...أزيكم يا أشطر أمهات يارب تكونوا كلكم بخير..
..شوفوا بقي ..أنا لسه حامل لأول مره والولاده أن شاء الله علي رمضان ربنا يكملي علي خير أنا والبنات يارب..مش عارفه أشتري هدوم أيه ومستلزمات أيه علشان الولاده أن شاء الله...
..يعني قالولي البيبي بيحتاج 6 غيارات داخليه تقريبا "بنطلون قطن+فانله نص كم+فانله كم" ومش عارفه بيحتاجوا حاجه تانيه ولا أيه ومش عارفه أجيب هدوم خارجيه أيه وعدد كام؟؟وبافتات وشرابات وكوفرته وكده ..
...ده غير اللوشنز والزيوت والبودره والببرونات ومستلزمات البيبي عموما..برضه مش عارفه هبقي محتاجه أيه؟؟؟
..وسرير البيبي لقيت منه اللي ليه مستويات للأرتفاع واللي من غير والكبير والصغير برضه مش عارفه أختار حاجه مناسبه..
..نيجي بقي ليا ..اللي فبالي أني هكون محتاجه بيجامات بكم وقطن يعني توب وبنطلون واسع علشان المستشفي بعد الولاده علطول ..ولا هبقي محتاجه أيه بالظبط أحطه فالشنطه ليا وللبيبيهات ...
...معلش يا بنات هتقل عليكم بس بجد أنا مش عارفه خالص وكل حد بيقوللي حاجه ..وأنا عاوزه أعرف كل الأحتياجات مره واحده علشان أحضر نفسي ...
..أنا عارفه أن المنتدي بجد مليان أمهات ماشاء الله شطار خالص وياريت تفيدوني بخبراتكم ولو أي حاجه تانيه مهمه أنا مسألتش عليها ياريت برضه تقولولي...
الروابط المفضلة