السلام عليكم
ممكن تفتكروا أنى مشكلتى بسيطه ومالهاش سبب بس والله هى مسببالى ضيق
أبنى عنده سنه وسبع شهور ربنا يحميه ماشاء الله عليه بيفهم كل حاجه وأبتدى يتكلم كلمات بسيطه المشكله أنه كثير الحركه وشقى لأبعد حد وأخيرا كنا برحله مع مجموعه أصدقاء معهم أطفال فى مثل عمره هو مختلف عنهم كليا شقااااااااااااااوة لدرجه أجبرتهم على التعليق (كثير الزن ....وحاجات تانى كتير أكيد بتحصل معاكم)
كان طبعا سبب فى أحراجى فى كثير من المواقف ومش عارفه كيف أبدا بتربيته عشان يفهمنى فى التجمعات دى ويفهم أنه لو عمل غلط هاعاقبه أزعق ولا أضرب مع العلم أنى ضد مبدأالضرب وكل اللى معايا أنتقدونى وقالولى لازم يخاف منك ماهو عشان مش بتخوفيه هو كده كأنه لاسمح الله مش طبيعى ولابيه شىء
والله متضايقه وماليش نفس أخرج بيه أرجوكم قولولى أبدا معاه أزاى وأزاى يعرف مبدا الثواب والعقاب؟؟؟؟

وعليكم السلام ورحمة الله وبركاته

فكرتيني ببنتي الصغيرة هي في عمره ..

شوفي ممكن تبدأي معاه بالتشجيع يعني لو عمل حاجة صح تصفقي له وتشجعيه ولو عمل غلط طنشيه ..

بعدين انتقلي لمرحلة الزعل والعقاب .. وقفيه في الزاوية لمدة دقيقة وحدة وانت زعلانة منه ..

مرة بنتي كبت الأكل على الأرض وزعلت منها ووقفتها وقلت لها لاتتحركي من هنا انا زعلانة منك .. وطبعاً مافهمت ومشيت ورجعتها كم مرة وآخر مرة قلت لها انت معاقبة !! قالت لي ها؟

ربنا يبارك لك فيه يارب
انا ابنى فى عمر ابنك بالظبط وهو برده بيغلبنى فى كل مكان لدرجة انى حرمت اخرج بيه من البيت
بس دكتور سلوكيات فى التلفزيون قال المفروض اننا مش نتحرج من الحاجات دى ولا تتاثرى بكلام الناس واوعى تسمعى كلامهم انه لازم يخاف منك دى بالعكس تماما لازم كل حاحه تبقى مبنيه على الحب والتفاهم
وطبيعى انه يكون شقى ويتحرك كتير امال هيطلع طاقته فى ايه
انا مش هقدر اقول لك تقدرى من امتى تربيه ويعرف الثواب والعقاب لان اللى متاكده منه لغايه دلوقتى ان السن دى عمره ما هيفهم يعنى ايه انت معاقب ، ولو زعقتى او ضربتى او استخدمتى اى نوع من العقاب مش هيفهم وهيعيط وخلاص وبرده مش هيتعلم حاجه

انتى بس لما يعمل حاجه غلط تجاهليه وهو من نفسه لما ميلاقيش ان حد بيعلق عليه هيسكت لوحده وبرده شجعيه لما يعمل حاجه صح وبالتعود ان شاء الله هيفهم

على فكره انا بحب الصبيان الاشقياء دول .. بيبقى ما شاء الله ذكى و عنده طاقه.
فى بقى كام نصيحه صغيرين على الماشى كده رغم انى لسه معنديش خبره بالتربيه لان بنتى لسه نونو
لكن عندى شويه معلومات لا بأس بها برضه
- متعاقبيش الطفل و تزعقى فيه قدام الناس.
- مش تشتكى من انه شقى او مش بيسمع الكلام او اى حاجه مضايقاكى فيه لحد و هو موجود.
- لما تحبى تفهميه انه عمل حاجه غلط ممكن تاخديه فى اوضته او حتى على الكرسى فى نفس المكان بس محدش يكلمه و تخليه يقعد شويه 5 دقايق كده يدوب على قد سنه و تقوليله انت هتقعد هنا علشان انت عملت كذا و كده غلط و بعدها ترجعى تقوليله مثلا خلاص مش هنعمل كده تانى علشان ماما مش تزعل منك . الاطفال ما شاء الله اذكياء و بيفهموا يعنى ممكن اول مره يستغرب العقاب ده و ميبقاش فاهم بس مع الوقت هيبدأ يفهم انه بيقعد فى الاوضه لوحده علشان عمل حاجه مش مظبوطه.
- طبعا بلاش يكون العقاب كتير اوى ورا بعض يعنى فى حاجات ممكن تتجاهليها و حاجات عاقبيه عليها لانه مع تكرار العقاب كل شويه الطفل هيمل و يتعود انه هيقعد شويه فى الاوضه و بعدين يخرج و خلاص كأن مفيش حاجه حصلت ، و فى الحاله دى انتى ممكن تستعملى حاجه تانيه بجانب انه قاعد لوحده زى مثلا لعبه بيحبها تفهميه انه مش هيلعب بيها النهارده علشان عملت كذا و خصوصا لو هو عنيد .
- لو شجعتيه و قولتيله هجيب لك مثلا شيكولاته يبقى لازم لازم تنفذى كلامك و كذلك لو عاقبتيه حرمتيه من حاجه هو بيحبها.
- سنه ده مناسب انه يبدأ يفهم ايه الغلط و ايه الصح لان الطفل بيربط بين السبب و النتيجه و دى مهاره بيكتسبها من هو صغير اوى بس زى ما قلت لك مش كل حاجه تعاقبيه عليها.
- طبعا انا ضد الرأى اللى بيقول انه لازم يخاف منك بالعكس المفروض يكون بيحبك اوى زى ما الاخت wafa2 قالت علشان يخاف انه يزعلك حتى لو انتى مش قدامه لكن لو بيخاف منك هيروح يعمل الغلط من وراكى و خلاص.
و اخيرا لازم تكونى صبورة جدا لان التربيه مش سهله
ربنا يبارك لك فيه و يهديه .. و ارجو انى مكونش طولت عليكى

