شكراً لك على طرح الموضوع المهم..
ابني عمره سنة و7 أشهر ومش حاطة ببالي أبداً إني أبدأ تنظيفه وتعويده على الحمام الآن لعدة أسباب: حالياً انا حامل بأول الشهر السابع ومافيني أضل أحمل ابني كل نص ساعة وأركض فيه على الحمام.. او انظف الأرض إذا وسخها خصوصاً انه ماعندي احد يساعدني.. تاني اشي ابني مابحكي لسا يعني ماراح يعرف يعبر إذا في بِ بِ ..
ومن تجارب كتيرة سمعتها.. مثلاً أختي نظفت بنتها على عمر سنتين وشهرين وعلى طووووول اتعملت ماشاء الله لأنها كانت كبيرة وبتفهم انه خلص لازم النونو تعملها بالحمام..
والي صديقة عمر بنتها سنة و8 أشهر وصارلها 3 أشهر بالضبط بتحاول تنظف فيها بس على الفاضي وجننتها مع انه بنتها بتفهم وبتحكي شوية كلمات بس مش قادرة تتحكم بالبول وطبعاً صاحبتي بدها تشد شعرها لأنه بنتها كتير طولت وطالما بدأت معها مابتقدر تتراجع عن قرارها انها تنظفها.
نقطة تانية بسمع كتير انه الأولاد بغلبوا أكثر من البنات فعشان هيك تاركة الموضوع لبعد ولادتي إذا كانت ماما او أحد من أهلي عندي بساعدوني بتنظيف ابني أما غير هيك مش كتير هاكلة هم الموضوع من هلأ
الروابط المفضلة