السلام عليكم ورحمة الله وبركاته
أنا إبنى سألنى سؤال من كام يوم معرفتش أرد عليه
هو عمره خمس سنين و10 شهور
قالى ( يا مامى هو ربنا خلقنى إزاى؟)
بصراحة معرفتش أوصله المعلومة خالص وإتضايقت من نفسى ....الحمد لله أنا إبنى ذكى وبيفهم بسرعة
أولا أنا قلتله إنت كنت صغير فى بطنى قد النملة من ساعة ما أنا إتولدت وفضلت تكبر فى بطنى ولما بطنى كبرت قوى رحت للدكتور وفتح بطنى وطلعك...........
تصوروا قالى إيه....!!!
قالى لأ يا مامى مش قصدى الولادة قصدى إتخلقت إزاى أصلا!!!!!
قلتله قصة خلق سيدنا أدم عليه السلام من طين
وكيف نفخ الله فيه من روحه و...و...
لكن حاسه إنه مش مقتنع أو مش فاهم
هو فى الأخر سكت ومردش ولا قالى فهمت ولا حاجة
ومحتارة .....خايفة أكون ضللته أو صعبت عليه الموضوع أكتر
الله يصلح حالكم حد عنده حل للمأزق اللى أنا فيه
ويا ترى من رأيكم أنا جاوبت كويس ولا كان ممكن أقوله حاجة أفضل من كده ولا إيه
فى إنتظار ردكم جزاكم الله ألف خير
وإدعوا لى ربنا يباركلى فى إبنى ويرزقنى بأخ أو أخت له عاجلا غير آجل
الروابط المفضلة