السلام عليكم
معلش انا هاتعبكم معايا بس انا فعلا مش عارفه اعمل ايه
ابنى عنده 8 شهور من 10 ايام او اكتر جالو دور احتقان فى زوره وخد مضاد حيوى وهدى 5 ايام تقريبا وفاجاه بالليل لاقيته سخن مولللع وقيستله الحراره لاقيتها 39.5 وجريت بيه على المستشفى غير الدكتور اللى كتبله المضاد الحيوى اللى قبل كده قالى ده ضعيف وهو عنده احتقان جامد كتيله حقن مضاد حيوى ولبوس علشان الحراره فضل يومين ياخد الحقن وبردو الحراره مبتنزلش كل ساعتين او تلاته بالكتير تعلى معه انه واخد مخفض حراره روحتله تانى قالى عايز مضاد اقور اداله حنتين فى اليوم ده واحده الصبح وواحده بالليل والحمد لله الحراره نزلت خالص وقالى هاتى تانى يوم اشوفه شافه قالى الحمد لله الاحتقان خف ادانى مضاد حيوى شراب قالى اكملهوله لمدة يومين طبعا الفتره دى كلها مش قابل اكل خاااااااااالص اليوم اللى كنت رايحه فيه للدكتور عضبت عليه فى الاكل رجع قلت يمكن علشان غصبت عليه وبعد كده لاقيت جاله اسهال سورى يعنى لونه اخضر اوى وفيه زى مخاط ابيض كده وبقى يعمل كذا مره فى اليوم الدكتور كتبله دوا لمعدته بس المشكله بقى فى الترجيع مش راضى ياكل خالص وكل ماياكل يرجع ودلوقتى بقى كل مايرضع يرجع المهم قالى على حقنة ترجيع خدها مرتين والحمد لله الترجيع هدى بس المشكله انه بقى مش عايز ياكل خااااالص بجد قافل بقه بطريقه فظييييييعه وانا خايفه اجبره على الاكل يكره الاكل ويتعقد لانه بصراحه الكام يوم اللى فاتو اللى كان بيرجع فيهم ماما كانت بتغصبه على الاكل ويرجع فقلت يمكن اتعقد
مش عارفه اعمل ايه فى موضوع الاكل ده الدكتور قالى مع دوا الاسهال لازم ياكل حاجات تمسك بطنه بطاطس وجزر ومية رز وكده وهو رافض تماما والاسهال خف عن الاول شويه بس لسه بيعمل كذا مره والترجيع وقف الحمد لله اعمل ايه ؟؟؟؟؟؟؟!!!!!!!
ردو عليا بلييييز وادعوله ربنا يشفيه ويهديه
الروابط المفضلة