انا قربت اتجنن يا جماعة لان ابنى ليه 4 ايام بدا يزن على طول من ساعة ظهور السنه الاولى وهو بيزن طول اليوم ورافض يرضع منى فى النهار والليل واشيله وبرضو يزن والاعبه وبرضو يزن الفترة اللى فاتت كنا فى اجازة العيد وكان اهلى معايا ومساعدينى فيه شوية اما من انهرضة الصبح انا وحدى معاه وتعبت خالص وكل شوية ابكى ومش عارفى اعمل ايه معقول كل ده بسبب السنان؟وبالليل يكون عاوز ينام ويعاند ويبكى يبكى ساعة وبعدين ينام من التعب-ايه الحل ؟

محدش رد ليه ياجماعة؟حد يقولى اعمل ايه

حد يرد عليا ويقولى اعمل ايه؟

اسألي دكتور الاطفال عن مرهم او نقط بتتحط على اللثه علشان تقلل الم التسنين
و ربنا يعينك

أيوة أنا جبت جيل مخصوص بيهدئ آلام اللثة.ممكن يساعد نوعا
بس بيتهيألى انك تعبت وبقيتى أكثر عصبية فدهأثر على لعبك معاه وبالتالى اثر زيادة فزرجنته وبعدين اثر عليكى أكتر واكتر وهكذا
أنا عارفة والله انك تعبانة معاه وكلنا مجربين.وللعلم انا هنا فغربة حادة فالعيد وغير العيد يعنى ولامساعد ولا ساعة واحدة حتى من زوجى...
اللعب بيلهى جدا وبيساعد على تهدئته وطبعا مش طول الوقت لكن معظم وقت فترة التسنين
حاولى تتفرغى شوية من شغل البيت حتى لو اضطريتى تعملى اكل سريع او جاهز ومش لازم النضافة المية مية دلوقتى.زبس العبى معاه بلعبه وبالتلفزيون ولو تقدرى تخرجى من البيت يريت حتى لو هيعيط بره
أهم حاجة اول ماينام نااااااااااااامى فاى وقت من اليوم عشان تقدرى تواصلى
طبعا حالة الراحة والتطنيش دى مؤقتة بس في فترة التسنين.....!!!!!!!منغير تلاكيك
ربنا يعينك وابقى طمنينى......وهحاول ابقى معاك والبنات كمان انشاء الله يفيدوكى.....
آه اتاكدى من أكله طالما مش راضى يرضع.....حتى لو رفض الاكل ده مش معناه انه مش جعان لكن بيبقى قريفة التسنين......اللعب وسيلتك حتى فالاكل

الله يعينك ياااارب
ان شاء الله تستخدمي الجل اللي قالو لك البنات ويرتاح ابنك شوي
بس انتي هدي بالك شوي وكلها فتره بسيطه وتعدي
قلبي معاك وطمنينا عليك

شكرا لردكم يا بنات وهستخدم الجل وهحاول العب معاه واشوف وربنا يعدى الفترة دى على خير

ايوة الاسنان تعمل كده

بس لو فى اعراض تانيه انتى شاكة فيها روحى لدكتور

وكمان زى مالاخت ماهى قالتلك فى جيل لتهدئة اللثه

ومعلش هى فترة ولازم تمرى بيها وربنا يعين الاطفال بيعانوا كتير