|
للبحث في شبكة لكِ النسائية:
|
متميزة صيف 1429هـ
يا بنات مصر ردوا عليا بسرعة ....... ألبس أبنى إيه؟؟؟؟؟؟؟؟؟؟
السلام عليكم يا حلوات
هدخل فى الموضوع على طول
انا مصرية و عايشة فى الامارات
هنا فى الامارت الجو لسا صيف
يعنى ابنى يادوب لابس فانلة داخلية واحدة و فوقها بيجاما قطن
و لو خرجنا برضو فانلة و فوقها تى شيرت نص كم و البنطلون و بس
احنا نازلين مصر اجازة الجمعة الجاية ان شاء الله
محتارة البسه ايه
يعنى الدنيا بردت فى مصر
يعنى اطفالكم دلوقتى لابسين كام طبقة و لابسين لبس تقيل و لا عادى
خاصة انى هوصل على 7 بالليل ان شاء الله
ياريت تفيدونى و جزاكن الله كل خير
عضو نشيط
أختي كل الأطفال في مصر الآن لابسين ملابس شتوية ولكن ليست ثقيلة جدا ملابس شتوية عادية مع ضرورة وجود جاكت في الصباح الباكر وفي فترة الليل فقط وربنا يسلم ابنك من كل شر
مُبدعة صيف 1429- 1430- 1431هـ
يا أهلا بالغايبين
يا أهلا
مصر هتنور يا ام ياسين
أسمعى يا ستى
طبعا الطيارة هتبقى مكيفة
لبسى أبنك تى شيرت قطن بكم
وقبل ما تنزلى من الطيارة
لبسيه جاكيت تقيل
عشان الجو بالليل برد
بس أهم حاجة التى شيرت يبقى بكم
درجة الحرارة عندنا
ما بين 25 ألى 27
والصغرى من 16 ألى 18
يعنى برد
تنورى يا قمر
ويارب توصلى بالسلامة
ويتلم شملك مع أمك وأختك
النجم البرونزي
هتنوري مصر يا أم سيسو
مصر الجو فيها بدأ يبرد
يعني إبني عنده سنه و 4 شهور بلبسه فانلة كط و عليها فلنة داخلية نص كم قطن طبعاً دة تحت الترنج القطن بكم .. في الخروج بدل الترنج تيشرت قطن بكم و بعد غياب الشمس لازم الجاكت فوق التيشيرت لو كنا في الخارج ..
ربنا يباركلك في سيسو و توصلي بالسلامة ..
ذوقي راقي
بصى ياختى يا ام سيسو
الجو برد بس مش اوى يعنى هيبتدى يبرد
فلو لابس فانله كم وتيشرت وبلوفر او جاكت يبقى حلو اوى
ومتنسيش طقم عيد ميلاد هوبا وتجبيه غالى متسترخصيش فاهمه
علشان عيد ميلاده
نبض وعطاء الشتاء
النجم الفضي
حبيبتى الجو عندنا بليل والصبح بادرى بيبقى بارد جدا وانا الان بلبس بنتى فانله كت وعليها واحده نصف وواحده كم وطبعا كله قطن وبعدين البيجاما او السلوبيت ولو احنا خارجين بلبسها بنطلون من تحت البنطلون الجنز او الكلون لو فستان فانتى اعملى احتياطك وتقلى علشان فى المطار الجو بيبقى برد جدا وتوصلى بالف سلامه يارب
النجم الفضي
اهلين بيكلى فى مصر ام سيسو
الجو عندنا بدا يبرد باليل اقترح لبسيه فانله بنصف واخرى بكم من القطن وفوقها تيشرت بكم قطن تقيل مش صوف وهاتى جاكيت معاكى كمان عشان باليل وترجعى بالسلامه مصر تنور بيكى6
النجم البرونزي
اهلابيك
تنوري ام الدنيا برجوعك وعلى فكره
الجو برد واحسن تلبسيه جاكيت بس حاجه
خفيفه مش جاكيت جاكيت يعني ولا تتعصبي يا قمر
النجم البرونزي
السلام عليكم
حبيببتى هتنورى مصر
ممكن تلبسيه فنله كت وواحده نص كم وتى شيرت تقيل مع بنطلون جينز وخدى معاكى جاكيت تقيل علشان الجو فى المطار بارد اوى
أعضاء قرؤوا هذا الموضوع: 0
رد مع الاستدلال
.
الروابط المفضلة