السؤال الاول : كيف تعاملتى عزيزتى الام مع مغص طفلك الرضيع ؟
الاجابة : انا عانيييييييييت مع اسيل كتير اوى لانها كانت من الاطفال اللى المغص مستمر معاهم والله كانت فترة صعبة
اول حاجة نظمت رضاعتها وطبعا اخليها تتكرع وكل الاعشاب جربتها ونوم على البطن وتدليك البطن واعمل للرجلين حركة العجلة واديتها ادوية كتير بس كنت بحرص ان الادوية اللى بعطيها لها تكون كلها اعشاب وطبيعية زى بيبى درينك وبيبى ريست ...اكوافيرا....دنتينوكس....ولا حياة لمن تنادى برضه مفيش فايدة
مابقاش قدامى الا الصبر فى الفترة دى بجد كنت بعد الايام لحد ما 3 شهور دول يعدوا والحمد لله هى زادت عنهم بس ارتحت كتييييييييير بعدها
ممكن اى حاجة من اللى جربتها تفيد اى ام تانية باذن الله بس لو ما حصلش بوصى اى واحدة انها تستحمل وتجمد قلبها شوية ويااااما هنشوف
السؤال التانى : كيف تعاملتى مع ارتفاع الحرارة لطفلك الرضيع ؟
الاجابة : الحمد لله ما عنيتش كتير من الموضوع دة الا مع التطعيمات وكنت اول ما ارجع اعطيها 7 نقط سيتال والحمد لله بتعدى بس دة لحد الشهر السادس وطبعا لما الطفل يكبر شوية الجرعة دى غير فعالة
السؤال الثالث : كيف تعاملتى مع التسلخات ؟
الاجابة : اهم حاجة التنضيف باستمرار ولو الام واظبت بعد كل غيار تدهن زيت زيتون او بيبى اويل ان شاء الله مش هيحصل اى تسلخات لان المادة دى هتكون زى العازل وطبعا زيت الزيتون فوق الممتاز للموضوع دة حتى للعلاج مش بس الوقاية
الروابط المفضلة