بنتي لسة صغيرة لكن انا رافضة المبدأ اصلا و كل ما تيجي سيرة الختان ادافع عن بنتي بأستماتة لدرجة اني قلت لو اصريتم او عملتم حاجة من ورايا هبلغ الشرطة . انا شخصيا مختنة و بصراحة مش شايفة ان في فرق كبير بين المختنة و غير المختنة لأن في النهاية التربية الجيدة هي اللي بتشكل البنت , يعني مش الختان اللي هيمنعها من الوقوع في معصية لا قدر الله , انا اعرف بنات كتير غير مختنات و في قمة الإلتزام و الأدب و العكس صحيح ,.
تصفحت النت علشان اعرف رأي الدين , لقيت كلام كتير عن الختان بين مؤيد و معارض و بين اللي ماسك العصاية من النص يعني لا مؤيد و لا معارض لكن في العموم مفيش رأي بيقول انه لازم او واجب دينيا .
قولولي بالله عليكم , بنتي اللي بخاف عليها اكترمن نفسي و بموت ألف مرة لو كانت بتتألم او مريضة لا قدر الله أزاي أوافق انه يحصل لها كدة ؟؟ ازاي و انا أمها اللي المفروض اني حصنها من اي شيء يضرها او يألمها اقوم بأيدي اسلمها لدكتور يقطع منها حتة لا هتفيد ولا هتضر لكن هتسيب ف نفسها اثر سيء انا مجرباه .
انا خلصت كلام و ياريت اسمع رأيكم .
الروابط المفضلة