السلام عليكم اخواتى الكرام
اليوم قريت موضوع مهم جدااا وحبيت انقله اليكم لتعم الفائده وحتى لايقع احد فى مثل هذه المشكله
يا جماعة أنا عايزة ألفت نظر كل أم لموضوع خطير أمهات كتير ما بتاخدش بالها منه وممكن يسبب العقم والعياذبالله للولد .الحكاية دي حكاها لي أخويا وهو طبيب مسالك بولية : جاله في المستشفى شاب عنده 15 سنة بيشتكي من صغر الخصية بعد الكشف عليه لقاه معندوش خصيتين أصلا لأنه في صغره كان عنده خصية معلقة و ما اتعالجتش وطبعا خلاص مبقاش ينفع علاج في السن ده و اتحكم على الشاب المسكين بالعقم نتيجة جهل الأم. أم تانية كانت جاية لدكتور الأطفال ما لقتهوش قالت ادخل طوارئ و يشاء ربنا ان أخويا كان هناك مناوب الأم دي كان معاها تلات ولاد الصغير عنده سنة و الكبير ست سنين كانت شكوتها ان ابنها الصغير نموه مش عاجبها و ما بياكلش الكلام العادي ده راح أخويا بيكشف على الولد و بيبص على بطنه خد باله ان كيس الصفن عنده فاضي من الناحيتين بيقولي رحت مقلع أخوه اللي أكبر منه لقيت نفس الحكاية راح مقلع التالت لقى نفس الحكاية راح قايل للست ايه ده يا مدام ولادك التلاتة عندهم خصية معلقة و انت مش واخدة بالك مستنية يجيلهم عقم ؟ الست انهارت و عيطت و قالت مخدتش بالي ابدا من الموضوع ده قال لها بكرة تاخدي التلاتة مستشفى الدمرداش يعملوا عملية و فعلا عملوا العملية . لو عندك ولد لازم تاخدي بالك قوي و تتاكدي ان الخصيتين موجودين في كيس الصفن لأن وجودهم خارج الجسم مهم لأن الخصية لازم تكون حرارتها أقل من الجسم و عدم نزولها معناه موت الخلايا المكونة للحيوانات المنوية و بالتالي العقم . لو لقيت البيبي ساعات موجودة و ساعات مش موجودة ما تقلقيش قوي بس لو مش موجودة على طول لازم يكشف و الدكتور حيعمل سونار لو موجودة في الحوض مش مشكلة لكن لو جوة تجويف البطن لازم عملية و ممكن العملية تتعمل من عمر ست شهور و كل ما تستني بعد كده ممكن الخلايا تموت وتحصل مشاكل انت في غنى عنها. ربنا يحفظ لنا ولادنا .
الروابط المفضلة