يا بنات حطوا أسئلة عن اعمار 5 و 6 سنين ترى عندي فقدان في الذاكرة بعد الحمل والولادة .
طبعا في البداية الاعمار؟
11
9
8
شهر
ماهي ملابس طفلك في الشتاء ؟؟ كم طبقة ؟ وماهي مكوناتها؟
طبعاً الكبير قعد في جدة سنتين وماكان فيها شتا بس مرة رحنا المدينة ولبسته طبقتين وفوقهم جاكيت .
في امريكا يلبسوا طبقتين .
ماهو لبسهم في البيت ؟؟
داخلي وبجامة قطنية وفوقها البجامة الكاملة اليي زي تلي تبيز .
وما لبسهم في الطلعات؟؟
عادة الأسواق والبيوت والمراكز الإسلامية مدفئة فيكون اللبس عادي زي البيت طبقتين وفي الشارع جاكيت تقيل للصغار كامل والكبار جاكيت طويل للركبة.
ماهي اكثر الملابس التي شعرتي انها مفيدة وطلعتي حقها خخخخ؟؟
الجاكتات وملابس الشتا بشكل عام . والبجايم القطنية الداخلية ماشاء الله من واحد لواحد .
ماذا تلبسينهم في رجولهم صنادل أحذية عادية ولا بوتات رياضية؟؟
حسب الموسم طبعاً في الشتا وهو اغلب السنة تقريباً 9 شهور يلبسوا ابوات سواءً جلد أو رياضية .. ومتوفرة هناك بكثرة حتى انها تجي اطقم مع فساتين البنات .
وفي الصيف أخف أنواع الصنادل .عشان الصيف كله خرجات وبحر وحدايق .
في النوم ماذا يكون لبسهم ؟؟
البجامة القطنية .
ام البنوتات هل بناتك يحتفظن بالبكل في شعورهن؟؟ وأم الاولاد هل يقبلو بوضع الكابات او الطاقية والعقال لو رغبتي بهم؟؟
بالنسبة لبنتي .. ماشاء الله كانت آية ياريتها ترجع تعقل زي ماكانت فهي صغيرة كانت زي ما اسوي فيها ماتعارض سواء بكلات والا قبعات ولما كبرت صارت تضيع كل شي حتى اتذكر آخر مرة ضيعت لي قبعة غاااااااااالية حرقت قلبي عليها .
وفي الشتا الكل يلبس قبعات ويضيعها ..
مشكلة كل أم أثناء الليل هي تغطية أطفالها جيدا حتى لايتخلل البرد الى اجسامهم الصغيرة....... ولكن غالبا مانجد الغطاء في جهة اخرى من الطفل بسبب حركته وتقلبه
كيف تتعاملين مع هذا الموقف لتتلافي المرض او البرد من الوصول اليه؟؟
حالياً كل ما امر على غرفهم اغطيهم وقبل ما أنام امر عليهم اغطيهم _ الله يغفر لي ايام الحمل نسيتهم ومارجعت اغطيهم الا من كم يوم بس _
لما كانوا صغار كنت اغطيهم بأغطية كبيرة وهم اصلاً لابسين بجامة قطنية تقيلة .
ماهو سن بداية التسنين لدى طفلك؟؟
الكبير على 7 أو 8 شهور
البنت بصراحة ماني فاكرة اظنها 6 اشهر .
الصغير 6 شهور
ماهي الأعراض المرضية التي واجهتيها ومن ثم عرفتي انها أعراض التسنين؟؟
كان ارتفاع في الحرارة بعدين تطورنا لإسهال شديد . ونكد وزن وبكا وايام السخونة تعب وارهاق فظيع .
كيف استطعتي التخفيف من آلام التسنين؟؟
استعمل مسكنات وخافض حرارة وعضاضة باردة . وجزر بارد .
الروابط المفضلة