السلام عليكم....
أنا مره محتاره وابغى اللي عندها خلفيه ترد عليه ومشكلتي أنو:
انا عندي بنت عمرها تسعه شهور وانا من يوم جبتها وانا استخدم (العزل) ولكن هذا الشهر حصلت لخبطه بس في البدايه يعني بعد الدورة بخمس ايام وانا اعرف انو هذي الفتره خطيره المهم انا ليه من دا الكلام اسبوعين وكم يوم يعني باقي اسبوع وتجيني الدوره لكن المشكله ما ادري ليه احس اني حامل مع اني ما احس باعراضه بس ليه كم يوم احس بطني منفوخه واشتهي اكل معين بس مو نفس اعراض وحمي في بنتي...هل يبان الوحم من دحين...
زوجي يقولي تتوهمي...بس امس واليوم اشتغلت كثير في البيت وبدأت احس بمغص والم في الظهر قوي شويه مع انو آلام الدوره تجيني بنفس اليوم وتكون خفيفه
سمعت عن كشف للحمل ماادري باي منتدى وهوه انو اخد عينه من بول الصباح ونضع عليه كلوركس ماادري صح هدي الطريقه ولا لا المهم عملتها وحصل تفاعل يعني فوران وهدا حسب كلام الي كاتبه الطريقه يعني فيه حمل
انا ماابغى احمل وفي نفس الوقت اخاف انو يكون اجهاض وانا في غربه ونازله لاهلي بعد اسبوع
لكن احس الالم يشتد ساعدوني اش اعمل ؟
وسامحونيييييي بالمرة على الاطاله

أختي نتيجة الفحص تظهر أوضح بعد فوات الدورة. يعني انتظري وقومي بعمل فحص طبي إذا فاتتك الدورة، إما عن طريق الجهاز المنزلي تشتريه من الصيدلية، أو اذهبي إلى أي مختبر وقومي بعمل فحص وتوضح النتيجة خلال دقيقتين.

اموره الشطوره ابي اوضح لك عدة امور اولا طريقة التاكد من الحمل الي ذكرتيها غير صحيحه انا جربتها وسواء كنت حامل اوغير حامل يحدث الفوران وغير كذا الوحم ماتحسي به الابعد اسبوعين من انتهاء موعد الدوره تقريبا ولايمكنك التاكد من الحمل الابعد موعد الدوره بكم يوم وبالنسبه انك تشتهين طعام معين فهذا دايم يحصل معاي والله اعلم انه وهم وبالنسبه لالم البطن والظهر فهو طبيعي وياتي قبل الدوره بايام المهم الله يكتب الي فيه الخير وداري نفسك لين ماتتاكدين من مسالة الحمل وطمنيني

ايمان الله يجزاك خير عالرد...
ام عبود وسلوم مره تسلمي بالقوه وضحتيلي امور كنت ابغى اعرفها الله يجعله في ميزان حسناتك
بس سوال لو مافيها كلافه
متى تظهر اعراض الوحم عادة يعني باي شهر لانو ما اتذكر حملي ببنتي كيف كان؟

اختي اموره الشطوره بالنسبه للوحم والاحساس فيه انا بالنسبه لي بعد اسبوعين تقريبا من انتهاء موعد الدوره الى شهر ومدة الوحم تختلف من حمل لاخر واريد ان انبهك لنقطه بالنسبه لي عندما يقترب موعد الدوره احس بالام بظهري وبطني وكان الدوره تبي تنزل ومع كذا يصير حمل واي سؤال انا حاضره

نصيحه مني لاتعتمدي على جهاز اختبار الحمل الى يباع في الصيدليه انا جربته في عز حملي وكان يعطيني النتيجه سلبيه افضل شي ونتيجته اكيده هو التحليل

اختي امورة الشطورة
السلام عليكم
من خبرتي في العمل في المختبرات الطبية فأني انصحك بعمل التحليل في الدم والذي سوف يعطيك النتيجة الاكيدة خلال ساعة تقريبا ويعتمد هدا التحليل على قياس نسبة هرمون اسمه BHCGوهو لا يوجد الا في الحمل اذا كان صفر فلا يوجد حمل اما اذا كان اكثر من 20 فالحمل اكيد وايضا هرمونات اخرى لا اريد الان التفصيل . بالنسبة للتحليل في البول فهو لا يعطي نتيجة الا اذا كانت نسبة الهرمون كبيرة بعكس الدم فأي نسبة للهرمون يمكن قياسها

بالنسبة للوحام يمكن يكون الي تحسينه نفسيا لأنك تترقبين الحمل
سامحيني للاطالة وطمنينا عليك