السلام عليكم
كيفكم جميعا
انا عندي بنتي عمرها الحين سنتين و8 شهور بس شكلها يدي سنتين او سنه ونص يعني شكلها صغير اوي المهم تعباني جدا في اكلها مش عارفه اككلها ايه عاوزه اعرف اكتر حاجه امفيده ليها ومغذيه في الفتره دي
تاني حاجه هيه عندها اخ عمره حاليا 6 شهور ما شاء الله مش عارفه هيه غيرانه منه بتحط ايديها في بقها وبتاكل ضوافرها تعبتي مره ازعقلها عشان تبطل ومره افهمها وكل ما شوفها بضربها علي ايديها عشان تبطل دا غيره ولا دلع مش عارفه؟
تالت حاجه ايه رأيكم في دخولها الحضانه في السن دا هيه الفكره عجباها وانا عاوزه اوديها عشان تتكلم احسن وتحفظ قرأن ايه رأيكم؟
رابع حاجه هيه بتصحي احيانا تعيط مع ان ممكن اليوم بيعدي طبيعي من غير ما اكون مزعقلها او ضربتها ؟
اخر طلب عاوزه اعرف اتصرف معاها ازاي في الخروج بتجري مني ومش بتسمع الكلام خلتني مش عاوزه اخرج يعني اخر مره كنت بفكر اشتري هدوم بتقعد تجري وتستخبي ورا الهدوم وتدخل اوضه القياس وتقفل الباب عليها وانا احاول اقولها تفتح وبتعمل كدا كمان لو باباها دخل يقيس حاجه تدخل وتقفل علي نفسها غرفه قياس لحالها
والحمام تعباني تتصدقو لما بخرج ممكن تطلب الحمام 4 او 5 مرات وغير كدا لما بتعرف مكان الحمام ممكن تروح وتسيبنا وتدخل الحمام وتقفل علي نفسها الباب مش عارفه اتصرف معاها ازاي
الروابط المفضلة