السلام عليكم اخواتي بالمنتدي اخباركم ايه ده اول موضوع ليا في الركن ويارب الاقي ترحيب واستجابه منكم

انا باذن الله حامل بتوام وعايزه اشتري للبيبيز عربيه توينز بس مش عارفه اجيبها منين ده لاخواتي بالرياض
ولاخواتي بالمنتدي عايزه اسالكم تنصحوني بيها ولا لا ويبقوا ورا بعض ولا جنب بعض
وعايزه اجيب ليهم لبس شتوي لمصر اجيب اد ايه وايه اللي تنصحوني بيه انا حيرانه محتاجه مشورتكم وشكرا جزيلا مقدما

اولا ربنا يارب يكملك علي خير و يجعلهم ذريه صالحه سليمه معافاه ان شاء الله بوصي انا معرفش اماكن في الرياض الصراحه ان شاء الله الاخوات يفيدوكي بس انا حبيت ادخل ابركلك :]
و انا من رايه ان تجيبي الجنب بعض حسها الذ يعني و بيعجبني شكلها

جزاك الله خيرا اختي ام بلال كنت اتوقع ردود اكتر مشكورين ما كنت اتوقع منكم هذا

طيب للبس عايزه رايكم اخد اد ايه خاصه ان ميلادي في شهر 3 ان اراد الله دلوني يا جماعة الخير

انا كمان ولدت ابنى فى شهر 3 اللى فات
بصى الدنيا فى مصر كانت لسة شتاء انا كنت بلبسه فانيلة نص كم وواحدة بكم وبعدين السالوبيت قطيفة وبعدين الفه بكوفرته وفى البرد بطانية
والدكتور كان بيقول الطفل بلبس ازيد منك طبقة واحدة
واى استفسار انا حاضرة ويسعدنى اساعدك
ربنا يقومك بالسلامة وتفرحى بيهم يارب

ام سيف ربنا يبارك فيك حبيبتي انا اول مره انزل مصر من فتره طويله في الشتا فحاسه ان نسيت الشتا بتغيرلي ليه كل اد ايه بيحتاجوا كام غيار يعني انا حاسه اني ام لاول مره مع اني معاي اطفال تانين بس انا مش بحب الشتا وخايفه اوووي ساعدوني ربنا يحفظلكم اولاادكم

ربنا يكمل ليكى على خير أن شاء الله وتقومي بالسلامة
بالنسبة للعربة أعتقد أنك ضروري حتحتاجيها وخصوصا بالماركت
وعربة التوينز بجانب بعض ممتازة رغم المساحة ولكنها أفضل لراحة البيبي فخلف بعض لا يوجد بيها مكانين للنوم الكرسي الأمامي غير مريح للنوم
ومكان الشراء بالرياض توجد أماكن كثيرة وفى كل مكان تجديها وبكل المولات عند أشياء الأطفال
ولو أردتى مكان مخصوص فى مكان ذهبت إليه مليء باللعب ومستلزمات الأطفال والعربات وما شابه أعتقد أن أسمه سوق اللعب متفرع من شارع الخزان وأكيد هو أرخص لو ذهبتى إليه

انا مش من الرياض لكن ممكن افيدك لاني عندي توأم .. و ادعيلك من كل قلبي ربنا يقومك بالسلامة و حابة اقولك اني حاسة فيكي في التعب اللي بتتعبي في الحمل لان الحمل في التوائم ليس بسهل ابدا

شوفي يا عيوني بالنسبة لعربية التوائم هي مش مهمة بس و انما مهمة جدا جدا جدا ابدا لا تترددين انك تشتريها .. نصيحتي انك تشتري اللي ورة بعض اسأليني انا لاني اشتريت الاثنين .. اشتريت اول شي اللي جنب بعض و ندمت اني جبتها عارفة ليش ؟ لانها بتاخذ مساحة كبير اثناء تخزينها او نقلها في السيارة و ثانيا عريضة من الجوانب يعني في محلات ما راح تقدرين تدخلين من الباب مالها راح تضطرين تدورين على باب ثاني يكفي الترولي عشان تدخلي منه .. و ثالثا و هو الاهم ان الترولي اللي جنب بعض ملفتة للنظر جدا و حتلاقي كل الناس في الشارع يطالعونك و طبعا اطفالك حيكونوا معرضين للحسد العياذ بالله ..

لذلك انا مليت منها و تعبت فرحت و اشتريت الثانية اللي ورة بعض مريحة جدا و اقدر ادخل من اي باب حتى لو صغير و غير ملفتة للنتباه يعني الثاني اللي قاعد ورة مش ممكن يبين ههههههه

و بالنسبة للهدوم انصحك تشتريهم قطن خالص و اكيد في السعودية في محلات البيبي شوب و المذركير .. و حاولي تجيبيهم شوية كبار يعني من سن 3 شهور الى 6 شهور لان التوائم بيكبروا بصورة سريعة ما شاء الله

اتمنى اكون افدتك

بس ما قلتيلنا شو راح تسميهم ؟؟

انا ولادي بنت و ولد سميتهم علي و علياء

الله يحفظهم يا رب

وعليكم السلام ورحمة الله وبركاته

بصراحة انا كنت استعمل اليي ورا بعض لبنتي وولدي ونفعتني كتييييير بس كانت كبيرة جداً .. يعني الكرسيين يتمدوا للآخر احرصي انك تاخدي هدا النوع .. لأنه فيه نوع الكرسي اليي قدام مايتمد للآخر ويبقى الطفل فيه قاعد لما ينام ماتقدري تنزليه ( بس هده قديمة جداً)

المهم اليي جنب بعض شكلها احلى بس عيبها الحجم .

بالنسبةللشتوي اعتقد في الرياض الجو بارد وتقدري تقيسي عليه انا افضل اني ما البس الأطفال طبقات خاصة المواليد لأنهم يسربوا كتير وكل الطبقات ممكن تتوسخ فأفضل شي تغطيهم بالبطانيات في البيبي كارير .

بالنسبة للمحلات شوفي الهرم حالياً ولو تروحي علر شهر ١ والا ٢ سنتربوينت تلاقي تخفيضات هاااااائلة السنة الماضية اخدت الجاكيت الكامل اليي بجونتياته وشراريبه بعشرين ريال .

الله يقومك بسلامه ويحفظ لك ابنائك

ربنا يتمم لك على خير وتقومى بالف سلامة

والله كان نفسى افيدك انشاء الله البنات يفيدوكى