حبيبتي .. ابني كان تقريبا هكذا في مثل عمر ابنك .. اولا طبيعي ان يتحرك ويتشاقى .. كما افادوك الاخوات لا تصرخي عليه امام الاخرين .. ولا تعاقبيه امامهم .. اعرف انه في بعض الاحيان ستخرجين عن طورك ولكن حاولي ..
الامر الاخر : حاولي ان تخرجي به كثيرا الى اماكن الالعاب .. فطفلك لديه طاقة ويريد ان يخرجها فكوني حكيمة ليخرجها في الالعاب في الحدائق وهكذا .. يعني اذا احببت ان تلتقي باحدى صديقاتك فاتفقي معها على حديقة او مكان العاب ، منه الاطفال يلعبوا وفي نفس الوقت لا تحرجي امامهم ..
الامر الاخير : حاولي ان تستوعبيه قدر الامكان بحبك .. ثم اذا فعل اي خطأ انظري له نظرة حازمة وقولي : خطأ مع التكرار سيفهم عليك اما العقاب فما زال عقله صغيرا على استيعابه .. اعانك الله على تربيته التربية الصالحة

والله كأنك بتتكلمي عن بنتي وهي أكبر من ابنك عندها سنتين و3 شهور بس مغلباني جدا ...شقاوة وعفرته مقولكيش ده غير الضرب والعض للي قدره بيوقعه في ايديها فعلا هتجنني ,,المشكلة بقي اني حامل وخلاص قدامي شهر وأولد وخايفهاوي منها انها تحس بالغيره وده يزود الطين بله ربنا يستر ... مش عارفه اعمل ايه؟؟؟؟؟

جزاكى الله خيرا يا همس على الموضوع الجميل ده لانه واضح انه يخصنا كلنا
انا كمان مانو فى سن ابنك تقريبا وانا فى اجازه بيها عند مامتى وكل الناس بتشتكى منها وشغاله ضرب الله ينور فى بنات اختى الكبيره 4 سنين والصغيره 8 شهور ومش مهنياهم على لعبه ولا على اى حاجه
انا كنت فى الاول بتجاهل اللى هى بتعمله واقولهم ده عادى وانا مش مدلعاها ولا حاجه بس الشكاوى بتزيد حتى من اى حد جاى يزورنا او لو رحنا لحد وبدات اتغاز منها وساعات اضربها
بس بعد ما قريت الموضوع قررت انى ارجع لسابق عهدى واكتفى بالنظرات واقلها انى زعلانه منك لغايه ما تفهم

هههه ده بلال كده برده طب ولله كويس كده انا اكمنت عليه هههه
بوصه بقه انا سالت الدكتور بتاع بلال قالي اصلا الطفل اللعبي ده طفل زكي و كل ده عادي و اصلا السن ده ميتعقبش فيه بس كل الاعمله اتجاهل تصرفاته خالص و اكلمه براحه طبعا مش بيكون فاهم كل حاجه و بيعمل حجات مستفزه بس الدمتور قالي لسه مشش يفهم العقاب مش ده سن العقاب يعني و عادي كل الاطفال كده اه بيتعبونه طبعا بس مش معني كده اني احبسه في البيت بالعكس انزله و اخرجه في اماكن يخرج الطاقه و ربنا يهديهم يارب و يقوينا عليهم

شكرا أخواتى على تفاعلكم معايا
حمرة الورد
على فكره أنا أبتديت فعلا أعاقبه فى مكان معين وأقوله ماينزلشى مثلا من على الكرسى عشان ماما زعلانه time out
wafa
عندك حق لازم ماأزعقلوش قدام الناس عشان ماتطلعشى شخصيته ضعيفه
mory
ربنا يحميلك بنتك وتكبر وتغلبك زينا كده
زوجى تاجى
أنا باحاول أخرج بيه كتير بس المشكله بتكون فى الزيارات المنزليه الفضايح كلها بتطلع
بسنت...ميرا
ربنا يقومكم بالسلامه
om balal
حمد الله على سلامتك ومبروك على عمار بس باذن الله شويه كده وهايكبر ويلهى بلال