فى الحقيقة الموضوع ده شاغلنى من فترة كبيرة و عايزة أكتبه بس مافيش وقت
طبعا الموضوع باين من عنوانه
حاجات طفلك القديمة .. بتعملى بيها إيه؟؟؟؟؟؟؟
يعنى هدومه و العابه و ببروناته و كللللللللللل حاجة
بتخليهم عشان الطفل اللى جاى ان شاء الله؟
و لا بتوديهم لحد محتاجهم سواء قريب او غريب؟
انا عن نفسى كللللللللل هدوم ياسين اللى بتصغر عليه و الاحذية بوديها لاى حد محتاجها
سواء الحد ده قريب او غريب
يعنى ابن قريبى جسمه اصغر من ياسين شوية ف بديلو شوية حاجات
و فى حاجات ببعتها لناس محتاجين
و فى حاجات ببعتها ملجأ الأيتام
و حاجات بسيطة جدااااااا بتكون غالية عندى بشيلها للذكرى
يعنى اول طقم لبسه سيسو اول ما اتولد , اول تى شيرت خروج و اول بنطلون جينز
طبعا حماتى بتقولى خليهم للبيبى اللى بعده ان شاء الله
بس انا بقول ان كل واحد بييجى برزقه و ان زى ما ياسين لبس جديد فى جديد ان شاء الله اخواته يلبسوا جديد فى جديد و ربنا يوسعها علينا و يرزقنا من فضله
طبعا بعد الرغى ده كله بتقولوا الموضوع شاغلنى فى ايه؟؟؟؟؟
و ايه الست الرغاية دى بتقولنا كل ده ليه و احنا مالنا
و الله ربنا يعلم انى ما كتبت هذا الكلام الا لوجه الله تعالى
لان فى ناس فعلا محتاجة الحاجات القديمة اكتر من طفلك اللى جاى
فى اطفال بيتولدوا مش بيلاقوا حتة قماش تلف جسمهم الضعيف
فى اطفال بيلبسوا احذية مقطعة و فى عز البرد ما عندهمش ملابس داخلية تدفيهم
و الله و الله ان فى حكاية حصلت فعلا و كل ما افتكرها اتنكد
تخيلوا طفل اتولد و كانوا بيلفوا على الناس فى المستشفى عشان حد يسلفهم بنطلون و حد يسلفهم فانلة و حد يديهم بامبرز عشان يلبسوهم للولد
لا حول و لا قوة الا بالله العلى العظيم
يالا يا اخواتى
كل واحدة تدخل تفتح دولاب ابنها و تاخد شوية هدوم و ببرونات و العاب و توديها ملجأ و لا لحد محتاج او لواحدة فقيرة قربت تولد
و ربنا يكرمكم و يجازيكم الجنة يارب
إذا أعجبكم الموضوع فقولوا يارب أهدى ياسين و أجعله من الصالحين .. رب أشرح له صدره و يسر له أمره و أحلل عقدة من لسانه اللهم آآآآآآميييييييين
الروابط المفضلة