامحوني وحللوني ..


    سأحاول أن أبقى على العهد معك يا لك


    تسلم اياديك يا أم سهيل
    [/CENTER]

  9. #9
    ام سهيل's صورة
    ام سهيل غير متواجد مشرفة ركن الأمومة والطفولة- محرره في موقع طفلكِ
    تاريخ التسجيل
    May 2002
    الموقع
    في قلب كل من أحبهم
    الردود
    35,570
    الجنس
    امرأة
    التدوينات
    4
    التكريم
    • (القاب)
      • متألقة ركن الحلويات
      • متألقة الأطباق الرئيسية
      • محررة في مجلتي الأمل و أنا ورحلة الأمومة
      • درة صيفنا إبداع 1432هـ
      • متألقة صيفنا إبداع 1431 هـ
      • بصمة إبداع
      • نبض وعطاء
      • قاصة بارعة
      • احساس راقي
      • الأم الحنون
      • ذكريات طفولة رائعة
      • بصمة مبدعة
    (أوسمة)
    تعقيب كتبت بواسطة حمرة الورد عرض الرد
    وعليكم السلام ورحمة الله وبركاته

    يختي الخط تعبني صغير !!

    شوفي ياعمري انا من رأي انه اليي انت سويتي بدري عليه كان المفروض تستنيه لحد مايصير 7 سنين هجرية وتأمريه بالصلاة بس من غير اجبار ولا مضاربات .

    بالنسبة للسنة اليي اعرفه انه مجر أمر فقط لحد العشرة ..
    ً
    طبعاً هدا مايمنع انك تصوري له شجرة الصلاة يلونها واذا راح المسجد تشجعيه وتمدحيه قدام الناس .. وابدا ابداً لا تستخدمي التوبيخ ولا الزعل ولا أي نوع تصرف سلبي ..

    مجرد مدح وتشجيع وأمر وخلاص لحد العشرة سنين ..

    الموضوع مو سهل لكن هده هي السنة ..
    مع حمرتي


    نحن كمربيات دائما عندما يتعدى عمر الطفل اربع سنوات نحس انه كبر ولازم نعلمه ونعلمه ونعلمه

    لكن لا نعلم مدى الضغط اللي بنمارسه عليه

    الدنيا لان كبيرة ومشاغل الاباء كبرت قلما تجدي اب يكون في البيت قبل اذان الظهر الاغلب صار يجي
    للبيت بعد صلاة العصر فلو اتفقت مع الاب انه ياخذه معه للصلة جماعة في كل فرض فلن يستطيع

    وهنا حيصير خلل وخلل كبير.

    لا تضغطي عليهم في الصلاة
    انت وقت الصلاة قولي صلاة
    وقومي توضئي
    واذا التلفاز مفتوح اغلقيه او افتحي على الصلاة يعني مثل ما انا اعمل افتح على الحرم وارفع الصوت .


    وربنا يوفقك.



    تابعوا برنامج انتقاء وارتقاء للمدربة


    جواهر القعيطي على ركن النافذة الاجتماعية
    وركن مدرستي بيتي الثاني
    وركن الأمومة والطفولة



    تبحثي عن التميز ؟؟
    V
    V
    V
    كوني مميزة

  10. #10
    ommammar74's صورة
    ommammar74 غير متواجد النجم الفضي
    تاريخ التسجيل
    Oct 2009
    الردود
    1,288
    الجنس
    امرأة
    اختي حمره الورد بعتذر علي صغر الخط لم اخذ بالي وانا بكتب وبعدين حتتعبي يعني لاغلي من اخواتك في الله ملحوقه
    اختي ام سهيل
    ربنا يكرمكم علي نصائحكم بس برضه سؤالي لما اقوله صلي ودائما يزعلي ويقولي كل شويه ويرفض اكرر الامر ولا اقوله مره واسكت واسيبه صلي من نفسه صلي ما صلاش خلاص ما اضغطش
    وفكره حلوة ام سهيل اني اشغل الصلاه في التليفزيون او اغلقه ولو اني غالبا مش بشغل التليفزيون اثناء الدراسه غير نادرا لو حبيت اكفاءه لو قرأ قران كويس اخليه يتفرج شويه صغيرين لكن يوم الاجازة بتركه يتفرج
    لكن يوم الاجازة دائما عارفه يقوم يصلي علشان يتفرج بيقوم متحمس اوي ويصلي طبعا علشان يتفرج
    دعواتكم ربنا يهديهم كلهم
    وجزاكم الله خيرا علي الردود

مواضيع مشابهه

  1. طقم الصلاه
    بواسطة تــ tooty ــوتي في الأزياء والأناقة
    الردود: 6
    اخر موضوع: 20-02-2011, 04:51 PM
  2. الصلاه الصلاه وما ملكت ايمانكم
    بواسطة مبعثرة الحروف في روضة السعداء
    الردود: 1
    اخر موضوع: 28-01-2009, 06:44 PM
  3. قصة طفل يصرخ اثناء الصلاه
    بواسطة ام محمد وتقى في روضة السعداء
    الردود: 8
    اخر موضوع: 31-03-2008, 09:08 AM
  4. الصلاه الصلاه -تربيه الاولاد على الصلاه
    بواسطة entros في الأمومة والطفولة
    الردود: 11
    اخر موضوع: 19-03-2008, 10:23 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96