السلام عليكم ورحمه الله وبركاته

اخواتي العزيزات بنتي الصغيره عند تطعيم الاربع اشهر وزنها طلع قليل اوي مش عارفه ممكن اعمل ايه
هي بترضع طبيعي ودخلت لها سيريلاك ارز من اول الشهر الرابع
بتاخد حوالي 80 ملي مع 3 ملاعق سيريلاك صبح وبليل وطبعا بالعافيه
وممكن لما ترضع او تاخد السيريلاك تفضل بالخمس ساعات مش عايزة تاكل تاني

طبعا وزنها قليل قوي ما زدتش غير 900 جرام في شهرين الدكتور قال وزنها اقل من الطبيعي وانا زعلانه ومش عارفه اعمل ايه معها

انا سمعت كتير من طبيب في التليفزيون ان الطفل في الست شهور الاولي بيزي د مابين 800 لحد كيلوا جرام كل شهر لكن هي مش جيبه حتي نص كيلو في لاشهرين الاخرين

اهلا ام عمار
ربنا يبارك لك في لينة ويحميها
بصي انا الدكتور كان بيقولي ان اول شهور المفروض تزيد 20 او 30 جرام يوميا
يعني في الشهر اقل شئ تزيد 600 جرام
حاول ي تتغذي كويس حتى يكون لبنك مفيد ويغذيها
انا اعطيت ابني سيريلاك القمح على 4 شهور ممكن تجربيه
وادخلي ركن الحمل والولادة واسالي الدكتورة شروق الهيتمي ان شاء الله تفيدك حتى تعرفي عدد الرضعات المناسب وهل بنتك محتاجة لبن صناعي اولا
ياااااااااااااااااااااارب اشفي لينة وبارك فيها يارب
وطمنينا عليها يا جميلة

جزاك الله خيرا يا ام سيف وربنا يكرمك على ردك
انا فعلا جيبت سيريلاك قمح قدرا كده لاني ملقتيش الرز ادامي فجبت قمح
الفكره في الكميه اللي بتأكلها وتفضل فتره كبيره من غير اكل بترفض
والله وقفت الرجيم علشان خاطرها وباكل بالعافيه بس مش عارفه اعمل ايه في الكميه القليله بتعتها
حاحول اشوف الدكتوره شروق بس المشكله اني نازله مصر بعد بكره خلاص ومعنديش نت في البيت

ام عمار مصر هتنور بوصولك
حاولي تكلمي الدكتورة شروق حتى لو على الخاص
ربنا يهدي لينة ويشفيها ويبارك لك فيها يارب

ام سيف ربنا يجزاك خير هي فتحت موضوع في ركن الحمل ويرب ترد علي بسرعه