يا هلا بيكى يا جميل انتى منورة ,,,
للبحث في شبكة لكِ النسائية:
|
يا هلا بيكى يا جميل انتى منورة ,,,
شوفتي مشكلة الانتفاخات دي اللي عند حديث الولاده
فعلا مشكله لازملها مناقشه وتبادل آراء
انا بحس ان في امهات بتحط عسل نحل في الببرونا بتاعة الاعشاب ودا ذات نفسو بيعمل انتفاخ وغازات عارفه كفايه فرفوته لان في امهات بتتوصى بالعسل بس الاعتدال حلو وميضورش نقطة عسل بس كفايه ربع ملعقه بس
انا بقى ليا ملحوظه هنا ياندى ان بلاش العسل للاطفال لأن وجدوا بكتريا ضاره للأطفال موجوده بالعسل الطفل مش بيسحملها الا لما يتم سنه ويبقى هنا استعمل سكر حاجه بسيطه طرف الملعقه الصغيره ويجب اخذ الطفل لأدويه طارده للغازات طبيعيه مش داخلها كيماويات ..
وللعلم اليانسون والتليو هايلين الأول عشان الغازات والثانى عشان النوم الهادى وعلى فكره ماما قالتلى ان الكمون والكراويه والأعشاب التانيه بيبقوا حاميين على الطفل او تقال عليه الأفضل اليانسون بس متقلهوش مره واحده يوميا ...
انا عاجبني الموضوع اوي وكل يوم بقرأ واشوف الجديد فيه وانا كنت كتبت خطأي قبل كده وهي الرضاعة الصناعية
ابني دلوقتي ابتدأ 4 شهور وكنت عاوزة اسأل الخبيرات هنا هل ابدأ معاه بأي اكل او عصائر ولااستنى شوية
انا في اسامه كنت بديلو بيبي درنك كان جميل بيتاخد على 50 ملل مايه هوا مجموعه اعشاب سريعة الذوبان كان كتبهالو الدكتور وبتريح البطن وجميل فاكراه ؟
اهلا بأم باسل
اهلا بيكي معانا
انا عن نفسي الدكتور قاللي لا
قللي ابدئي اكليه لما يبقى خمس شهور ونص او 6 شهور
لان لسه بيكون في انزيمات للهضم لازمه مبتكونش لسا فرزتها المعده او لسه متكونتش باين
هوا فهمني حاجه زي كدا
وانا ابني دلوقتي عمرو 3 سنين و5 شهور
ربنا يخليه يا رب ويحميه
ورده انتي قولتيلي قبل كدا لى كمادات جاهزه للاطفال بتتباع في الصيدليه ؟
هيا عباره عن ايه وبتستخدميها ازاي ؟
يعني كنت عايزه اسأل هيا عباره عن شاش او قماش مستطيل وابلو واحطو على الجبهه مثلا ؟
وللا ليها استخدام بطريقه تانيه ؟
متشكرة اوي ياندي وانا مبسوطة اني بشارك معاكم
بس انا كنت سمعت ان اللي بيبتدي يأكل اولاده متأخر بيبقى صعب شوية تعويدهم على الاكل
انا جارتي دكتورة قالتلي متديش اكل قبل ال 6شهور بس ممكن تديله دلوقتي عصير برتقال وتاكليه تفاح مهروس
آخر مرة عدل بواسطة ورده مصريه : 04-10-2008 في 01:20 AM
هى عباره عن ماده داخل كيس خفيف اوى وعليه ورقه شدى طرف الورقه هتلاقى طبقه لاصقه حطيها على جبهه الطفل وتسيبيها طول الليل هى مده مفعولها 4 ساعات والشرح على العليه عنها واضح جدا وفيه نوعين مصرى ويابانى والأتنين حلوين اوى بيفرقوا فى التمن بس اسمها تيمبو كول دى مصريه وب 7 جنيه هى كمادات جل
الروابط المفضلة